കുട്ടനാട് സി.പി.എമ്മിലെ കൂട്ടരാജി; അന്വേഷണ കമീഷൻ തെളിവെടുത്തു

ആ​ല​പ്പു​ഴ: കു​ട്ട​നാ​ട്ടി​ലെ കൂ​ട്ട​രാ​ജി​യ​ട​ക്കം ആ​ല​പ്പു​ഴ സി.​പി.​എ​മ്മി​ലെ സ​മീ​പ​കാ​ല സം​ഭ​വ​ങ്ങ​ൾ പ​രി​ശോ​ധി​ക്കാ​ൻ പാ​ർ​ട്ടി നി​യോ​ഗി​ച്ച ര​ണ്ടം​ഗ അ​ന്വേ​ഷ​ണ ക​മീ​ഷ​ൻ വീ​ണ്ടു​മെ​ത്തി തെ​ളി​വെ​ടു​ത്തു. സം​സ്ഥാ​ന സെ​ക്ര​ട്ടേ​റി​യ​റ്റ്​ അം​ഗ​ങ്ങ​ളാ​യ ടി.​പി. രാ​മ​കൃ​ഷ്​​ണ​ൻ, പി.​കെ. ബി​ജു എ​ന്നി​വ​രാ​ണ്​ ആ​ല​പ്പു​ഴ ജി​ല്ല ക​മ്മി​റ്റി ഓ​ഫി​സി​ലെ​ത്തി വി​ഭാ​ഗീ​യ​ത അ​ട​ക്ക​മു​ള്ള വി​ഷ​യ​ങ്ങ​ളി​ൽ തെ​ളി​വെ​ടു​പ്പ്​ ന​ട​ത്തി​യ​ത്. ജി​ല്ല സെ​ക്ര​ട്ട​റി ആ​ർ. നാ​സ​ർ, ജി​ല്ല സെ​ക്ര​ട്ടേ​റി​യ​റ്റ്​ അം​ഗ​ങ്ങ​ൾ, വി​ഭാ​ഗീ​യ​ത​യു​മാ​യി പ​രാ​തി ന​ൽ​കി​യ ജി​ല്ല ക​മ്മി​റ്റി അം​ഗ​ങ്ങ​ൾ എ​ന്നി​വ​രി​ൽ​നി​ന്ന്​ വി​വ​ര​ങ്ങ​ൾ തേ​ടി.

പാ​ർ​ട്ടി​യെ വെ​ട്ടി​ലാ​ക്കി കു​ട്ട​നാ​ട്ടി​ൽ പ്രാ​ദേ​ശി​ക നേ​താ​ക്ക​ളും പ്ര​വ​ർ​ത്ത​ക​രും ഉ​ൾ​​പ്പെ​ടെ മൂ​ന്നൂ​റി​ല​ധി​കം പേ​രു​ടെ കൂ​ട്ട​രാ​ജി​യാ​യി​രു​ന്നു ഇ​തി​ൽ​ പ്ര​ധാ​നം. നേ​തൃ​ത്വ​ത്തോ​ട്​ ക​ല​ഹി​ച്ചാ​ണ്​ കു​ട്ട​നാ​ട്ടി​ൽ കൂ​ട്ട​രാ​ജി തു​ട​രു​ന്ന​ത്. ജി​ല്ല​യി​ലെ അ​ഞ്ച് ഏ​രി​യ ക​മ്മി​റ്റി​ക​ളി​ൽ സ​മ്മേ​ള​ന കാ​ല​യ​ള​വി​ലു​ണ്ടാ​യ വി​ഭാ​ഗീ​യ​ത​യു​ടെ പ​രാ​തി​ക​ളാ​ണ്​ കേ​ട്ട​ത്. ഹ​രി​പ്പാ​ട്, ത​ക​ഴി, ആ​ല​പ്പു​ഴ നോ​ർ​ത്ത്, സൗ​ത്ത്, മാ​ന്നാ​ർ തു​ട​ങ്ങി​യ ഏ​രി​യ ക​മ്മി​റ്റി​ക​ളി​ൽ ക​ടു​ത്ത വി​ഭാ​ഗീ​യ​ത ഉ​ണ്ടാ​യി​രു​ന്നു. ഈ ​വി​ഷ​യ​ത്തി​ൽ ക​മീ​ഷ​ൻ ര​ണ്ടു​പ്രാ​വ​ശ്യം സി​റ്റി​ങ്​ ന​ട​ത്തി ത​ക​ഴി ഒ​ഴി​കെ​യു​ള്ള ഏ​രി​യ​ക​ളി​ലെ തെ​ളി​വെ​ടു​പ്പ് പൂ​ർ​ത്തി​യാ​ക്കി​യി​രു​ന്നു. ക​ടു​ത്ത വി​ഭാ​ഗീ​യ​ത​യി​ൽ ത​ക​ഴി ഏ​രി​യ​ക്ക്​ കീ​ഴി​ലെ കൈ​ന​ക​രി സൗ​ത്ത് ലോ​ക്ക​ൽ സ​മ്മേ​ള​നം ന​ട​ത്താ​ൻ ക​ഴി​ഞ്ഞി​രു​ന്നി​ല്ല. ജി​ല്ല സ​മ്മേ​ള​ന​ത്തി​നു​ശേ​ഷം ഇ​വി​ട​ത്തെ പ്ര​ശ്നം പ​രി​ശോ​ധി​ക്കു​മെ​ന്ന്​ പ​റ​ഞ്ഞി​രു​ന്നെ​ങ്കി​ലും അ​തു​ണ്ടാ​യി​ല്ല. ഇ​തി​ന്​ പി​ന്നാ​ലെ​യാ​ണ്​ കു​ട്ട​നാ​ട്​ രൂ​ക്ഷ​മാ​യ സ്ഥി​തി​യു​ണ്ടാ​യ​ത്.

കു​ട്ട​നാ​ട്, ത​ക​ഴി ഏ​രി​യ ക​മ്മി​റ്റി​ക​ൾ​ക്ക്​ കീ​ഴി​ൽ ഒ​രു​മാ​സ​ത്തി​നി​ടെ 307 അം​ഗ​ങ്ങ​ളാ​ണ്​ രാ​ജി​വെ​ച്ച​ത്. ഇ​തി​ൽ 288പേ​രും കു​ട്ട​നാ​ട് എ.​സി​ക്ക്​ കീ​ഴി​ലെ ബ്രാ​ഞ്ചു​ക​ളി​ലാ​ണ്. രാ​മ​ങ്ക​രി​യി​ൽ​നി​ന്ന്​ തു​ട​ങ്ങി​യ​താ​ണ്​ കൂ​ട്ട​രാ​ജി. പു​ളി​ങ്കു​ന്നി​ൽ സെ​ക്ര​ട്ട​റി​യ​ട​ക്കം 10 എ​ൽ.​സി അം​ഗ​ങ്ങ​ളും ബ്രാ​ഞ്ചു​ക​ളി​ലെ 100 അം​ഗ​ങ്ങ​ളി​ൽ 75 പേ​രും രാ​ജി ന​ൽ​കി​യി​രു​ന്നു. വി​ഷ​യം സം​സ്ഥാ​ന ​നേ​തൃ​ത്വം ച​ർ​ച്ച​ചെ​യ്യ​ണ​മെ​ന്നാ​ണ്​ ഇ​ട​ഞ്ഞു​നി​ൽ​ക്കു​ന്ന​വ​രു​ടെ ആ​വ​ശ്യം.