വിട പറഞ്ഞത്​ എ​ല്ലാ​വ​രു​ടെ​യും കു​ട്ടി​മ്മാ​ൻ

ഡോ. ​പി.​ആ​ർ. ര​മേ​ഷ് ചീ​ഫ് (ക്ലി​നി​ക്ക​ൽ റി​സ​ർ​ച്), ആ​ര്യ​വൈ​ദ്യ​ശാ​ല - ​( പി.കെ. വാര്യരുടെ 100 ാം പിറന്നാൾ ദിനത്തിൽ ആദരവുമായി 'മാധ്യമം' പുറത്തിറക്കിയ പ്രത്യേക പതിപ്പിൽ നിന്ന്​)

നി​യോ​ഗം ന​മ്മു​ടെ ജീ​വി​ത​ത്തെ എ​ങ്ങ​നെ സ്വാ​ധീ​നി​ക്കു​ന്നു​വെ​ന്ന​റി​യാ​ൻ മ​ഹാ​ന്മാ​രു​ടെ ജീ​വി​ത​ത്തെ സ​സൂ​ക്ഷ്മം നി​രീ​ക്ഷി​ച്ചാ​ൽ മ​തി. മ​ഹ​ത്താ​യ ഇ​ത്ത​ര​മൊ​രു നി​യോ​ഗം കൊ​ണ്ട് ധ​ന്യ​മാ​യ ജീ​വി​തം ന​യിച്ച വ്യ​ക്തി​ത്വ​മാ​ണ് ഞ​ങ്ങ​ളു​ടെ കു​ട്ടി​മ്മാ​ൻ എ​ന്നു വി​ളി​ക്കു​ന്ന ഡോ. ​പി.​കെ. വാ​ര്യ​ർ.

കു​ട്ടി​ക്കാ​ല​ത്ത് അ​ച്ഛ​മ്മ​യും മു​തി​ർ​ന്ന​വ​രും പ​റ​ഞ്ഞു​ത​ന്ന വ​ലി​യ​മ്മാ​വ​െൻറയും (വൈ​ദ്യ​ര​ത്നം പി.​എ​സ്. വാ​ര്യ​ർ) ചെ​റി​യ​മ്മാ​വ​െൻറ​യും (ക​വി കു​ല​ഗു​രു പി.​വി. കൃ​ഷ്ണ​വാ​ര്യ​ർ) കു​ട്ടി​മ്മാ​െൻറ​യും ജീ​വി​ത​മു​ഹൂ​ർ​ത്ത​ങ്ങ​ൾ കേ​ട്ട​റി​ഞ്ഞാ​ണ് വ​ള​ർ​ന്ന​ത്. പി​ൽ​ക്കാ​ല​ത്ത് സൗ​മ്യ​വും സ്നേ​ഹ​വാ​ത്സ​ല്യ​ത്തോ​ടെ​യു​മുള്ള അ​ദ്ദേ​ഹ​ത്തി​െൻറ തു​റ​ന്ന സ​മീ​പ​നം ഞ​ങ്ങ​ൾ കു​ട്ടി​ക​ൾ​ക്ക് ഹൃ​ദ്യ​മാ​യി​രു​ന്നു. അ​ക്കാ​ല​ത്ത് ജീ​വി​ത​ശൈ​ലി​യു​ടെ പ്ര​ധാ​ന വി​നോ​ദോ​പാ​ധി സി​നി​മ​യാ​യി​രു​ന്നു.

അ​തി​നാ​ൽ ഔ​ദ്യോ​ഗി​ക ജീ​വി​ത​ത്തി​ൽ​നി​ന്ന്​ അ​ദ്ദേ​ഹ​ത്തി​ന് ഇ​ത്ത​രം ഒ​ത്തു​കൂ​ട​ലു​ക​ൾ ആ​ശ്വാ​സ​മാ​യി​രു​ന്നു. മു​തി​ർ​ന്ന​ശേ​ഷം ആ​ര്യ​വൈ​ദ്യ​ശാ​ല​യി​ൽ ഔ​ദ്യോ​ഗി​ക ജീ​വി​തം ആ​രം​ഭി​ച്ച​പ്പോ​ഴാ​ണ് കു​ട്ടി​മ്മാ​ൻ എ​ന്ന​തി​നേ​ക്കാ​ൾ ഉ​പ​രി ഡോ. ​പി.​കെ. വാ​ര്യ​രെ​ന്ന വ്യ​ക്തി​ത്വ​ത്തെ അ​നു​ഭ​വി​ക്കാ​നാ​യ​ത്.

1996ൽ ​കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലെ പെ​യി​ൻ ആ​ൻ​ഡ് പാ​ലി​യേ​റ്റി​വ് കെ​യ​ർ യൂ​നി​റ്റി​ൽ റി​സ​ർ​ച് ചെ​യ്യു​മ്പോ​ഴാ​ണ് അ​ദ്ദേ​ഹ​ത്തി​െൻറ ശാ​സ്ത്ര ഗ​വേ​ഷ​ണോ​ത്സു​ക​ത​യു​ടെ ആ​ഴം അ​ടു​ത്ത​റി​ഞ്ഞ​ത്. 2002ൽ ​ഞാ​ൻ ഡ​ൽ​ഹി​യി​ലെ ആ​ര്യ​വൈ​ദ്യ​ശാ​ല ആ​ശു​പ​ത്രി​യി​ലെ പ്ര​ധാ​ന​വൈ​ദ്യ​ന​ായി​രി​ക്കെ വാ​ര്യ​ർ സാ​ർ സ​ന്ദ​ർ​ശിച്ചിരു​ന്നു. അ​ന്ന് അ​ദ്ദേ​ഹം ന​ൽ​കി​യ ഉ​പ​ദേ​ശം ഇ​ന്നും പ്രാ​യോ​ഗി​ക​മാ​ക്കാ​ൻ ശ്ര​മി​ക്കാ​റു​ണ്ട്. ''എ​ല്ലാ​വ​രെ​യും കൂ​ടെ കൊ​ണ്ടു​ന​ട​ക്കാ​ൻ എ​പ്പോ​ഴും ശ്ര​ദ്ധ വേ​ണം. എ​ല്ലാ​യ്പ്പോ​ഴും ശി​ക്ഷ കൊ​ണ്ട് മാ​ത്രം കാ​ര്യ​മു​ണ്ടാ​ക​ണ​മെ​ന്നി​ല്ല''-​ഇ​താ​യി​രു​ന്നു സ​ന്ദേ​ശം.