മാവേലിക്കര മാവോവാദി യോഗം: അഞ്ച്​ പ്രതികൾക്ക്​ മൂന്നുവർഷം കഠിനതടവ്​

കൊച്ചി: മാവേലിക്കരയില്‍ മാവോവാദി യോഗം നടത്തിയെന്ന കേസില്‍ അഞ്ച്​ പ്രതികൾക്ക്​ മൂന്നുവർഷം കഠിനതടവും 5,000 രൂപ പിഴയും ശിക്ഷ. മാവേലിക്കര മാങ്കാംകുഴി കരിവേലില്‍ രാജേഷ് ഭവനത്തില്‍ രാജേഷ് (37), കല്‍പാക്കം ഇന്ദിര ഗാന്ധി അറ്റോമിക് റിസര്‍ച് സ​െൻററിലെ റിട്ട. സയൻറിസ്​റ്റ്​ ചെന്നൈ രാജാക്കില്‍പാക്കം ഗോപാല്‍ (55), കൊല്ലം മയ്യിൽ കൈപ്പുഴ ദേവരാജന്‍ (54), ചിറയിന്‍കീഴ് ഞാറയില്‍ക്കോണം ചരുവിള ബാഹുലേയന്‍ (52), മൂവാറ്റുപുഴ ​െഎരാപുരം മണ്ണടി കീഴില്ലം കുരിയന്നൂർ വീട്ടിൽ അജയകുമാർ എന്ന അജയന്‍ മണ്ണൂര്‍ (53) എന്നിവരെയാണ്​ എറണാകുളം പ്രത്യേക എൻ.​െഎ.എ കോടതി ജഡ്​ജി എസ്​. സന്തോഷ്​കുമാർ ശിക്ഷിച്ചത്​.

നിയമവിരുദ്ധ പ്രവർത്തനം തടയൽ നിയമത്തിലെ (യു.എ.പി.എ) സെക്​ഷൻ 10, 13, 38, 39 (നിയമവിരുദ്ധ സംഘടനയിൽ അംഗമാവുക, നിയമവിരുദ്ധ സംഘടനയുമായി സഹകരിക്കുക) തുടങ്ങിയ കുറ്റങ്ങൾക്കാണ്​ ശിക്ഷ വിധിച്ചത്​. ​ഒാരോരുത്തർക്കും 10 വർഷം കഠിനതടവ്​ വിധിച്ചിട്ടുണ്ടെങ്കിലും ശിക്ഷ ഒരുമിച്ച്​ മൂന്നുവർഷം അനുഭവിച്ചാൽ മതി. പിഴ അടച്ചില്ലെങ്കിൽ അഞ്ചുമാസംകൂടി തടവ്​ അനുഭവിക്കണം. അതേസമയം, ഇവർക്കെതിരെ എൻ.​െഎ.എ ആരോപിച്ചിരുന്ന ​രാജ്യദ്രോഹം, ഗൂഢാലോചന കുറ്റം, ഒന്നാം പ്രതിക്കെതിരെ ചുമത്തിയിരുന്ന പ്രായപൂർത്തിയാകാത്ത കുട്ടികളെ തട്ടിക്കൊണ്ടുപോകൽ കുറ്റങ്ങൾ കോടതി ഒഴിവാക്കി. ഇവ സംശയാതീതമായി തെളിയിക്കാൻ പ്രോസിക്യൂഷന്​ കഴിഞ്ഞില്ലെന്ന്​ വിലയിരുത്തിയാണ്​ ഇത്​. വെള്ളമുണ്ടയിൽ പൊലീസുകാര​​െൻറ വീട്​ ആക്രമിച്ചതും ചിലയിടങ്ങളിൽ പോസ്​റ്ററുകൾ പ്രത്യക്ഷപ്പെട്ടതും സംസ്​ഥാനത്ത്​ ഇപ്പോഴും മാവോവാദി പ്രവർത്തനമുണ്ടെന്ന്​ വ്യക്​തമാക്കുന്നു​. രാജ്യസുരക്ഷ​െക്കതിരായ മാവോവാദി ഭീഷണിയെ മുളയിലേ നുള്ളേണ്ടതുണ്ടെന്ന്​ നിരീക്ഷിച്ചാണ്​ ശിക്ഷവിധി പ്രഖ്യാപിച്ചത്​.

മാവേലിക്കര ചെറുമഠം ലോഡ്ജില്‍ മാവോവാദി അനുകൂലയോഗം നടത്തിയെന്നാരോപിച്ച് 2012 ഡിസംബര്‍ 29നാണ് കേസിൽ മാപ്പുസാക്ഷിയായ ഒരാൾ അടക്കം അഞ്ചുപേരെ പൊലീസ്​ അറസ്​റ്റ്​ ചെയ്തത്. മാവോവാദി അനുകൂലികളായ റവല്യൂഷനറി ഡെമോക്രാറ്റിക് ഫ്രണ്ട് (ആർ.ഡി.എഫ്) തങ്ങളുടെ പാര്‍ട്ടിയിലേക്ക് കൂടുതല്‍ യുവാക്കളെയും വിദ്യാര്‍ഥികളെയും എത്തിക്കുന്നതി​​െൻറ ഭാഗമായാണ് രഹസ്യയോഗം നടത്തിയതെന്നായിരുന്നു എൻ.​െഎ.എയുടെ ആ​േരാപണം. ഹൈദരാബാദിൽ നടന്ന സംഘടനയുടെ ആദ്യ അഖിലേന്ത്യ സമ്മേളനത്തിലെ നിർദേശമനുസരിച്ച്​ വിദ്യാര്‍ഥിസംഘടന ആവശ്യമാണെന്ന് മനസ്സിലാക്കിയ നേതാക്കള്‍ യോഗം വിളിക്കുകയായിരുന്നത്രേ.

എന്നാല്‍, രാജ്യത്തെ അസ്ഥിരപ്പെടുത്താനുള്ള നീക്കങ്ങള്‍ നടത്തുന്ന നിരോധിത തീവ്രവാദ സംഘടനയായ സി.പി.ഐ-മാവോയിസ്​റ്റി​​െൻറ പ്രവര്‍ത്തനങ്ങള്‍ക്ക് ഊര്‍ജം പകരുകയാണ്​ ഇതിലൂടെ പ്രതികള്‍ ലക്ഷ്യംവെച്ചതെന്നാണ് കുറ്റപത്രത്തിൽ ആരോപിച്ചിരുന്നത്​. 51പേരെയാണ്​ സാക്ഷികളായി വിസ്​തരിച്ചത്​. 274 രേഖകളും 32 തൊണ്ടിമുതലുകളും ഹാജരാക്കിയിരുന്നു. എൻ.​െഎ.എക്കുവേണ്ടി സ്​പെഷൽ പ്രോസിക്യൂട്ടർ പി.ജി. മനു ഹാജരായി.