പെരിന്തൽമണ്ണ മൗലാന ആശുപത്രിയിൽ ജനറേറ്റർ പൊട്ടിത്തെറിച്ച് വൻ അഗ്​നിബാധ -VIDEO

പെരിന്തൽമണ്ണ: ജനറേറ്റർ പൊട്ടിത്തെറിച്ച് പെരിന്തൽമണ്ണ മൗലാന ആശുപത്രിയിൽ തീപിടിച്ചു. ആർക്കും പരിക്കില്ല. വെള് ളിയാഴ്ച രാവിലെ 10.45നുശേഷം പത്തു മിനിറ്റ് ഇടവിട്ട് രണ്ടു തവണയാണ്​​ പൊട്ടിത്തെറിച്ചത്. ജനറേറ്ററിലെ ഇന്ധനം പുറത്ത േക്ക് പൊട്ടിയൊഴുകിയാണ് തീപടർന്നത്. ജനറേറ്ററും ഇലക്ട്രിക്കൽ പാനലും സ്ഥാപിച്ച മുറികൾ പൂർണമായും കെട്ടിടം ഭാഗിക മായും കത്തിനശിച്ചു.

രോഗികളെ കിടത്തിയ ബ്ലോക്കി‍​െൻറയും അഡ്മിനിസ്ട്രേഷൻ ബ്ലോക്കി‍​െൻറയും സമീപത്താണ് ജനറ േറ്റർ സ്ഥാപിച്ച കെട്ടിടം. പെരിന്തൽമണ്ണയിൽ നിന്നും സമീപ പ്രദേശങ്ങളിൽനിന്നുമായി എട്ടു ഫയർഫോഴ്സ് യൂനിറ്റും നാട്ടുകാരും ട്രോമാകെയർ വളണ്ടിയർമാരും ഏറെ പണിപ്പെട്ടാണ് തീ കെടുത്തിയത്​. ഉഗ്രശബ്​ദത്തോടെ ജനറേറ്റർ പൊട്ടിത്തെറിച്ചതോടെ എന്താണ് സംഭവിച്ചതെന്നറിയാതെ ജീവനക്കാരും രോഗികളും ആദ്യം ഭയപ്പാടിലായി. മനിറ്റുകൾകൊണ്ടാണ് ആശുപത്രിക്ക് പിൻഭാഗത്തായി സ്ഥാപിച്ച കെട്ടിടത്തിൽ ജനറേറ്ററും ഇലക്ട്രിക് പാനലും കത്തിയത്. ഇതിനിടെ വീഴ്ചയിൽ ഒരു ജീവനക്കാരന് പരി​േക്കറ്റു. തീപിടിത്തത്തി​​െൻറ കാരണം വ്യക്​തമല്ല.

വാർഡുകളിൽ 500ഒാളം രോഗികളാണ് കിടത്തിച്ചികിൽസയിലുണ്ടായിരുന്നത്​. ഫയർഫോഴ്സ് വാഹനങ്ങൾ ഇടതടവില്ലാതെ എത്തിയതോടെ അത്യാഹിത വിഭാഗത്തിലും ഒ.പിയിലുമുള്ളവർ പുറത്തേക്കിറങ്ങി. അവശരായ രോഗികളെ സമീപത്തെ കിംസ്​ അൽഷിഫ, ഇ.എം.എസ് ആശുപത്രികളിലേക്ക് മാറ്റി. ബഹുനില കെട്ടിടത്തിൽ മുകളിലെ നിലകളിലുള്ള രോഗികൾ ഏറെനേരം ആശങ്കയിൽ കഴിഞ്ഞു. ആശുപത്രി കെട്ടിടത്തിന്​ തീപിടിച്ചെന്ന ധാരണയിൽ പലരും ബഹളം കൂട്ടി പുറത്തേക്കിറങ്ങി. തീയണച്ച ശേഷമാണ് രോഗികളിൽ പലരും തിരികെ കയറിയത്.

മൂന്നുകോടി രൂപയുടെ നഷ്​ടം കണക്കാക്കുന്നതായി ആശുപത്രി മാനേജ്മ​െൻറ് അറിയിച്ചു. മഞ്ഞളാംകുഴി അലി എം.എൽ.എ, സബ്കലക്ടർ അനുപം മിശ്ര, തഹസിൽദാർ ടി. ജാഫറലി എന്നിവർ സ്ഥലത്തെത്തി.