മെഡിക്കൽകോഴ: ആർ.എസ്​ വിനോദിനെ ബി.ജെ.പി പുറത്താക്കി

തിരുവനന്തപുരം: മെഡിക്കൽ കോഴ വിവാദത്തിൽ ഉൾപ്പെട്ട  സംസ്ഥാന സമിതി അംഗം ആർ.എസ്​. വിനോദിനെ ബി.ജെ.പി പുറത്താക്കി. ബി.ജെ.പി സംസ്ഥാന നേതൃത്വമാണ്​​ വിനോദിനെ പുറത്താക്കിയത്​. നേരത്തെ മെഡിക്കൽ കോളജുകൾ അനുവദിക്കുന്നതുമായി ബന്ധപ്പെട്ട്​ വിനോദ്​ 5.60 കോടി രൂപ കൈക്കൂലി വാങ്ങിയെന്ന്​ പാർട്ടി അന്വേഷണ കമീഷൻ കണ്ടെത്തയിരുന്നു. സംസ്ഥാന നേതാവായ എം.ടി രമേശിനും അഴിമതിയിൽ പങ്കുണ്ടെന്ന്​ ആരോപണമുയർന്നിരുന്നു.