You are here

കാലം ആവശ്യ​െപ്പടുന്നത്​ ഭയരഹിത മാധ്യമപ്രവർത്തനം -ഗവർണർ

  • ബിസിനസ്​ അതികായർക്ക്​ മീഡിയവണി​െൻറ ആദരം

00:33 AM
08/11/2019
മീ​ഡി​യ​വ​ൺ ബി​സി​ന​സ്​ എ​ക്സ​ല​ൻ​സ് അ​വാ​ർ​ഡ്ദാ​ന​ച്ച​ട​ങ്ങ് കൊ​ച്ചി ഗ്രാ​ൻ​ഡ്​​ ഹ​യാ​ത്തി​ൽ ഗ​വ​ർ​ണ​ർ ആ​രി​ഫ് മു​ഹ​മ്മ​ദ്​ ഖാ​ൻ ഉ​ദ്ഘാ​ട​നം ചെ​യ്യു​ന്നു. മീ​ഡി​യ​വ​ൺ വൈ​സ് ചെ​യ​ർ​മാ​ൻ പി. ​മു​ജീ​ബ്‌ റ​ഹ്​​മാ​ൻ, എം.​പി​മാ​രാ​യ എ.​എം. ആ​രി​ഫ്, ഹൈ​ബി ഈ​ഡ​ൻ, കൊ​ച്ചി മേ​യ​ർ സൗമിനി ജയിൻ , മാ​ധ്യ​മം-​മീ​ഡി​യ​വ​ൺ ഗ്രൂ​പ് എ​ഡി​റ്റ​ർ ഒ. ​അ​ബ്​​ദു​റ​ഹ്​​മാ​ൻ, മീ​ഡി​യ​വ​ൺ ചീ​ഫ് എ​ക്സി​ക്യൂ​ട്ടി​വ് ഓ​ഫി​സ​ർ റോ​ഷ​ൻ ക​ക്കാ​ട്ട് എ​ന്നി​വ​ർ സ​മീ​പം

കൊച്ചി: കാലഘട്ടം ആവശ്യപ്പെടുന്നത്​ ഭയരഹിതമായ മാധ്യമപ്രവർത്തനമാണെന്ന്​ ഗവർണർ  ആരിഫ്​ മുഹമ്മദ്​ ഖാൻ. സമൂഹത്തി​ൽ നടമാടുന്ന തെറ്റുകൾക്കുനേരെ ശബ്​ദിക്കാൻ കഴിയണം. സമൂഹത്തി​​െൻറ പുരോഗതിക്കപ്പുറം സാധാരണക്കാര​​െൻറ ജീവൽപ്രശ്​നങ്ങളിലേക്കുകൂടി ശ്രദ്ധപതിപ്പിക്കാൻ മാധ്യമങ്ങൾ തയാറാകണം. ബിസിനസ്​ രംഗത്ത്​ വിജയിച്ച അതികായർക്ക്​ മീഡിയവൺ സംഘടിപ്പിച്ച പുരസ്​കാരദാന ചടങ്ങ്​ ഉദ്​ഘാടനം ചെയ്യുകയായിരുന്നു അദ്ദേഹം. കേരളത്തിലെ മാധ്യമസംസ്​കാരം മറ്റ്​ സംസ്​ഥാനങ്ങളെ അപേക്ഷിച്ച്​ മുന്നിലാണ്​. സമൂഹത്തിലെ സംഭവവികാസങ്ങളെ വളരെ ശ്രദ്ധയോടെയാണ്​ ഇവിടത്തെ മാധ്യമങ്ങൾ വീക്ഷിക്കുന്നത്​. അത്​ സമൂഹത്തോടും രാഷ്​ട്രത്തോടുമുള്ള കടമയുടെ ഭാഗമാണ്​. പുരസ്​കാര ജേതാക്കൾ തങ്ങളുടെ നേട്ടങ്ങൾ നാടി​​െൻറ പുരോഗതിക്കായി സമർപ്പിക്കണമെന്നും ഗവർണർ ഓർമിപ്പിച്ചു.

വിവിധമേഖലകളിൽ ​പ്രാഗല്​​ഭ്യം തെളിയിച്ച 22 വ്യവസായ പ്രമുഖർക്കുള്ള പുരസ്​കാരങ്ങൾ ഗവർണർ വിതരണം ചെയ്​തു. കോട്ടക്കൽ ആര്യവൈദ്യശാല മെഡിക്കൽ ഡയറക്​ടർ പി.കെ. വാര്യർക്ക്​ മീഡിയവൺ ലൈഫ്​ടൈം അച്ചീവ്​മ​െൻറ്​ അവാർഡ്​ നൽകി. ഡോ. വാര്യർക്ക്​ വേണ്ടി മകൻ ​ഡോ. കെ. ബാലചന്ദ്രൻ പുരസ്​കാരം ഏറ്റുവാങ്ങി. ബിസിനസ്​ മാൻ ഓഫ്​ ദി ഇയറായി തെര​െഞ്ഞടുത്ത വിജു ജേക്കബ്​ (സി​ൈന്തറ്റ്​ ഇൻഡസ്​ട്രീസ്​ പ്രൈവറ്റ്​ ലിമിറ്റഡ്​), വിമൻ എൻറർപ്രണർ ഓഫ്​ ദി ഇയർ പമേല അന്ന മാത്യു (എഫ്​.സി.ഐ ഒ.ഇ.എൻ), ബിസിനസ്​മെൻ അവാർഡ്​ ഫോർ സി.എസ്​.ആർ ആക്​ടിവിറ്റീസിന്​ തെരഞ്ഞെടുക്കപ്പെട്ട ഫൈസൽ കൊട്ടിക്കോളൻ (കെ.ഇ.എൽ ഹോൾഡിങ്​സ്​) എന്നിവർ പുരസ്​കാരങ്ങൾ സ്വീകരിച്ചു. 

വ്യത്യസ്​ത ബിസിനസ്​ മേഖലകളിൽ മികവ്​ തെളിയിച്ച​ ബോബി ചെമ്മണ്ണൂർ (ചെയർമാൻ, ചെമ്മണ്ണൂർ ഇൻറർനാഷനൽ ജ്വല്ലറി), ഫാ. സെബാസ്​റ്റ്യൻ നഴിയമ്പാറ (പി.ഡി.ഡി.പി ചെയർമാൻ), പീറ്റർ പോൾ പിട്ടാപ്പിള്ളിൽ (എം.ഡി, പിട്ടാപ്പിള്ളിൽ ഏജൻസീസ്​), കല്ലിങ്ങൽ ഇമ്പിച്ചി അഹമ്മദ്​ (ശോഭിക വെഡിങ്​ മാൾ), ഡോ. കെ.യു. കുഞ്ഞുമൊയ്​തീൻ (എം.ഡി, എം.ആർ.എം.സി ഐ.വി.എഫ്​), ഹംസ കുറുങ്കാടൻ (എം.ഡി, ഇ​​ന്ദ്രോള ടി.എം.ടി), മടപ്പറമ്പിൽ ബാബു (ചെയർമാൻ, ഒറിയോൺ ബാറ്ററി), എ.പി. എൽദോ വൈദ്യർ (സ​െൻറ്​ പോൾസ്​ ആയുർവേദ), ഡോ. താഹിർ കല്ലാട്ട്​ (ചെയർമാൻ, കല്ലാട്ട്​ ഗ്രൂപ്​), ഡോ. കെ.പി. പ്രവീൺ (​െചയർമാൻ ആൻറ്​ മാനേജിങ്​ ഡയറക്​ടർ, സേഫ്​ ആൻഡ്​​ സ്​ട്രോങ്​ ബിസിനസ്​ കൺസൽട്ടൻറ്​സ്​ പ്രൈവറ്റ്​ ലിമിറ്റഡ്​), കായൽമടത്തിൽ മുഹമ്മദ്​ റാഫി (ചെയർമാൻ, കെ.എം.ജി.സി -വാട്ടർ പ്രൂഫിങ്​ ആൻഡ്​​ പെയിൻറ്​സ്​), ടി.ടി. മുഹമ്മദ്​ അബ്​ദുൽ സലാം (എം.ഡി, ലാസിയ ജനറൽ ട്രേഡിങ്​), ഡോ. കെ.എം. സുൽഫിക്കർ (ചെയർമാൻ, സിയാൻ ഇൻറർനാഷനൽ ഗ്രൂപ്​), പി.ബി. സുനിൽകുമാർ (എം.ഡി, പി.ബി.എസ്​ ഫുഡ്​മാസോൺ ഓൺലൈൻ സൂപ്പർ മാർക്കറ്റ്​) അബ്​ദുൽ കബീർ (എം.ഡി, ജാം ജൂം ബിസിനസ്​ ഗ്രൂപ്), ഫിലിപ്​ എം. മുളക്കൽ (മാനേജിങ്​ പാർട്​ണർ, ഓഷ്യൻ പോളിമർ ടെക്​നോളജീസ്​ പ്രൈവറ്റ്​ ലിമിറ്റഡ്​), ഇഖ്​ബാൽ ഷെയ്​ഖ്​​ ഉസ്​മാൻ (എം.ഡി, പൂജ ഹൈപ്പർ ഷോപ്പി​), എൻ. നിഖിൽ (എം.ഡി, റിലേഷൻസ്​ മീഡിയ) എന്നിവർ അവാർഡുകൾ ഏറ്റുവാങ്ങി. 

കൊച്ചി മേയർ സൗമിനി ജയിൻ അധ്യക്ഷത വഹിച്ചു. എം.പിമാരായ എ.എം. ആരിഫ്​, ഹൈബി ഈഡൻ, മാധ്യമം-മീഡിയവൺ ഗ്രൂപ് എഡിറ്റർ ഒ. അബ്​ദുറഹ്​മാൻ, മീഡിയവൺ വൈസ്​ ചെയർമാൻ പി. മുജീബ്​ റഹ്​മാൻ, ചീഫ്​ എക്​സിക്യൂട്ടിവ്​ ഓഫിസർ റോഷൻ കക്കാട്ട്​, ബിസിനസ്​ മേധാവി എം. സാജിദ്​ എന്നിവർ പ്രസംഗിച്ചു. 
 

Loading...
COMMENTS