സൗ​ജ​ന്യ പ​രി​ശോ​ധ​ന അ​ട്ടി​മ​റി​ച്ച് മെ​ഡി​ക്ക​ൽ കോ​ള​ജ് അ​ധി​കൃ​ത​ർ

തി​രു​വ​ന​ന്ത​പു​രം: 'ആ​രോ​ഗ്യം ആ​ന​ന്ദം-​അ​ക​റ്റാം അ​ര്‍ബു​ദം' ജ​ന​കീ​യ കാ​ന്‍സ​ര്‍ പ്ര​തി​രോ​ധ ക്യാ​മ്പ​യി​ന്‍റെ ഭാ​ഗ​മാ​യി സൗ​ജ​ന്യ പ​രി​ശോ​ധ​ന അ​ട്ടി​മ​റി​ച്ച് തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി അ​ധി​കൃ​ത​ർ. ഇ​വി​ടെ സൗ​ജ​ന്യ പ​രി​ശോ​ധ​ന​ക്കെ​ത്തി​യ​വ​ർ​ക്ക് 1500 രൂ​പ ന​ൽ​കി മാ​മോ​ഗ്രാം എ​ടു​ക്ക​ണ​മെ​ന്ന് നി​ർ​ദേ​ശം.

ഇ​തോ​ടെ വ​ലി​യൊ​രു പ​ങ്ക് അ​തി​ന് മു​തി​രാ​തെ സ്ഥ​ലം​വി​ട്ടു. ന​വ​കേ​ര​ളം ക​ര്‍മ പ​ദ്ധ​തി രണ്ട് ആ​ര്‍ദ്രം മി​ഷ​ന്‍റെ ഭാ​ഗ​മാ​യി ശൈ​ലി ആ​പ്പ് വ​ഴി ആ​രോ​ഗ്യ വ​കു​പ്പ് ന​ട​ത്തി​യ സ്‌​ക്രീ​നി​ങ്ങി​ന്‍റെ ആ​ദ്യ​ഘ​ട്ട​ത്തി​ല്‍ ഒമ്പത് ല​ക്ഷ​ത്തോ​ളം പേ​ർ​ക്കും, ര​ണ്ടാം​ഘ​ട്ട​ത്തി​ൽ രണ്ട് ല​ക്ഷ​ത്തോ​ളം പേ​ർ​ക്കും കാ​ൻ​സ​ർ സാ​ധ്യ​ത ക​ണ്ടെ​ത്തി​യി​രു​ന്നു. എ​ന്നാ​ൽ, ഇ​വ​രി​ൽ ഒ​ന്നാം ഘ​ട്ട​ത്തി​ൽ​പ്പെ​ട്ട 1.5 ല​ക്ഷം പേ​രും ര​ണ്ടാം ഘ​ട്ട​ത്തി​ൽ​പ്പെ​ട്ട 40,000 പേ​രും മാ​ത്ര​മാ​ണ് തു​ട​ർ​പ​രി​ശോ​ധ​ന​ക്ക് ത​യാ​റാ​യ​ത്.​

ഇ​തി​നെ തു​ട​ർ​ന്നാ​ണ് വ​ലി​യ പ്ര​ചാ​ര​ണം ന​ട​ത്തി മാ​ർ​ച്ച് എട്ട് വ​രെ പ​രി​ശോ​ധ​ന​യും പ്ര​തി​രോ​ധ​വും ചി​കി​ത്സ​യും നി​ശ്ച​യി​ച്ച​ത്. മെഡിക്ക​ൽ കോ​ള​ജി​ൽ ആ​ദ്യ​ദി​വ​സ​ങ്ങ​ളി​ൽ സൗ​ജ​ന്യ​മാ​യി മാ​മോ​ഗ്രാം പ​രി​ശോ​ധ​ന ന​ട​ത്തി​യി​രു​ന്നു.​ എ​ന്നാ​ൽ,ശ​നി​യാ​ഴ്ച അ​തി​ന് തു​ക ഈ​ടാ​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു. ഇ​തോ​ടെ, മാ​മോ​ഗ്രാ​മി​ന് നി​ർ​ദേ​ശി​ക്ക​പ്പെ​ട്ട​വ​രി​ൽ മി​ക്ക​വ​രും തീ​യ​തി എ​ടു​ക്കാ​തെ തി​രി​ച്ചു​പോ​വു​ക​യാ​യി​രു​ന്നു.​

ബി​.പി​.എ​ൽ വി​ഭാ​ഗ​ത്തി​ന് മാ​ത്ര​മേ സൗ​ജ​ന്യ​മു​ള്ളൂ എ​ന്നാ​ണ് അ​ധി​കൃ​ത​ർ അ​റി​യി​ച്ച​ത്. വ​ലി​യ തു​ക ന​ൽ​കി തു​ട​ർ​പ​രി​ശോ​ധ​ന ന​ൽ​കാ​ൻ നി​വൃ​ത്തി​യി​ല്ലാ​ത്ത​വ​രാ​ണ് കാ​ൻ​സ​ർ സാ​ധ്യ​താ പ​രി​ശോ​ധ​ന​യു​ടെ തു​ട​ർ ചി​കി​ത്സ​യ്ക്ക് എ​ത്താ​ത്ത​തെ​ന്ന് സ​ർ​ക്കാ​ർ തി​രി​ച്ച​റി​ഞ്ഞി​രു​ന്നു. അ​തി​നെ തു​ട​ർ​ന്ന് വ​ലി​യ പ്ര​ചാ​ര​ണം ന​ൽ​കി ആ​രം​ഭി​ച്ച കാ​മ്പ​യി​നാ​ണ് അ​ധി​കൃ​ത​ർ​ത​ന്നെ മൂ​ന്നാം ദി​വ​സം വ​ലി​യ തു​ക ഏ​ർ​പ്പെ​ടു​ത്തി അ​ട്ടി​മ​റി​ച്ച​ത്