അജയ്യനായി മാത്യു ടി. തോമസ്

തി​രു​വ​ല്ല: തി​ള​ക്ക​മാ​ർ​ന്ന നാ​ലാം ജ​യ​വു​മാ​യി തി​രു​വ​ല്ല​യെ ന​യി​ക്കാ​ൻ മാ​ത്യു ടി.​തോ​മ​സ്. തി​ക​ച്ചും ആ​ധി​കാ​രി​ക​മാ​യ ജ​യ​മാ​ണ് തി​രു​വ​ല്ല​യി​ൽ എ​ൽ.​ഡി.​എ​ഫ് സ്ഥാ​നാ​ർ​ഥി​യാ​യി മ​ത്സ​രി​ച്ച മാ​ത്യു ടി.​തോ​മ​സ് ഇ​ക്കു​റി വി​ജ​യം നേ​ടി​യ​ത്. യു.​ഡി.​എ​ഫി​ലെ കു​ഞ്ഞു​കോ​ശി പോ​ളി​നെ 11,421 വോ​ട്ടു​ക​ളു​ടെ ഭൂ​രി​പ​ക്ഷ​ത്തി​ലാ​ണ് പ​രാ​ജ​യ​പ്പെ​ടു​ത്തി​യ​ത്. ആ​കെ പോ​ള്‍ ചെ​യ്ത 1,39,848 വോ​ട്ടു​ക​ളി​ല്‍ 62,178 എ​ണ്ണം നേ​ടി.

യു.​ഡി.​എ​ഫ്​ സ്ഥാ​നാ​ർ​ഥി കു​ഞ്ഞു​കോ​ശി പോ​ളി​ന് 50,757 വോ​ട്ടു​ക​ൾ ല​ഭി​ച്ചു. എ​ൻ.​ഡി.​എ സ്ഥാ​നാ​ർ​ഥി അ​ശോ​ക​ൻ കു​ള​ന​ട 22674ൽ ​ഒ​തു​ങ്ങി. കു​റ്റ​പ്പു​ഴ മാ​ര്‍ത്തോ​മ ​െറ​സി​ഡ​ൻ​ഷ്യ​ൽ സ്‌​കൂ​ളി​ൽ വോ​ട്ടെ​ണ്ണ​ല്‍ തു​ട​ങ്ങി​യ​പ്പോ​ള്‍ മു​ത​ല്‍ മാ​ത്യു ടി.​തോ​മ​സി​നാ​യി​രു​ന്നു മേ​ല്‍ക്കൈ. എ​ന്നാ​ല്‍, ഇ​ട​ക്ക്​ മൂ​ന്നു​ത​വ​ണ കേ​ര​ള കോ​ണ്‍ഗ്ര​സി​ലെ കു​ഞ്ഞു​കോ​ശി പോ​ൾ ലീ​ഡ് നി​ല​യി​ൽ മു​ന്നി​ലെ​ത്തി. ആ​നി​ക്കാ​ട്, മ​ല്ല​പ്പ​ള്ളി, ക​ല്ലൂ​പ്പാ​റ പ​ഞ്ചാ​യ​ത്തു​ക​ളി​ലാ​ണ് യു.​ഡി.​എ​ഫ് നേ​രി​യ ലീ​ഡ് നേ​ടി​യ​ത്. എ​ന്നാ​ൽ, തി​രു​വ​ല്ല ന​ഗ​ര​സ​ഭ​യി​ലും മ​റ്റു പ​ഞ്ചാ​യ​ത്തു​ക​ളി​ലും വ്യ​ക്ത​മാ​യ ലീ​ഡ് നേ​ടി​യ മാ​ത്യു ടി.​തോ​മ​സി​നാ​യി​രു​ന്നു അ​ന്തി​മ​വി​ജ​യം. മാ​ത്യു ടി.​തോ​മ​സി​ന് ഏ​റ്റ​വു​മ​ധി​കം ഭൂ​രി​പ​ക്ഷം ല​ഭി​ച്ച​ത് നെ​ടു​മ്പ്രം പ​ഞ്ചാ​യ​ത്തി​ലാ​ണ്. ഇ​വി​ടെ 2280 വോ​ട്ടു​ക​ളു​ടെ ഭൂ​രി​പ​ക്ഷം ല​ഭി​ച്ചു.

2006 മു​ത​ൽ തു​ട​ർ​ച്ച​യാ​യി തി​രു​വ​ല്ല മ​ണ്ഡ​ല​ത്തെ പ്ര​തി​നി​ധീ​ക​രി​ക്കു​ന്ന മാ​ത്യു ടി.​തോ​മ​സ് 1987ലാ​ണ് മ​ണ്ഡ​ല​ത്തി​ൽ​നി​ന്ന്​ ആ​ദ്യ​മാ​യി വി​ജ​യി​ച്ച​ത്. ആ ​വി​ജ​യം കൂ​ടി ക​ണ​ക്കി​ലെ​ടു​ത്താ​ല്‍ തി​രു​വ​ല്ല നി​യോ​ജ​ക​മ​ണ്ഡ​ല​ത്തി​ല്‍നി​ന്ന്​ അ​ഞ്ചാം ത​വ​ണ​യാ​ണ് അ​ദ്ദേ​ഹം തെ​ര​ഞ്ഞെ​ടു​ക്ക​പ്പെ​ടു​ന്ന​ത്. 1987ല്‍ ​കോ​ൺ​ഗ്ര​സി​ലെ പി.​സി. തോ​മ​സി​നെ 1842 വോ​ട്ടു​ക​ളു​ടെ ഭൂ​രി​പ​ക്ഷ​ത്തി​ല്‍ തോ​ല്‍പി​ച്ചാ​ണ് മാ​ത്യു ടി.​തോ​മ​സ്‌ ആ​ദ്യ​മാ​യി നി​യ​മ​സ​ഭ​യി​ല്‍ എ​ത്തു​ന്ന​ത്.

ഇ​തേ​തു​ട​ര്‍ന്ന് 1991ല്‍ ​വീ​ണ്ടും മ​ത്സ​രി​ച്ചെ​ങ്കി​ലും കേ​ര​ള കോ​ണ്‍ഗ്ര​സി എ​മ്മി​ലെ മാ​മ്മ​ന്‍ മ​ത്താ​യി​യോ​ട് 1893 വോ​ട്ടു​ക​ൾ​ക്ക്​ പ​രാ​ജ​യ​പ്പെ​ട്ടു. വീ​ണ്ടും 2006ലാ​ണ് മ​ത്സ​രി​ച്ച​ത്. അ​ന്ന് കേ​ര​ള കോ​ണ്‍ഗ്ര​സ്​ എ​മ്മി​ലെ വി​ക്ട​ര്‍ ടി. ​തോ​മ​സി​നെ പ​രാ​ജ​യ​പ്പെ​ടു​ത്തി വീ​ണ്ടും എം.​എ​ല്‍.​എ​യാ​യി. തു​ട​ര്‍ന്ന് ര​ണ്ട​ര വ​ർ​ഷ​ക്കാ​ലം വി.​എ​സ്. അ​ച്യു​താ​ന​ന്ദ​ൻ മ​ന്ത്രി​സ​ഭ​യി​ൽ ഗ​താ​ഗ​ത -പ്രി​ൻ​റി​ങ്​ സ്​​റ്റേ​ഷ​ന​റി മ​ന്ത്രി​യാ​യി ശ്ര​ദ്ധേ​യ​മാ​യ പ്ര​വ​ര്‍ത്ത​നം കാ​ഴ്ച​െ​വ​ച്ചു.

2011ല്‍ ​മാ​ത്യു ടി.​വീ​ണ്ടും വി​ക്ട​ര്‍ ടി.​തോ​മ​സി​നെ പ​രാ​ജ​യ​പ്പെ​ടു​ത്തി. ഭൂ​രി​പ​ക്ഷം 10,467ആ​യി ഉ​യ​ര്‍ന്നു. 2016ൽ ​കേ​ര​ള കോ​ൺ​ഗ്ര​സി​ലെ ജോ​സ​ഫ് എം.​പു​തു​ശ്ശേ​രി​യെ​യാ​ണ് പ​രാ​ജ​യ​പ്പെ​ടു​ത്തി​യ​ത്. ശ​ക്ത​മാ​യ ത്രി​കോ​ണ മ​ത്സ​ര​ത്തി​നി​ട​യി​ൽ ഭൂ​രി​പ​ക്ഷം 8282 ആ​യി കു​റ​ഞ്ഞെ​ങ്കി​ലും 2016ൽ ​ഹാ​ട്രി​ക് തി​ക​ച്ച് പി​ണ​റാ​യി വി​ജ​യ​ൻ മ​ന്ത്രി​സ​ഭ​യി​ൽ ര​ണ്ട​ര കൊ​ല്ലം ജ​ല​വി​ഭ​വ മ​ന്ത്രി​യാ​യി​രു​ന്നു.