നടികൾ ‘അമ്മ’യിൽ നിന്നുതന്നെ പോരാടണം: ഡബ്ല്യു.സി.സിക്ക്​ പിന്തുണയുമായി മേഴ്​സിക്കുട്ടിയമ്മ

തിരുവനന്തപുരം: താരസംഘടനയായ അമ്മക്കെതിരെ രൂക്ഷവിമർശനവുമായി രംഗത്തെത്തിയ ഡബ്ല്യു.സി.സിക്ക്​ പിന്തുണയുമായി ഫിഷറീസ്​ മന്ത്രി മേഴ്സിക്കുട്ടിയമ്മ. സർക്കാർ എന്നും ഇരകൾക്കൊപ്പമാണ്​. അവർ ഒരിക്കലും അനാഥമാകില്ല. ഡബ്ല്യു.സി.സി അംഗങ്ങൾ അമ്മ സംഘടനക്ക്​ ഉള്ളിൽ നിന്ന് തന്നെ പോരാടണം. സൈബർ ആക്രമണത്തിൽ നടിമാർ ഭയപ്പെടരുതെന്നും മന്ത്രി പറഞ്ഞു.

അന്തസോടെ ജീവിക്കാനുള്ള സ്ത്രീകൾകളുടെ പോരാട്ടത്തി​​​െൻറ ഭാഗമാണ് മീ ടൂ കാമ്പയിൻ. എം.എൽ.എയും നടനുമായ മുകേഷിനെതിരെ ഉയർന്ന ആരോപണത്തിൽ ഇര പരാതി നൽകിയാൽ പൊലീസ് കേസെടുക്കും. എന്നാൽ ഊഹാപോഹങ്ങളുടെ അടിസ്ഥാനത്തിൽ കേസെടുക്കാനാകില്ലെന്നും മന്ത്രി പറഞ്ഞു.

അമ്മക്കും പ്രസിഡൻറ്​ മോഹന്‍ലാലിനുമെതിരെ ആരോപണം ഉന്നയിച്ച ഡബ്ല്യു.സി.സിയുടെ ഫേസ്ബുക്ക് പേജില്‍ പ്രമുഖ താരങ്ങളുടെ ആരാധകർ സൈബര്‍ ആക്രമണം നടത്തിയിരുന്നു.