കണ്ണൂർ സർവകലാശാലയിലും ആർത്തവാവധി

കണ്ണൂർ: കൊച്ചി ശാസ്ത്രസാങ്കേതിക സർവകലാശാല മാതൃകയിൽ കണ്ണൂർ സർവകലാശാലയിലും ആർത്തവാവധി നടപ്പാക്കും. ആർത്തവാവധി ആവശ്യപ്പെട്ട് സർവകലാശാല യൂനിയനും വിവിധ സംഘടനകളും വൈസ് ചാൻസലർക്ക് നിവേദനം നൽകിയിരുന്നു. ഈ മാസം 30ന് നടക്കുന്ന സിൻഡിക്കേറ്റ് യോഗത്തിലോ അതിനുമുമ്പോ ഇതുസംബന്ധിച്ച് തീരുമാനമെടുക്കും.

ആർത്തവസമയത്ത് അനുഭവിക്കുന്ന പ്രയാസം കണക്കിലെടുത്ത് അവധി നൽകണമെന്നാണ് എസ്.എഫ്.ഐ നേതൃത്വം നൽകുന്ന കണ്ണൂർ സർവകലാശാല യൂനിയന്റെ ആവശ്യം. നിവേദനത്തിൽ താമസിയാതെ തീരുമാനമുണ്ടാകുമെന്ന് രജിസ്ട്രാർ പറഞ്ഞു.