വി.എസിന്‍റെ പ്രസ്താവന അമ്പരപ്പിച്ചെന്ന് എം.ബി രാജേഷ്; നിരാഹാരത്തിന് തയാറെന്ന് ബല്‍റാം

തിരുവനന്തപുരം: സ്വാശ്രയ മെഡിക്കല്‍ സമരത്തിൽ വി.എസ് അച്യുതാനന്ദന്‍റെ പ്രസ്താവന അമ്പരപ്പിച്ചുവെന്ന് ഡി.വൈ.എഫ്.ഐ. എന്ത് ഉദേശിച്ചാണ് വി.എസ് ഇങ്ങനെ പറഞ്ഞതെന്ന് അറിയില്ലെന്ന് എം.ബി. രാജേഷ് എം.പി പറഞ്ഞു. വി.എസിന്‍റെ പ്രസ്താവന കൊണ്ടുപോലും പ്രതിപക്ഷം രക്ഷപ്പെടില്ലെന്ന് രാജേഷ് മാധ്യമങ്ങളോട് പറഞ്ഞു.

അതേസമയം, സ്വാശ്രയ സമരത്തിൽ നിരാഹാരത്തിന് തയാറെന്ന് വി.ടി ബല്‍റാം എം.എൽ.എ മാധ്യമങ്ങളോട് പറഞ്ഞു. പാര്‍ട്ടിയും മുന്നണിയും തീരുമാനിച്ചാല്‍ നിരാഹാരത്തില്‍ പങ്കുചേരും. വി.എസിന്‍റെ പ്രസ്താവന സമരത്തെ കൂടുതല്‍ പ്രസക്തമാക്കിയെന്നും ബല്‍റാം ചൂണ്ടിക്കാട്ടി.