മു​ന്നാ​ക്കക്കാർക്ക്​ നൽകിയത്​ സംവരണ വി​ഭാ​ഗ​ങ്ങളുടെ സീ​റ്റ്​ ക​വ​ർ​ന്നെ​ടു​ത്ത്​; മു​ഖ്യ​മ​ന്ത്രി​യു​ടെ​ വാദം പൊളിഞ്ഞു

തി​രു​വ​ന​ന്ത​പു​രം: സ​ർ​ക്കാ​ർ മെ​ഡി​ക്ക​ൽ കോ​ള​ജു​ക​ളി​ൽ ഇ​ത​ര സം​വ​ര​ണ വി​ഭാ​ഗ​ങ്ങ​ൾ​ക്ക്​ അ​ർ​ഹ​ത​പ്പെ​ട്ട സീ​റ്റ്​ ക​വ​ർ​ന്നെ​ടു​ത്താണ്​ മു​ന്നാ​ക്ക സം​വ​ര​ണ​ത്തി​ന്​ ന​ൽ​കി​യതെന്ന്​ വ്യക്​തം. വഴിവിട്ട്​ നൽകിയ സീ​റ്റു​കൾ തി​രി​ച്ചു​പി​ടി​ച്ച​പ്പോ​ൾ അ​വ​​ക്ക്​ ദ​ലി​ത്, പി​ന്നാ​ക്ക വി​ഭാ​ഗ​ങ്ങ​ളാണ്​ അ​വ​കാ​ശി​ക​ളാ​യ​ത്​. 22 എം.​ബി.​ബി.​എ​സ്​ സീ​റ്റു​ക​ളാ​ണ്​ ഇ​തു​വ​ഴി മ​റ്റ്​ പി​ന്നാ​ക്ക വി​ഭാ​ഗ​ങ്ങ​ൾ​ക്ക്​ ക​ഴി​ഞ്ഞ​വ​ർ​ഷ​ത്തെ അ​പേ​ക്ഷി​ച്ച്​ അ​ധി​ക​മാ​യി ല​ഭി​ച്ച​ത്.

മ​റ്റാ​രു​ടെ​യും അ​വ​കാ​ശം ക​വ​ർ​ന്ന​ല്ല മു​ന്നാ​ക്ക സം​വ​ര​ണം ന​ട​പ്പാ​ക്കി​യ​തെ​ന്ന മു​ഖ്യ​മ​ന്ത്രി​യു​ടെ​യും സ​ർ​ക്കാ​റി​െൻറ​യും വാ​ദം പൊ​ളി​യു​ന്ന ക​ണ​ക്കു​ക​ളാ​ണ്​ വെ​ള്ളി​യാ​ഴ്​​ച രാ​ത്രി പ്ര​സി​ദ്ധീ​ക​രി​ച്ച മെ​ഡി​ക്ക​ൽ അ​ലോ​ട്ട്​​മെൻറി​ലൂ​ടെ പു​റ​ത്തു​വ​ന്ന​ത്. എ​സ്.​സി/​എ​സ്.​ടി, ഒ.​ബി.​സി വി​ഭാ​ഗ​ങ്ങ​ൾ​ക്ക്​ ല​ഭി​ക്കേ​ണ്ട ​21 എം.​ബി.​ബി.​എ​സ്​ സീ​റ്റു​ക​ളാ​ണ്​ ക​ഴി​ഞ്ഞ​വ​ർ​ഷം മു​ന്നാ​ക്ക സം​വ​ര​ണ​ത്തി​നാ​യി നീ​ക്കി​വെ​ച്ച​തെ​ന്ന്​ വ്യ​ക്ത​മാ​യി.

ക​ഴി​ഞ്ഞ​വ​ർ​ഷം 130 സീ​റ്റാ​ണ്​ ശ​ത​മാ​നം പ​രി​ഗ​ണി​ക്കാ​തെ മു​ന്നാ​ക്ക​ക്കാ​ർ​ക്ക്​ നീ​ക്കി​വെ​ച്ച​ത്. പ​ത്ത്​ ശ​ത​മാ​നം സം​വ​ര​ണ​മു​ള്ള എ​സ്.​സി/​എ​സ്.​ടി വി​ഭാ​ഗ​ത്തി​ന്​ 105 സീ​റ്റും ഒ​മ്പ​ത്​ ശ​ത​മാ​ന​മു​ള്ള ഇൗ​ഴ​വ വി​ഭാ​ഗ​ത്തി​ന്​ 94 സീ​റ്റും എ​ട്ട്​ ശ​ത​മാ​നം സം​വ​ര​ണ​മു​ള്ള മു​സ്​​ലിം വി​ഭാ​ഗ​ത്തി​ന്​ 84 സീ​റ്റും ന​ൽ​കി​യ​പ്പോ​ഴാ​ണ്​ 12.35 ശ​ത​മാ​നം സീ​റ്റ്​ മു​ന്നാ​ക്ക വി​ഭാ​ഗ​ത്തി​ന്​ നീ​ക്കി​വെ​ച്ച​ത്. അ​താ​യ​ത്​ ക​ഴി​ഞ്ഞ​വ​ർ​ഷം സം​വ​ര​ണ വി​ഭാ​ഗ​ങ്ങ​ൾ​ക്ക്​ കൂ​ടി അ​വ​കാ​ശ​പ്പെ​ട്ട സ​ർ​ക്കാ​ർ മെ​ഡി​ക്ക​ൽ കോ​ള​ജു​ക​ളി​ലെ സീ​റ്റു​ക​ൾ തി​രി​മ​റി​യി​ലൂ​ടെ മു​ന്നാ​ക്ക​ക്കാ​ർ​ക്ക്​ മ​റി​ച്ചു​ന​ൽ​കി​യെ​ന്ന്​ ക​ണ​ക്കു​ക​ൾ വ്യ​ക്ത​മാ​ക്കു​ന്നു. ക​ഴി​ഞ്ഞ​വ​ർ​ഷം 130 സീ​റ്റ്​ ല​ഭി​ച്ച മു​ന്നാ​ക്ക സം​വ​ര​ണ​ത്തി​ന്​ ഇ​ത്ത​വ​ണ 109 സീ​റ്റു​ക​ളാ​ണ്​ ല​ഭി​ച്ച​ത്..

ക​ഴി​ഞ്ഞ​വ​ർ​ഷം 105 സീ​റ്റു​ണ്ടാ​യി​രു​ന്ന എ​സ്.​സി/​എ​സ്.​ടി വി​ഭാ​ഗ​ത്തി​ന്​ 110 ആ​യി ഉ​യ​ർ​ന്നു. ഇൗ​ഴ​വ വി​ഭാ​ഗ​ത്തി​ന്​ 94 സീ​റ്റു​ണ്ടാ​യി​രു​ന്ന​ത്​ 99 ആ​യും മു​സ്​​ലിം വി​ഭാ​ഗ​ത്തി​ന്​ 89 ആ​യും ഉ​യ​ർ​ന്നു. ഒ​രു​ശ​ത​മാ​നം സം​വ​ര​ണ​മു​ള്ള വി​ഭാ​ഗ​ങ്ങ​ളു​ടെ പോ​ലും സീ​റ്റാ​ണ്​ മു​ന്നാ​ക്ക സം​വ​ര​ണ​ത്തി​നാ​യി സ​ർ​ക്കാ​ർ ക​ഴി​ഞ്ഞ​വ​ർ​ഷം ക​വ​ർ​ന്നെ​ടു​ത്ത​ത്. നേ​ര​ത്തെ സ​ർ​ക്കാ​ർ മെ​ഡി​ക്ക​ൽ കോ​ള​ജു​ക​ളി​ൽ സ്​​റ്റേ​റ്റ്​ മെ​റി​റ്റ്​ സീ​റ്റു​ക​ൾ 60 ശ​ത​മാ​ന​മാ​യി​രു​ന്നെ​ങ്കി​ൽ ഇൗ ​വ​ർ​ഷ​ത്തോ​ടെ അ​ത്​ 50 ശ​ത​മാ​ന​മാ​യി മാ​റി

മെ​റി​റ്റി​ൽ പി​റ​കി​ലു​ള്ള​വ​ർ​ക്ക്​ ക​യ​റി​പ്പ​റ്റാ​നു​ള്ള വ​ഴി​യ​ട​ഞ്ഞു

തി​രു​വ​ന​ന്ത​പു​രം: മു​ന്നാ​ക്ക സം​വ​ര​ണ​ത്തി​െൻറ ബ​ല​ത്തി​ൽ ക​ഴി​ഞ്ഞ വ​ർ​ഷം 8416ാം റാ​ങ്കു​കാ​ര​ന്​ വ​രെ സ​ർ​ക്കാ​ർ മെ​ഡി​ക്ക​ൽ കോ​ള​ജി​ൽ പ്ര​വേ​ശ​നം ല​ഭി​ച്ച​പ്പോ​ൾ ഇൗ ​വ​ർ​ഷം 2482ാം റാ​ങ്കു​വ​രെ​യാ​ണ്​ ആ​ദ്യ​ഘ​ട്ട​ത്തി​ൽ അ​ലോ​ട്ട്​​മെൻറ്​ ല​ഭി​ച്ച​ത്.

റാ​ങ്ക്​ പ​ട്ടി​ക​യി​ൽ ഏ​റെ പി​റ​കി​ൽ നി​ൽ​ക്കു​ന്ന​വ​ർ​ക്ക്​ പോ​ലും പ്ര​വേ​ശ​നം ല​ഭി​ക്കു​ന്ന ത​ര​ത്തി​ലാ​ണ്​ ക​ഴി​ഞ്ഞ വ​ർ​ഷം 130 സീ​റ്റു​ക​ൾ അ​നു​വ​ദി​ച്ച​ത്. ഇ​ത്ത​വ​ണ അ​ധി​ക സീ​റ്റു​ക​ൾ പി​ൻ​വ​ലി​ച്ച്​ 109 ആ​യി കു​റ​ച്ച​തും അ​ലോ​ട്ട്​​മെൻറ് പ​ട്ടി​ക​യി​ലെ അ​വ​സാ​ന റാ​ങ്ക്​ ഉ​യ​രാ​ൻ കാ​ര​ണ​മാ​യി. എ​ന്നാ​ലും മു​സ്​​ലിം, ഇൗ​ഴ​വ വി​ഭാ​ഗ​ങ്ങ​ളെ അ​പേ​ക്ഷി​ച്ച്​ റാ​ങ്ക്​ പ​ട്ടി​ക​യി​ൽ പി​റ​കി​ൽ നി​ൽ​ക്കു​ന്ന​വ​ർ​ക്ക്​ ത​ന്നെ​യാ​ണ്​ സ​ർ​ക്കാ​ർ മെ​ഡി​ക്ക​ൽ കോ​ള​ജി​ൽ അ​ലോ​ട്ട്​​െ​മ​ൻ​റ്​ ല​ഭി​ച്ച​ത്.

ഇൗ​ഴ​വ വി​ഭാ​ഗ​ത്തി​ൽ​നി​ന്ന്​ സ​ർ​ക്കാ​ർ കോ​ള​ജി​ൽ അ​ലോ​ട്ട്​​മെൻറ്​ ല​ഭി​ച്ച അ​വ​സാ​ന റാ​ങ്ക്​ 1495ഉം ​മു​സ്​​ലിം വി​ഭാ​ഗ​ത്തി​ൽ 980ഉം ​പി​ന്നാ​ക്ക ഹി​ന്ദു വി​ഭാ​ഗ​ത്തി​ൽ ഇ​ത്​ 1563ഉം ​ആ​ണ്.