അധ്യാപകർക്ക്​ കൂട്ട ശിക്ഷ; വിദ്യാഭ്യാസ വകുപ്പിൽ അമർഷം പുകയുന്നു

തി​രു​വ​ന​ന്ത​പു​രം: അ​ധ്യാ​പ​ക​രെ കൂ​ട്ട​ത്തോ​ടെ ശി​ക്ഷി​ക്കു​ന്ന ന​ട​പ​ടി​ക്കെ​തി​രെ വി​ദ്യാ​ഭ്യാ​സ വ​കു​പ്പി​ൽ അ​മ​ർ​ഷം പു​ക​യു​ന്നു. വ​കു​പ്പി​ലെ കെ​ടു​കാ​ര്യ​സ്​​ഥ​ത കൊ​ണ്ട്​ സം​ഭ​വി​ക്കു​ന്ന പി​ഴ​വു​ക​ൾ​ക്ക്​ പോ​ലും മി​ക​ച്ച സേ​വ​ന പാ​ര​മ്പ​ര്യ​മു​ള്ള അ​ധ്യാ​പ​ക​രെ പൊ​തു​സ​മൂ​ഹ​ത്തി​ൽ നാ​ണം കെ​ടു​ത്തു​ന്ന ന​ട​പ​ടി​ക​ളാ​ണ്​ വ​കു​പ്പി​ലെ ഉ​ദ്യോ​ഗ​സ്​​ഥ​രി​ൽ​നി​ന്ന്​ നി​ര​ന്ത​രം ഉ​ണ്ടാ​കു​ന്ന​തെ​ന്നാ​ണ്​ ആ​ക്ഷേ​പം. ഒ​ടു​വി​ൽ 2022ലെ ​പ്ല​സ്​ ടു ​കെ​മി​സ്​​ട്രി പ​രീ​ക്ഷ​യു​ടെ ഉ​ത്ത​ര സൂ​ചി​ക ത​യാ​റാ​ക്കി​യ 12 അ​ധ്യാ​പ​ക​ർ​ക്ക് വി​ല​ക്കും താ​ക്കീ​തും ന​ൽ​കി​യ ഉ​ത്ത​ര​വി​ലും പ്ര​തി​ഫ​ലി​ച്ച​ത്​ സ​മീ​പ​കാ​ല​ത്ത്​ വ​ർ​ധി​ച്ച അ​ധ്യാ​പ​ക ദ്രോ​ഹ​ന​ട​പ​ടി​യു​ടെ ഭാ​ഗ​മാ​ണെ​ന്നാ​ണ്​ വി​മ​ർ​ശ​നം. ന​ട​പ​ടി​ക്ക്​ വി​ധേ​യ​രാ​യ​വ​രി​ൽ ഒ​രാ​ൾ മ​രി​ച്ചു​വെ​ന്ന​തും ഒ​രാ​ൾ വി​ര​മി​ച്ച​താ​ണെ​ന്ന​തും പോ​ലും പ​രി​ഗ​ണി​ച്ചി​ല്ല.

ഹ​യ​ർ സെ​ക്ക​ൻ​ഡ​റി പ​രീ​ക്ഷ വി​ഭാ​ഗ​ത്തി​​ലാ​ണ്​ നി​സ്സാ​ര കാ​ര​ണ​ങ്ങ​ളു​ടെ പേ​രി​ൽ വ​ലി​യ കു​റ്റ​പ​ത്രം ത​യാ​റാ​ക്കി വി​ചാ​ര​ണ ന​ട​ത്തു​ന്ന​ത്​ കൂ​ടു​ത​ലും. സ​ർ​ക്കാ​ർ നി​യോ​ഗി​ച്ച ഡ്യൂ​ട്ടി​യു​ടെ ഭാ​ഗ​മാ​യി ത​യാ​റാ​ക്കി​യ കെ​മി​സ്​​ട്രി പ​രീ​ക്ഷ​യു​ടെ ഉ​ത്ത​ര​സൂ​ചി​ക വി​ദ്യാ​ർ​ഥി​ക​ൾ​ക്ക്​ അ​ന​ർ​ഹ​മാ​യി മാ​ർ​ക്ക്​ ല​ഭി​ക്കാ​ൻ സ​ഹാ​യി​ക്കു​ന്ന​താ​ണെ​ന്ന കാ​ര​ണം നി​ര​ത്തി​യാ​ണ്​ 12 പേ​രെ അ​ഞ്ച്​ വ​ർ​ഷം ചോ​ദ്യ​പേ​പ്പ​ർ ത​യാ​റാ​ക്ക​ൽ, ഉ​ത്ത​ര സൂ​ചി​ക ത​യാ​റാ​ക്ക​ൽ ജോ​ലി​ക​ളി​ൽ​നി​ന്ന്​ വി​ല​ക്കു​ക​യും താ​ക്കീ​ത്​ ചെ​യ്യു​ക​യും ചെ​യ്​​ത​ത്. അ​ധ്യാ​പ​ക​ർ അ​ന​ർ​ഹ​മാ​യി മാ​ർ​ക്ക്​ ന​ൽ​കു​ന്ന രീ​തി​യി​ൽ സൂ​ചി​ക ത​യാ​റാ​ക്കി​യെ​ന്ന്​ ഒ​രു വി​ദ​ഗ്​​ദ​സ​മി​തി​യും ക​ണ്ടെ​ത്തി​യി​ട്ടി​ല്ല. പ​ക​രം കെ​മി​സ്​​ട്രി വി​ഷ​യ​ത്തി​ൽ പ്രാ​വീ​ണ്യ​മി​ല്ലാ​ത്ത പൊ​തു​വി​ദ്യാ​ഭ്യാ​സ ഡ​യ​റ​ക്​​ട​റും ജോ​യ​ൻ​റ്​ ഡ​യ​റ​ക്​​ട​റും ചേ​ർ​ന്നാ​ണ്​ കു​റ്റ​പ​ത്രം ത​യാ​റാ​ക്കി​യ​ത്. അ​ധ്യാ​പ​ക​ർ മാ​പ്പ​പേ​ക്ഷി​ച്ചു​വെ​ന്ന രീ​തി​യി​ലാ​ണ്​ ഉ​ത്ത​ര​വ്​ ത​യാ​റാ​ക്കി​യ​ത്.

എ​ന്നാ​ൽ ഉ​ത്ത​ര സൂ​ചി​ക ത​യാ​റാ​ക്കി​യ സം​ഭ​വ​ത്തി​ൽ ത​ങ്ങ​ൾ മാ​പ്പ​പേ​ക്ഷി​ച്ചി​ട്ടി​ല്ലെ​ന്ന്​ ന​ട​പ​ടി​ക്ക്​ വി​ധേ​യ​രാ​യ അ​ധ്യാ​പ​ക​ർ പ​റ​യു​ന്നു. 12 പേ​രും കാ​ര​ണം കാ​ണി​ക്ക​ൽ നോ​ട്ടീ​സി​ന്​ ഒ​രേ രീ​തി​യി​ൽ ന​ൽ​കി​യ മ​റു​പ​ടി അ​പ​രാ​ധ​മാ​യി ക​ണ്ട്​ വി​ദ്യാ​ഭ്യാ​സ വ​കു​പ്പ്​ വീ​ണ്ടും നോ​ട്ടീ​സ്​ ന​ൽ​കി. സൂ​ചി​ക ത​യാ​റാ​ക്കി​യ​ത്​ ഒ​ന്നി​ച്ചാ​യ​തി​നാ​ലാ​ണ്​ ഒ​രേ മ​റു​പ​ടി ന​ൽ​കി​യ​തെ​ന്നും അ​ധ്യാ​പ​ക​ർ വി​ശ​ദീ​ക​രി​ച്ചി​രു​ന്നു. ഇ​തി​ന്​ മു​മ്പ്​ മ​ല​പ്പു​റം കു​ഴി​മ​ണ്ണ ജി.​എ​ച്ച്.​എ​സ്.​എ​സി​ൽ​നി​ന്ന്​ പ്ല​സ്​ ടു ​ഇം​പ്രൂ​വ്​​മെൻറ്​ പ​രീ​ക്ഷ​യു​ടെ ചോ​ദ്യ​പേ​പ്പ​ർ ഒാ​ഫി​സ്​ കു​ത്തി​ത്തു​റ​ന്ന്​ ക​വ​ർ​ച്ച ചെ​യ്​​ത സം​ഭ​വ​ത്തി​ൽ പ്രി​ൻ​സി​പ്പ​ൽ ഉ​ൾ​പ്പെ​ടെ മൂ​ന്ന്​ അ​ധ്യാ​പ​ക​ർ​ക്കും വ​കു​പ്പ്​ കു​റ്റ​പ​ത്രം ത​യാ​റാ​ക്കു​ക​യും ഓ​രോ​രു​ത്ത​രി​ൽ നി​ന്നും ഒ​മ്പ​ത്​ ല​ക്ഷ​ത്തി​ല​ധി​കം രൂ​പ ന​ഷ്​​ട​പ​രി​ഹാ​ര​മാ​യി ഈ​ടാ​ക്കാ​നും ഉ​ത്ത​ര​വി​ട്ടി​രു​ന്നു. സ്​​കൂ​ളി​ൽ ക​ള്ള​ൻ ക​യ​റി​യെ​ന്ന്​ സി.​സി.​ടി.​വി ദൃ​ശ്യ​ത്തി​ൽ തെ​ളി​ഞ്ഞി​ട്ടും അ​ധ്യാ​പ​ക​ർ​ക്ക്​ ന​ട​പ​ടി നേ​രി​ടേ​ണ്ടി​വ​ന്നു.

നേ​ര​ത്തെ കോ​വി​ഡ്​ കാ​ല​ത്ത്​ വി​ദ്യാ​ർ​ഥി​ക​ളെ അ​റി​യി​ക്കാ​തെ പൊ​തു​പ​രീ​ക്ഷ ഫോ​ക്ക​സ്​ ഏ​രി​യ രീ​തി​യി​ൽ മാ​റ്റം വ​രു​ത്തി​യ ന​ട​പ​ടി​ക്കെ​തി​രെ വി​മ​ർ​ശ​ന​മു​ന്ന​യി​ച്ച അ​ധ്യാ​പ​ക​നാ​യ പി. ​പ്രേ​മ​ച​ന്ദ്ര​നെ​തി​രെ​യും വ​കു​പ്പ്​ ന​ട​പ​ടി​യെ​ടു​ത്തു. മ​ന്ത്രി വി. ​ശി​വ​ൻ​കു​ട്ടി കാ​ഴ്​​ച​ക്കാ​ര​നാ​യ​പ്പോ​ൾ ​ഐ.​എ.​എ​സ്​ ഉ​ദ്യോ​ഗ​സ്​​ഥ​രും ഡെ​പ്യൂ​​ട്ടേ​ഷ​നി​ലെ​ത്തി​യ കോ​ള​ജ്​ അ​ധ്യാ​പ​ക​രു​മാ​ണ്​ അ​ധ്യാ​പ​ക ദ്രോ​ഹ​ന​ട​പ​ടി​ക​ൾ​ക്ക്​ മു​ന്നി​ട്ടി​റ​ങ്ങു​ന്ന​തെ​ന്നും അ​ധ്യാ​പ​ർ കു​റ്റ​പ്പെ​ടു​ത്തു​ന്നു.

കെ​മി​സ്​​ട്രി അ​ധ്യാ​പ​ക​ർ അ​പ്പീ​ലി​ന്​

തി​രു​വ​ന​ന്ത​പു​രം: കെ​മി​സ്​​ട്രി ഉ​ത്ത​ര​സൂ​ചി​ക ത​യാ​റാ​ക്കി​യ​തി​ന്​ വി​ല​ക്ക്​ നേ​രി​ട്ട അ​ധ്യാ​പ​ക​ർ കൂ​ട്ട​ത്തോ​ടെ അ​പ്പീ​ലി​ന്. പൊ​തു​വി​ദ്യാ​ഭ്യാ​സ ഡ​യ​റ​ക്​​ട​റു​ടെ ന​ട​പ​ടി​ക്കെ​തി​രെ പൊ​തു​വി​ദ്യാ​ഭ്യാ​സ പ്രി​ൻ​സി​പ്പ​ൽ സെ​ക്ര​ട്ട​റി​ക്ക്​ അ​പ്പീ​ൽ ന​ൽ​കാ​നാ​ണ്​ തീ​രു​മാ​നം. 12 അ​ധ്യാ​പ​ക​രി​ൽ മ​ര​ണ​പ്പെ​ട്ട കെ. ​അ​ജ​യ​​ന്‍റെ കു​ടും​ബം നി​യ​മ​ന​ട​പ​ടി​ക്ക്​ ഒ​രു​ങ്ങു​ന്ന​താ​യും സൂ​ച​ന​യു​ണ്ട്.

നി​ര​ന്ത​ര​മാ​യ നോ​ട്ടീ​സും മൊ​ഴി​യെ​ടു​ക്ക​ലു​മാ​യി ഒ​ന്ന​ര വ​ർ​ഷ​ത്തോ​ളം മാ​ന​സി​ക പീ​ഡ​നം നേ​രി​ട്ട അ​ധ്യാ​പ​ക​ൻ ഇ​ക്ക​ഴി​ഞ്ഞ അ​ഞ്ചി​നാ​ണ്​ ഹൃ​ദ​യാ​ഘാ​ത​ത്തെ തു​ട​ർ​ന്ന്​ മ​രി​ച്ച​ത്. അ​ധ്യാ​പ​ക​നെ​ന്ന​തി​ന​പ്പു​റം വി​ദ്യാ​ഭ്യാ​സ, സാം​സ്​​കാ​രി​ക പ്ര​വ​ർ​ത്ത​ക​നും ശാ​സ്​​ത്ര​പ്ര​ചാ​ര​ക​നു​മാ​യി​രു​ന്നു പാ​ല​ക്കാ​ട്​ പി.​എം.​ജി ഹ​യ​ർ സെ​ക്ക​ൻ​ഡ​റി സ്​​കൂ​ളി​ലെ അ​ധ്യാ​പ​ക​ൻ അ​ജ​യ​ൻ.

ശേ​ഷി​ക്കു​ന്ന 11 അ​ധ്യാ​പ​ക​രി​ലൊ​രാ​ൾ ഇ​തി​ന​കം വി​ര​മി​ച്ചു. ഈ 11​പേ​രാ​ണ്​ അ​പ്പീ​ലു​മാ​യി സ​മീ​പി​ക്കു​ന്ന​ത്. ത​ങ്ങ​ൾ തെ​റ്റ്​ ചെ​യ്​​തി​ട്ടി​ല്ലെ​ന്നും ഹ​യ​ർ സെ​ക്ക​ൻ​ഡ​റി പ​രീ​ക്ഷ വി​ഭാ​ഗം ജോ​യ​ൻ​റ്​ ഡ​യ​റ​ക്​​ട​റു​ടെ നേ​തൃ​ത്വ​ത്തി​ൽ ത​യാ​റാ​ക്കി​യ തി​ര​ക്ക​ഥ​യാ​ണ്​ ഇ​പ്പോ​ൾ ശി​ക്ഷ ന​ട​പ​ടി​യാ​യി​ പു​റ​ത്തു​വ​ന്ന​തെ​ന്നും അ​ധ്യാ​പ​ക​ർ പ​റ​യു​ന്നു. അ​പ്പീ​ലി​ൽ അ​നു​കൂ​ല തീ​രു​മാ​ന​മു​ണ്ടാ​യി​ല്ലെ​ങ്കി​ൽ കോ​ട​തി​യെ സ​മീ​പി​ക്കും.

തെ​റ്റാ​യ​തും കു​ഴ​പ്പി​ക്കു​ന്ന​തു​മാ​യ ചോ​ദ്യ​ങ്ങ​ൾ കാ​ര​ണം വി​ദ്യാ​ർ​ഥി​ക​ൾ പ​രീ​ക്ഷ​യി​ൽ ബു​ദ്ധി​മു​ട്ടി​യി​രു​ന്നു. ഇ​ത്ത​രം സ​ന്ദ​ർ​ഭ​ങ്ങ​ളി​ൽ ഉ​ത്ത​ര സൂ​ചി​ക (സ്​​കീം) ത​യാ​റാ​ക്കു​േ​മ്പാ​ൾ പ്ര​​ശ്​​ന​മു​ള്ള ചോ​ദ്യ​ങ്ങ​ളി​ൽ സ്വീ​ക​രി​ക്കേ​ണ്ട സ​മീ​പ​നം മാ​ത്ര​മേ ത​ങ്ങ​ൾ ത​യാ​റാ​ക്കി​യ സ്​​കീ​മി​ലും പാ​ലി​ച്ചി​ട്ടു​ള്ളൂ​വെ​ന്നും ഇ​വ​ർ പ​റ​യു​ന്നു. ഇ​താ​ണ്​ കെ​മി​സ്​​ട്രി വൈ​ദ​ഗ്​​ദ്യം ഇ​ല്ലാ​ത്ത ഡ​യ​റ​ക്​​ട​റും ജോ​യ​ൻ​റ്​ ഡ​യ​റ​ക്​​ട​റും ചേ​ർ​ന്ന്​ വി​ദ്യാ​ർ​ഥി​ക​ൾ​ക്ക്​ അ​ന​ർ​ഹ​മാ​യി മാ​ർ​ക്ക്​ ന​ൽ​കാ​ൻ സ​ഹാ​യി​ക്കു​ന്ന​താ​ണെ​ന്ന്​ വി​ല​യി​രു​ത്തി​യ​ത്.