കൊച്ചിയിൽ എം.ഡി.എം.എ പിടിച്ച സംഭവം: വയനാട്ടിലെ ടെൻറ് ഹൗസിൽ റെയ്ഡ്

കൊച്ചി: നാല് കോടിയുടെ എം.ഡി.എം.എയുമായി യുവതിയടക്കം അഞ്ചുേപർ പിടിയിലായ സംഭവത്തിൽ വയനാട്ടിൽ റെയ്ഡ്. പ്രതികളിൽനിന്ന് ലഭിച്ച വിവരത്തിെൻറ അടിസ്ഥാനത്തിലായിരുന്നു നടപടി. വയനാട് പുളിയന്മലയിൽ പ്രതികൾ ഉപയോഗിച്ചെന്ന് കരുതുന്ന ടെൻറ് ഹൗസിലാണ് റെയ്ഡ് നടത്തിയത്. ഇവർ സ്ഥലത്ത് ക്യാമ്പ് ചെയ്തിരു​െന്നന്നാണ് ഉദ്യോഗസ്ഥർക്ക് ലഭിച്ച വിവരം. ഇവിടെനിന്ന് പ്രത്യേകിച്ച് ഒന്നും കണ്ടെത്താനായില്ല. ആറുമാസമായി ഇവിടെ ആരും വരാറില്ലെന്ന വിവരമാണ് സമീപവാസികളിൽനിന്ന്​ ലഭിച്ചത്.

കേസിൽ അന്വേഷണം പുരോഗമിക്കുകയാണ്. ലഹരിക്കടത്തിെൻറ ഉറവിടം കണ്ടെത്താനുള്ള ശ്രമത്തിലാണ് അന്വേഷണസംഘം. പ്രതികളെ കസ്​റ്റഡിയിൽ ലഭിക്കുന്നതിന് ചൊവ്വാഴ്ച കോടതിയിൽ അപേക്ഷ നൽകുമെന്ന് സ്പെഷൽ സ്ക്വാഡ് ഇൻസ്പെക്ടർ ശങ്കർ പറഞ്ഞു. തുടർന്ന് നടക്കുന്ന വിശദ ചോദ്യം െചയ്യലിൽ നിർണായക വിവരങ്ങൾ ലഭിക്കുമെന്നാണ് അന്വേഷണസംഘത്തിെൻറ പ്രതീക്ഷ.

സംസ്ഥാന എക്സൈസ് എൻഫോഴ്സ്മെൻറ് സ്ക്വാഡും കസ്​റ്റംസ് പ്രിവൻറിവ് യൂനിറ്റും സംയുക്തമായി നടത്തിയ പരിശോധനയിലാണ് സ്ത്രീ ഉൾപ്പെട്ട സംഘം കാക്കനാട്ടെ ഫ്ലാറ്റിൽനിന്ന്​ വ്യാഴാഴ്ച അറസ്​റ്റിലായത്. കോഴിക്കോട് സ്വദേശികളായ ശ്രീമോൻ, മുഹമ്മദ്‌ ഫവാസ്, ഷബ്ന, കാസർകോട്​ സ്വദേശി അജു എന്ന അജ്മൽ, എറണാകുളം സ്വദേശി മുഹമ്മദ്‌ അഫ്സൽ എന്നിവരായിരുന്നു പിടിയിലായത്.