ശ​സ്ത്ര​ക്രി​യ​ ഉപകരണം വയറ്റിൽ മറന്നുവെച്ച സംഭവം: റിപ്പോർട്ട് വൈകുന്നത് ജീവനക്കാരെ സംരക്ഷിക്കാൻ, തിങ്കളാഴ്ച മുതൽ നിരാഹാര സമരമെന്ന് പരാതിക്കാരി

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ശ​സ്ത്ര​ക്രി​യ​ക്കി​ടെ ഉ​പ​ക​ര​ണം വ​യ​റ്റി​ൽ മ​റ​ന്നു​വെ​ച്ച സം​ഭ​വ​ത്തി​ലെ അന്വേഷണ റിപ്പോർട്ട് വൈകുന്നതിനെതിരെ പരാതിക്കാരി. ആശുപത്രി ജീവനക്കാരെ സംരക്ഷിക്കാനുള്ള നീക്കമാണ് നടക്കുന്നതെന്ന് അ​ടി​വാ​രം സ്വ​ദേ​ശി​നി ഹ​ർ​ഷി​ന​ ആരോപിച്ചു. ശാസ്ത്രീയ പരിശോധനാ ഫലം വൈകുന്നതിൽ ദുരൂഹതയുണ്ട്. അന്വേഷണ റിപ്പോർട്ട് വൈകുന്നതിനെതിരെ മെഡിക്കൽ കോളജിന് മുമ്പിൽ തിങ്കളാഴ്ച മുതൽ നിരാഹാരസമരം ആരംഭിക്കുമെന്നും ഹ​ർ​ഷി​ന​ പറഞ്ഞു.

അ​ഞ്ചു ​വ​ർ​ഷം മു​മ്പാ​ണ് കോ​ഴി​ക്കോ​ട് മെ​ഡിക്കൽ കോ​ള​ജി​ലെ ഐ.​എം.​സി.​എ​ച്ചി​ൽ അ​ടി​വാ​രം സ്വ​ദേ​ശി​നി ഹ​ർ​ഷി​ന സി​സേ​റി​യ​ന് വി​ധേ​യ​യാ​യ​ത്. അ​തി​നു​ശേ​ഷം പ​ല​ത​രം ശാ​രീ​രി​കാ​സ്വ​സ്ഥ​ത​ക​ൾ അ​നു​ഭ​വി​ച്ചു. മൂ​ത്രാ​ശ​യ​സം​ബ​ന്ധ​മാ​യ ക​ടു​ത്ത പ്ര​യാ​സ​ങ്ങ​ൾ വ​ന്ന​​പ്പോ​ൾ മൂ​ന്നു​മാ​സം മു​മ്പ് കോ​ഴി​ക്കോ​ട് ഇ​ഖ്റ ആ​ശു​പ​ത്രി​യി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് ശ​സ്ത്ര​ക്രി​യ ഉ​പ​ക​ര​ണ​മാ​യ ഫോ​ർ​സെ​പ്സ് മൂ​ത്ര​സ​ഞ്ചി​യി​ൽ ആ​ഴ്ന്നു​കി​ട​ക്കു​ന്ന​താ​യി ക​​ണ്ടെ​ത്തി​യ​ത്. തു​ട​ർ​ന്ന് ഐ.​എം.​സി.​എ​ച്ചി​ൽ​ നി​ന്നു​ ത​ന്നെ​യാ​ണ് ഇ​ത് ശ​സ്ത്ര​ക്രി​യ​യി​ലൂ​ടെ പു​റ​ത്തെ​ടു​ത്ത​ത്.

ശ​സ്ത്ര​ക്രി​യ​ക്കി​ടെ ഉ​പ​ക​ര​ണം വ​യ​റ്റി​ൽ മ​റ​ന്നു​വെ​ച്ച സം​ഭ​വ​ത്തി​ൽ യു​വ​തി പ്ര​തി​ഷേ​ധി​ക്കാ​ൻ ത​യാ​റാ​യ​പ്പോ​​ഴേ​ക്കും ആ​രോ​ഗ്യ ​മ​ന്ത്രി വീ​ണ ജോ​ർ​ജ് പ​രാ​തി​ക്കാ​രി​യാ​യ ഹ​ർ​ഷി​ന​യെ ​ഫോ​ണി​ൽ നേ​രി​ട്ടു​വി​ളി​ച്ചു. ഹ​ർ​ഷി​ന​ക്കൊ​പ്പം​ ത​ന്നെ​യാ​ണ് സ​ർ​ക്കാ​റു​ള്ള​തെ​ന്നും നേ​ര​ത്തെ ല​ഭി​ച്ച അ​ന്വേ​ഷ​ണ റി​പ്പോ​ർ​ട്ട് തൃ​പ്തി​ക​ര​മ​ല്ലാ​ത്ത​തി​നാ​ൽ വി​ശ​ദ​മാ​യ ശാ​സ്ത്രീ​യ അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടി​ട്ടു​ണ്ടെ​ന്നും മ​ന്ത്രി ഹ​ർ​ഷി​ന​യെ അ​റി​യി​ച്ചു.

ശാ​രീ​രി​കാ​സ്വാ​സ്ഥ്യ​ങ്ങ​ളെ തു​ട​ർ​ന്ന് യു​വ​തി​യെ വീ​ണ്ടും ​മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചി​രു​ന്നു. ത​ന്റെ കാ​ര്യ​ത്തി​ൽ എ​ന്തെ​ങ്കി​ലും തീ​രു​മാ​ന​മാ​വു​ന്ന​ത് വ​രെ ആശുപത്രിയിൽ നിന്ന് മ​ട​ങ്ങി​ല്ലെ​ന്ന് യു​വ​തി അന്ന് മാ​ധ്യ​മ​ങ്ങ​ളോ​ട് പ്ര​തി​ക​രി​ച്ചത്. ഇ​ത​റി​ഞ്ഞാ​ണ് മ​ന്ത്രി നി​യ​മ​സ​ഭ സ​മ്മേ​ള​ന​ത്തി​നി​ടെ ഹ​ർ​ഷി​ന​യെ വി​ളി​ച്ച​ത്. ത​ന്റെ പ്ര​യാ​സ​ങ്ങ​ളെ​ല്ലാം ഹ​ർ​ഷി​ന മ​ന്ത്രി​യോ​ട് വി​ശ​ദ​മാ​യി പ​റ​ഞ്ഞു. നീ​തി കി​ട്ടാ​ൻ വൈ​കു​ന്ന​തി​ലു​ള്ള പ്ര​തി​ഷേ​ധ​വും അ​റി​യി​ച്ചു.

''ഇ​പ്പോ​ഴും ശാ​രീ​രി​ക​പ്ര​യാ​സ​ങ്ങ​ളു​ണ്ട്. ന​ട്ടെ​ല്ലി​ന് വേ​ദ​ന​യു​ണ്ട്. സ്കാ​നി​ങ്ങി​നും എ​ക്സ്റേ​ക്കു ​പോ​ലും കൈ​യി​ൽ പ​ണ​മി​ല്ല. മൂ​ന്ന് മ​ക്ക​ളെ നോ​ക്കാ​ൻ മ​റ്റാ​രു​മി​ല്ല. സം​ഭ​വം ക​ണ്ടെ​ത്തി മൂ​ന്നു​മാ​സം ക​ഴി​ഞ്ഞി​ട്ടും എ​വി​ടെ​നി​ന്നും ഉ​ത്ത​രം കി​ട്ടു​ന്നി​ല്ല. താ​ൻ കി​ട​പ്പാ​യ​തി​നാ​ൽ ഭ​ർ​ത്താ​വി​ന് ജോ​ലി​ക്ക് പോ​കാ​നാ​വു​ന്നി​ല്ല. അ​തി​നാ​ൽ ന​ഷ്ട​പ​രി​ഹാ​രം കി​ട്ടി​യേ തീ​രൂ'' -ഹ​ർ​ഷി​ന മ​ന്ത്രി വീ​ണ ജോ​ർ​ജി​നോ​ട് പ​റ​ഞ്ഞു. എ​ല്ലാ​ത്തി​നും അ​ന്വേ​ഷ​ണ റി​പ്പോ​ർ​ട്ട് വ​ര​​ട്ടെ​യെ​ന്ന മ​റു​പ​ടി മ​​ന്ത്രി ആ​വ​ർ​ത്തി​ച്ചു.