മേപ്പാടി ഉരുൾപൊട്ടൽ: എയർഫോഴ്സ് ഹെലികോപ്ടറുകൾ അയക്കും -മുഖ്യമന്ത്രി

കൽപറ്റ: വയനാട് മേപ്പാടിയിലുണ്ടായ ഉരുൾപൊട്ടലിൽ രക്ഷാപ്രവർത്തനം നടത്താൻ എയർഫോഴ്സ് ഹെലികോപ്ടറുകൾ എത്തുമെന്ന് മുഖ്യമന്ത്രി പിണറായി വിജയൻ. മഴയും ഇരുട്ടും രക്ഷാപ്രവർത്തനം ശ്രമകരമാക്കുകയാണ്. സ്ഥലത്ത് എത്തിച്ചേരാനും പ്രയാസമുണ്ട്. എയർഫോഴ്സിന്‍റെ രാത്രി സഞ്ചരിക്കാവുന്ന ഹെലികോപ്ടറുകൾ അയക്കാനാണ് ആവശ്യപ്പെട്ടത്. മഴ അൽപമൊന്ന് ശമിച്ചാൽ അവിടെ എത്തിച്ചേരാനാകും -മുഖ്യമന്ത്രി പറഞ്ഞു.

വലിയ ഉരുൾപൊട്ടലാണ് മേപ്പാടിയിൽ ഉണ്ടായത്. രക്ഷാപ്രവർത്തനത്തിന് സാധ്യമായ എല്ലാ മാർഗങ്ങളും നോക്കുന്നുണ്ടെന്ന് മുഖ്യമന്ത്രി പറഞ്ഞു.