യുവതിയുടെ നെഞ്ചിൽ ട്യൂബ് കുടുങ്ങിയ സംഭവം: കുറ്റക്കാർക്കെതിരെ നടപടി ഉറപ്പാണെന്ന്​ ആരോഗ്യ മന്ത്രി

തിരുവനന്തപുരം: തിരുവനന്തപുരം ജനറൽ ആശുപത്രിയിൽ ചികിത്സ പിഴവിനെ തുടര്‍ന്ന് യുവതിയുടെ നെഞ്ചിൽ ട്യൂബ് കുടുങ്ങിയ സംഭവത്തിൽ നേരത്തെ തന്നെ വിശദമായി അന്വേഷിക്കാൻ നിർദ്ദേശം നൽകിയിരുന്നുവെന്നും കുറ്റക്കാർക്കെതിരെ കർശന നടപടി സ്വീകരിക്കുമെന്നും ആരോഗ്യ മന്ത്രി വീണ ജോർജ്​.

ഏതാനും മാസങ്ങൾ മുമ്പാണ് ഇത് കണ്ടുപിടിച്ചത്. തുടർന്ന്​ അന്വേഷണത്തിന്​ വിദഗ്ധസമിതിയെ നിയോഗിച്ചു​. സമിതി റിപ്പോർട്ട് ലഭിച്ചിട്ടില്ല. യുവതി ഇപ്പോൾ പരാതി ഉന്നയിച്ചിട്ടുണ്ട്. അന്വേഷണത്തിൽ കുറ്റക്കാരെന്ന് കണ്ടെത്തുന്നവർക്കെതിരെ നടപടി ഉറപ്പാണ്​ -മന്ത്രി മാധ്യമങ്ങളോട്​ പറഞ്ഞു. വിഷയത്തിൽ ഇന്നലെ മന്ത്രിയോട് മാധ്യമങ്ങൾ ഇതേക്കുറിച്ച് ചോദിച്ചിരുന്നെങ്കിലും പ്രതികരിച്ചിരുന്നില്ല. എ​ല്ലാം ആ​രോ​ഗ്യ​വ​കു​പ്പ്​ ഡ​യ​റ​ക്ട​ർ പ​റ​ഞ്ഞി​ട്ടു​ണ്ടെ​ന്നും അ​തി​ൽ കൂ​ടു​ത​ൽ ഒ​ന്നും പ​റ​യാ​നി​ല്ലെ​ന്നു​മാ​ണ് ഇന്നലെ​ മ​ന്ത്രി പറഞ്ഞത്.

അതേസമയം, ചികിത്സാ പിഴവിൽ ഡോക്ടർ രാജീവ് കുമാറിനെതിരെ കേസെടുത്തു. ഐ.പി.സി 336, 338 എന്നീ വകുപ്പുകൾ ചുമത്തി കന്റോൺമെന്റ് പൊലീസാണ് കേസെടുത്തത്. ചികിത്സാപ്പിഴവ് സമ്മതിക്കുന്ന ഡോക്ടറുടെ ശബ്ദരേഖ പുറത്തുവന്നിരുന്നു. സംഭവം ആരോഗ്യവകുപ്പ് നിസാരമായി കാണുന്നുവെന്ന് സുമയ്യയുടെ കുടുംബം ആരോപിച്ചതിനു പിന്നാലെയാണ് ഡോക്ടർക്കെതിരെ കേസെടുത്തത്.

കാ​ട്ടാ​ക്ക​ട കി​ള്ളി തൊ​ളി​ക്കോ​ട്ടു​കോ​ണ​ത്ത്​ റ​സി​യ മ​ൻ​സി​ലി​ൽ സു​മ​യ്യ (26) ആ​ണ്​ നെ​ഞ്ചി​ൽ ട്യൂ​ബ്​ കു​ടു​ങ്ങി ദു​രി​തം അ​നു​ഭ​വി​ക്കു​ന്ന​ത്. 2023 മാ​ർ​ച്ചി​ൽ ജ​ന​റ​ൽ ആ​ശു​പ​ത്രി​യി​ൽ തൈ​റോ​യി​ഡ്​ ശ​സ്ത്ര​ക്രി​യ​ക്ക്​ വി​ധേ​യ​യാ​യ സു​മ​യ്യ​യു​ടെ നെ​ഞ്ചി​ലാ​ണ്​ ‘ഗൈ​ഡ്​ വ​യ​ർ’ എ​ന്ന ട്യൂ​ബ്​ കു​ടു​ങ്ങി​യ​ത്.

ശ​സ്ത്ര​ക്രി​യ​ക്ക്​ ശേ​ഷം ര​ക്ത​വും മ​രു​ന്നും ന​ൽ​കാ​നാ​യി ഉ​പ​യോ​ഗി​ച്ച സെ​ൻ​ട്ര​ൽ ലൈ​നി​ന്റെ ഗൈ​ഡ് വ​യ​റാ​ണ് നെ​ഞ്ചി​ൽ കു​ടു​ങ്ങി കി​ട​ക്കു​ന്ന​ത​ത്രേ. ശാ​രീ​രി​ക ബു​ദ്ധി​മു​ട്ടു​ക​ൾ ഉ​ണ്ടാ​യ​തി​നെ തു​ട​ർ​ന്ന്​ ശ്രീ​ചി​ത്രയിലും പി​ന്നീ​ട്​ ആ​ർ.​സി.​സിയിലുമ​ട​ക്കം ച​കി​ത്സ​തേ​ടി. തുട്ര്‍ന്ന് നടത്തിയ എ​ക്സ്റേ പ​രി​ശോ​ധ​ന​യി​ലാ​ണ്​ ഗൈ​ഡ് വ​യ​ർ ശ്ര​ദ്ധ​യി​പെ​ട്ട​ത്.