ചി​കി​ത്സാ പി​ഴ​വു​ക​ൾ ആ​വ​ർ​ത്തി​ക്കു​ന്നു; മ​ഞ്ചേ​രി മെ​ഡി​ക്ക​ൽ കോ​ള​ജി​നും വേ​ണം ന​ല്ല 'ചി​കി​ത്സ'

മ​ഞ്ചേ​രി: ഗ​വ. മെ​ഡി​ക്ക​ൽ കോ​ള​ജി​ൽ ചി​കി​ത്സാ നി​ഷേ​ധ​വും വേ​ണ്ട​ത്ര പ​രി​ച​ര​ണം ല​ഭി​ക്കു​ന്നി​ല്ലെ​ന്ന പ​രാ​തി​യും വീ​ണ്ടും ച​ർ​ച്ച​യാ​കു​ന്നു. ഇ​ര​ട്ട​ക്കു​ട്ടി​ക​ളെ ഗ​ർ​ഭം ധ​രി​ച്ചെ​ത്തി​യ യു​വ​തി​ക്ക് കോ​വി​ഡ് ആ​ശു​പ​ത്രി​യാ​ണെ​ന്ന പേ​ര് പ​റ​ഞ്ഞ്​ വേ​ണ്ട​ത്ര പ​രി​ച​ര​ണം ല​ഭി​ക്കാ​തെ ഗ​ർ​ഭ​സ്ഥ​ശി​ശു​ക്ക​ൾ മ​രി​ച്ച സം​ഭ​വ​മാ​ണ് അ​വ​സാ​ന​ത്തേ​ത്. ലേ​ബ​ർ മു​റി​യി​ൽ ജീ​വ​ന​ക്കാ​രു​ടെ മോ​ശം പെ​രു​മാ​റ്റ​വും വീ​ണ്ടും ച​ർ​ച്ച​യാ​യി.

പ്ര​സ​വ​വേ​ദ​ന​ക്കി​ട​യി​ലും മാ​ന​സി​ക​മാ​യി ത​ള​ർ​ത്തു​ന്ന ജീ​വ​ന​ക്കാ​രു​ടെ ശാ​പം ചൊ​രി​യു​ന്ന വാ​ക്കു​കേ​ട്ട് മ​ഞ്ചേ​രി മെ​ഡി​ക്ക​ൽ കോ​ള​ജി​ൽ ഇ​നി ചി​കി​ത്സ തേ​ടേ​ണ്ടെ​ന്നു​വ​രെ ആ ​യു​വ​തി​ക്ക് ഭ​ർ​ത്താ​വി​നോ​ട് പ​റ​യേ​ണ്ടി​വ​ന്നു. ജീ​വ​ന​ക്കാ​രു​ടെ മോ​ശം പെ​രു​മാ​റ്റ​ത്തെ സം​ബ​ന്ധി​ച്ച് നി​ര​വ​ധി ത​വ​ണ പ​രാ​തി ഉ​യ​ർ​ന്നി​ട്ടു​ണ്ട്. എ​ന്നാ​ൽ, ഇ​വ​ർ​ക്കെ​തി​രെ ഒ​രു​വി​ധ ന​ട​പ​ടി​യും ഉ​ണ്ടാ​കു​ന്നി​ല്ലെ​ന്നാ​ണ് വ​സ്തു​ത.

ക​ഴി​ഞ്ഞ ദി​വ​സം കോ​ട്ട​ക്ക​ലി​ൽ​നി​ന്നെ​ത്തി​യ കോ​വി​ഡ് ബാ​ധി​ത​യാ​യ വ​യോ​ധി​ക​ക്ക് വെൻറി​ലേ​ർ സൗ​ക​ര്യം ല​ഭി​ക്കാ​തെ മ​ര​ണ​ത്തി​ന് കീ​ഴ​ട​ങ്ങി​യെ​ന്ന ആ​രോ​പ​ണ​വും ആ​ശു​പ​ത്രി​ക്കെ​തി​രെ ഉ​യ​ർ​ന്നു. ഇ​തി​ൽ മൂ​ന്നം​ഗ ക​മ്മി​റ്റി അ​ന്വേ​ഷ​ണം ന​ട​ത്തി ജി​ല്ല ക​ല​ക്ട​ർ​ക്കും ജി​ല്ല മെ​ഡി​ക്ക​ൽ ഓ​ഫി​സ​ർ​ക്കും റി​പ്പോ​ർ​ട്ട് ന​ൽ​കി​യി​ട്ടു​ണ്ട്. ഗു​രു​ത​ര വീ​ഴ്ച​ക​ൾ സം​ഭ​വി​ച്ചാ​ലും ജീ​വ​ന​ക്കാ​ർ​ക്കെ​തി​രെ​യും ഡോ​ക്ട​ർ​മാ​ർ​ക്കെ​തി​രെ​യും ന​ട​പ​ടി​യെ​ടു​ക്കു​ന്നി​ല്ലെ​ന്ന ആ​ക്ഷേ​പ​വും ശ​ക്ത​മാ​ണ്.

വ​ള്ളി​ക്കു​ന്ന് സ്വ​ദേ​ശി​നി​ക്കും കോ​വി​ഡി‍െൻറ പേ​രി​ൽ ത‍െൻറ ആ​ദ്യ​പ്ര​സ​വ​ത്തി​ലെ ര​ണ്ട് കു​ട്ടി​ക​ളെ ന​ഷ്​​ട​മാ​യി. ഗ​ർ​ഭി​ണി​യാ​യ യു​വ​തി​ക്ക് ആ​ശു​പ​ത്രി​യി​ൽ വേ​ണ്ട പ​രി​ച​ര​ണം ല​ഭി​ച്ചി​ല്ലെ​ന്നാ​യി​രു​ന്നു പ​രാ​തി.

സെ​പ്റ്റം​ബ​ർ 10ന് ​ആ​ശു​പ​ത്രി​യി​ൽ വെ​ച്ച് കോ​വി​ഡ് ബാ​ധി​ച്ച് മ​രി​ച്ച അ​രീ​ക്കോ​ട് സ്വ​ദേ​ശി​യു​ടെ കു​ടും​ബ​വും ആ​ശു​പ​ത്രി​ക്കെ​തി​രെ രം​ഗ​ത്തു​വ​ന്നി​രു​ന്നു. വൈ​കീ​ട്ട് അ​ഞ്ചി​ന് ആ​ശു​പ​ത്രി​യി​ലെ​ത്തി​യ മാ​താ​വി​നും പി​താ​വി​നും പി​റ്റേ​ന്ന് രാ​വി​ലെ എ​ട്ടു​വ​രെ കു​ടി​ക്കാ​ൻ പോ​ലും വെ​ള്ളം ന​ൽ​കി​യി​രു​ന്നി​ല്ലെ​ന്നും വി​വി​ധ ടെ​സ്​​റ്റു​ക​ളു​ടെ പേ​ര് പ​റ​ഞ്ഞ് പ്രാ​യാ​ധി​ക്യ​മു​ള്ള ഇ​വ​രെ ആ​ശു​പ​ത്രി​യി​ലൂ​ടെ ന​ട​ത്തി​യെ​ന്നും കു​ടും​ബം ന​ൽ​കി​യ പ​രാ​തി​യി​ൽ പ​റ​യു​ന്നു. ഇ​വ​രോ​ടൊ​പ്പം ആ​രെ​യും കൂ​ട്ടി​രി​ക്കാ​ൻ അ​നു​വ​ദി​ച്ചി​ല്ലെ​ന്നും മ​ക്ക​ൾ പ​റ​ഞ്ഞു.