താ​ഴെ അ​ങ്ങാ​ടിയുടെ നോമ്പുചരിതം പറഞ്ഞ്​ എം.സി വടകര 

വ​ട​ക​ര: 1950ക​ളി​ലെ നോ​മ്പോ​ര്‍മ​യാ​ണ് ച​രി​ത്ര​കാ​ര​നും മു​സ്​​ലിം ലീ​ഗ് നേ​താ​വു​മാ​യ എം.​സി വ​ട​ക​ര​യു​ടെ​ത്. വ​ട​ക​ര വീ​ര​ഞ്ചേ​രി​ക്ക​ടു​ത്താ​ണ് എം.​സി​യു​ടെ കു​ട്ടി​ക്കാ​ല​ത്തെ താ​മ​സം. തൊ​ട്ട​ടു​ത്ത് സ്രാ​മ്പി (​ന​മ​സ്​​കാ​ര​പ്പ​ള്ളി)​യു​ണ്ടാ​യി​രു​ന്നു. വൈ​ദ്യു​തി​യി​ല്ല, ഫോ​ണി​ല്ല, മൈ​ക്കി​ല്ല. അ​ധ്യാ​പ​ക​രു​ടെ കൈ​യി​ല്‍പോ​ലും വാ​ച്ചി​ല്ല. നോ​മ്പ് ആ​ത്മ​സം​സ്ക​ര​ണ​ത്തി‍​​​െൻറ​യും ശാ​രീ​രി​ക സം​സ്ക​ര​ണ​ത്തി‍​​​െൻറ​യും മാ​സ​മാ​ണ്. കു​ട്ടി​ക​ള്‍ക്കി​ത് ഉ​ല്ലാ​സ​ത്തി‍​​​െൻറ കാ​ല​വും. പൊ​തു​വി​ലു​ള്ള ക​ര്‍ശ​ന നി​യ​ന്ത്ര​ണ​ങ്ങ​ളെ​ല്ലാം കു​റ​യും. ബാ​ങ്കു​വി​ളി​ക്ക് ചെ​വി​കൊ​ടു​ത്ത് കു​ട്ടി​ക​ള്‍ സ്രാ​മ്പ്യ​ക്ക് ചു​റ്റും നി​ല്‍ക്കും. പി​ന്നെ, ബാ​ങ്ക് കൊ​ടു​ത്തേ​യെ​ന്ന് വി​ളി​ച്ചു​പ​റ​ഞ്ഞ് ഓ​ടും. അ​താ​ണ് നോ​മ്പ് തു​റ​ക്കാ​നു​ള്ള അ​ന്ന​ത്തെ അ​റി​യി​പ്പ്. വ​ട​ക​ര താ​ഴെ അ​ങ്ങാ​ടി വ​ലി​യ ജു​മു​അ​ത്ത് പ​ള്ളി​യി​ല്‍ വെ​ടി​പൊ​ട്ടി​ക്കു​മാ​യി​രു​ന്നു. അ​തു കേ​ട്ടാ​ണ് താ​ഴെ അ​ങ്ങാ​ടി​ക്കാ​ര്‍ നോ​മ്പു തു​റ​ക്കു​ക. വീ​ര​ഞ്ചേ​രി ഭാ​ഗ​ത്തൊ​ന്നും ആ ​വെ​ടി​യൊ​ച്ച കേ​ള്‍ക്കി​ല്ല. 

ആ​ദ്യ​കാ​ല​ത്ത് നോ​മ്പു​തു​റ​ക്ക് ഈ​ത്ത​പ്പ​ഴ​മാ​ണ് പ്ര​ധാ​നം. പി​ന്നെ പ​ല​ത​രം പ​ഴ​ങ്ങ​ള്‍കൂ​ടി​യാ​യി. എ​ല്ലാ വീ​ടു​ക​ളി​ലും പു​തി​യാ​പ്ല​മാ​രു​ണ്ടാ​കും. അ​ന്ന്, അ​ത്താ​ഴ​ക്കാ​ര​ത്തി എ​ന്ന പേ​രി​ല്‍ ഒ​രാ​ളു​ണ്ടാ​കും. അ​വ​ര്‍ പ​ല​ഹാ​ര​ങ്ങ​ള്‍ ഉ​ണ്ടാ​ക്കി​ക്കൊ​ണ്ടി​രി​ക്കും. അ​ഞ്ചു​ത​രം ക​ഞ്ഞി​വ​രെ​യു​ണ്ടാ​കും. ചീ​രാ​ക്ക​ഞ്ഞി​യാ​ണ് താ​രം. ഏ​റെ പ്ര​യാ​സ​മാ​ണ്​ അ​തു​ണ്ടാ​ക്കാ​ന്‍. നാ​ലു ത​വ​ണ​യൊ​ക്കെ ഭ​ക്ഷ​ണം കാ​ണും. താ​ഴെ അ​ങ്ങാ​ടി​യി​ലെ കോ​തി ബ​സാ​റി​ന് റ​മ​ദാ​നി​ല്‍ ഉ​റ​ക്ക​മി​ല്ല. കു​ട്ടി​ക​ള്‍ പൂ​ത്തി​രി ക​ത്തി​ച്ചും മ​റ്റും ആ​ഘോ​ഷി​ക്കും. പു​ല​ര്‍ച്ച ജു​മു​അ​ത്ത് പ​ള്ളി​യി​ല്‍നി​ന്ന്​ അ​ത്താ​ഴം മു​ട്ടു​ണ്ടാ​കും. അ​തു​വ​രെ കോ​തി ബ​സാ​റി​ല്‍നി​ന്ന്​ ഉ​ല്ല​സി​ക്കും. രാ​ത്രി​യി​ല്‍ പ​ള്ളി​ക​ള്‍ ജ​ന​നി​ബി​ഡ​മാ​കും. അ​ത്താ​ഴ​ത്തി​ന് സാ​ധാ​ര​ണ ചോ​റാ​ണ്​ ഉ​ണ്ടാ​വു​ക. പി​ന്നെ പ​ള്ളി​യി​ല്‍ പോ​കും. 

ഒ​മ്പ​താം ത​ര​ത്തി​ല്‍ പ​ഠി​ക്കു​മ്പോ​ഴാ​ണ് വ​ട​ക​ര​യി​ല്‍ വൈ​ദ്യു​തി​െ​യ​ത്തു​ന്ന​ത്. റെ​യി​ല്‍വേ സ്​​റ്റേ​ഷ​നി​ല്‍ മാ​ത്ര​മാ​ണ് തു​ട​ക്ക​ത്തി​ല്‍ ഫോ​ണു​ള്ള​ത്. പി​ന്നെ, ഭൂ​രി​പ​രി​ഷ്ക​ര​ണം വ​ന്നു. ജ​ല​ഗ​താ​ഗ​തം ന​ഷ്​​ട​മാ​യ​തോ​ടെ വ​ട​ക​ര തു​റ​മു​ഖം ന​ശി​ച്ചു. താ​ഴെ​അ​ങ്ങാ​ടി പി​ന്നോ​ട്ടു​പോ​യി. സാ​മ്പ​ത്തി​ക​ത്ത​ക​ര്‍ച്ച​യോ​ടെ വി​ഭ​വ​ങ്ങ​ള്‍ കു​റ​ഞ്ഞു. അ​ന്ന്, വീ​ടു​ക​ളി​ല്‍ 50ലേ​റെ പേ​ര്‍ കാ​ണും. അ​ണു​കു​ടും​ബ​ങ്ങ​ള്‍ വ​ന്ന​തോ​ടെ ത​റ​വാ​ടി​ല്ലാ​താ​യി. ഈ ​കൊ​റോ​ണ​ക്കാ​ലം പോ​ലൊ​ന്ന് മ​നു​ഷ്യ​ച​രി​ത്ര​ത്തി​ല്‍ കാ​ണി​ല്ല. മ​ക്ക​യി​ലെ ഹ​റം പ​ള്ളി​യി​ല്‍ ഞാ​ന്‍ പോ​യി​രു​ന്നു. നോ​മ്പി‍​​​െൻറ ജു​മു​അ ന​മ​സ്കാ​ര​ത്തി​ന് 20 ല​ക്ഷം പേ​രൊ​ക്കെ​യു​ണ്ടാ​കും.  ഇ​പ്പോ​ഴ​വി​ടെ ആ​രു​മി​ല്ല.