മ​ട്ടാ​ഞ്ചേ​രി മ​ഹാ​ജ​ന​വാ​ടി:  വിസ്മൃതിയാകുന്നത് മതേതര ചേരിയുടെ പ്രതീകമായ കെട്ടിടം 

മ​ട്ടാ​ഞ്ചേ​രി: മ​ഹാ​ജ​ന​വാ​ടി കെ​ട്ടി​ടം അ​പ​ക​ടാ​വ​സ്ഥ ക​ണ​ക്കി​ലെ​ടു​ത്ത് പൊ​ളി​ച്ചു​മാ​റ്റു​മ്പോ​ൾ ഇ​ല്ലാ​താ​കു​ന്ന​ത് മ​ട്ടാ​ഞ്ചേ​രി​യു​ടെ മ​തേ​ത​ര​ചേ​രി​യു​ടെ ത​ല​യെ​ടു​പ്പ് കെ​ട്ടി​ടം. ന​വ​രാ​ത്രി​യും റം​സാ​നും ദീ​പാ​വ​ലി​യു​മെ​ല്ലാം ഒ​രു​മി​ച്ച് ആ​ഘോ​ഷി​ക്കു​ന്ന ഒ​രു ചേ​രി​യാ​ണ് മ​ഹാ​ജ​ന​വാ​ടി. ഒ​ന്ന​ര നൂ​റ്റാ​ണ്ടി​​െൻറ പ​ഴ​മ​യു​ടെ ച​രി​ത്ര​മാ​ണ് മ​ഹാ​ജ​ന​വാ​ടി കെ​ട്ടി​ട​ത്തി​നു​ള്ള​ത്. 

ഹാ​ജി അ​ഹ​മ്മ​ദ് ഇ​ബ്രാ​ഹിം സേ​ട്ട് ട്ര​സ്​​റ്റി​യു​ടെ കീ​ഴി​ലാ​യി​രു​ന്നു ചേ​രി. വ​ഖ​ഫ് ബോ​ർ​ഡി​​െൻറ മേ​ൽ​നോ​ട്ട​ത്തി​ൽ ചേ​രി​യി​ലെ താ​മ​സ​ക്കാ​ർ​ക്ക് ത​ന്നെ ട്ര​സ്​​റ്റ് ഭൂ​മി​യും ച​മ​യ​ങ്ങ​ളും വ​ർ​ഷ​ങ്ങ​ൾ​ക്ക് മു​മ്പ്​ ന​ൽ​കി. സെ​​െൻറാ​ന്നി​ന് 3500 രൂ​പ വി​ല നി​ശ്ച​യി​ച്ചാ​യി​രു​ന്നു ഭൂ​മി ന​ൽ​കി​യ​ത്. എ​ന്നാ​ൽ ത​ക​ർ​ന്ന കെ​ട്ടി​ട​ത്തി​നു മു​ക​ളി​ലും താ​ഴെ​യു​മാ​യി ക​ട​ക​ളും, കു​ടും​ബ​ങ്ങ​ളും ഉ​ള്ള​തി​നാ​ൽ അ​ള​ന്ന് തി​ട്ട​പ്പെ​ടു​ത്താ​നാ​വാ​ത്ത അ​വ​സ്ഥ വ​ന്ന​തോ​ടെ കെ​ട്ടി​ടം നി​ല​നി​ർ​ത്തി. ത​ന്നെ​യു​മ​ല്ല കെ​ട്ടി​ടം ജീ​ർ​ണാ​വ​സ്ഥ​യി​ലു​മാ​യി​രു​ന്നു. മ​റ്റൊ​രു കാ​ര്യം മ​ഹാ​ജ​ന​വാ​ടി​യി​ലെ സ​ര​സ്വ​തി ദു​ർ​ഗാ​ക്ഷേ​ത്ര​ത്തി​​െൻറ ഉ​ത്സ​വം ന​ട​ത്തി​വ​ന്നി​രു​ന്ന സ്ഥ​ല​വും അ​തേ​പ​ടി നി​ല​നി​റു​ത്തി. ഭൂ​മി​ക്ക് ന​ല്ല വി​ല കി​ട്ടു​മാ​യി​രു​ന്നെ​ങ്കി​ലും ട്ര​സ്​​റ്റ് അ​ത് ചെ​യ്യാ​തി​രു​ന്ന​ത് മ​തേ​ത​ര​ത്വ​ത്തി​​െൻറ പ്ര​തി​ച്ഛാ​യ​യാ​യി മാ​റി.

ജീ​ർ​ണ​ത പേ​റി​യ കെ​ട്ടി​ട​ത്തി​ൽ​നി​ന്നും ചി​ല കു​ടും​ബ​ങ്ങ​ളെ സ​മീ​പ സ്ഥ​ല​ത്ത് പു​ന​ര​ധി​വ​സി​പ്പി​ച്ചെ​ങ്കി​ലും ഇ​നി​യും പ​ല​ർ​ക്കും താ​മ​സ​മൊ​രു​ക്കാ​നു​ണ്ട്. ക​ട​ക്കാ​രും ഇ​ക്കൂ​ട്ട​ത്തി​ലു​ണ്ട്. ഇ​വ​ർ​ക്ക് പു​ന​ര​ധി​വാ​സ​മൊ​രു​ക്ക​ണ​മെ​ന്ന് വെ​ൽ​ഫെ​യ​ർ പാ​ർ​ട്ടി അ​ഞ്ചാം ഡി​വി​ഷ​ൻ പ്ര​സി​ഡ​ൻ​റ് ഇ.​എ. അ​ലി ആ​വ​ശ്യ​പ്പെ​ട്ടു.