കൊച്ചി മെട്രോ: വേദിയിൽ ഇ. ശ്രീധരനെയും ചെന്നിത്തലയെയും ഉൾപ്പെടുത്തി

തിരുവനന്തപുരം: വിവാദങ്ങൾക്കും പ്രതിഷേധങ്ങൾക്കുമൊടുവിൽ കൊച്ചി മെട്രോ ഉദ്ഘാടനച്ചടങ്ങിലെ വേദിയിൽ ഡി.എം.ആർ.സി മുഖ്യ ഉപദേഷ്​ടാവ് ഇ. ശ്രീധരനെയും പ്രതിപക്ഷ നേതാവ് രമേശ് ചെന്നിത്തലയെയും ഉൾപ്പെടുത്തി. സംസ്​ഥാന സർക്കാർ പ്രധാനമന്ത്രിയുടെ ഓഫിസിന്​ നൽകിയ കത്തിനെ തുടർന്നാണ്​ തീരുമാനത്തിൽ മാറ്റം വരുത്തിയത്​.

സ്ഥലം എം.എൽ.എ പി.ടി.തോമസിനെ ഉൾപ്പെടുത്തണമെന്ന ആവശ്യം അംഗീകരിച്ചിട്ടില്ല. ഇ. ശ്രീധരനെയും ചെന്നിത്തലയെയും വേദിയിൽ ഉൾപ്പെടുത്തിയ വിവരം പ്രധാനമന്ത്രിയുടെ ഒാഫിസ്​ മുഖ്യമന്ത്രിയുടെ ഒാഫിസിനെ അറിയിച്ചു. മെട്രോ ഉദ്​ഘാടനത്തെച്ചൊല്ലിയുണ്ടായ വിവാദത്തിന്​ ഇതോടെ അറുതിയായി.ഇ. ശ്രീധര​​​െൻറയും പ്രതിപക്ഷനേതാവി​​​​െൻറയും പേരുകൾ വേദിയിൽ പ​െങ്കടുത്ത്​ പ്രസംഗിക്കുന്നവരുടെ കൂട്ടത്തിൽ സംസ്​ഥാന സർക്കാർ ആദ്യം നിർദേശിച്ചിരുന്നു.

എന്നാൽ വേദിയിൽ ഏഴുപേരെ മാത്രം നിശ്ചയിച്ചാണ്​ പ്രധാനമന്ത്രിയുടെ ഒാഫിസ്​ പരിപാടികൾക്ക്​ അംഗീകാരം നൽകിയത്​. പ്രധാനമന്ത്രി, മുഖ്യമന്ത്രി, ഗവർണർ, കേന്ദ്രമന്ത്രി വെങ്കയ്യ നായിഡു, ഗതാഗതമന്ത്രി തോമസ് ചാണ്ടി, കൊച്ചി മേയർ സൗമിനി ജെയിൻ, കെ.വി. തോമസ് എം.പി എന്നിവരുടെ പേരുകളാണ് ഉൾപ്പെട്ടത്​. ഇ. ശ്രീധരനെയും പ്രതിപക്ഷനേതാവിനെയും വേദിയിൽനിന്ന് ഒഴിവാക്കിയതിനെതിരെ രൂക്ഷ വിമർശനമാണ് ഉയർന്നത്. തങ്ങൾക്ക്​ പ്രതിഷേധമുണ്ടെങ്കിലും പരിപാടി ബഹിഷ്​കരിക്കില്ലെന്ന നിലപാടാണ്​ പ്രതിപക്ഷം കൈക്കൊണ്ടത്​.