അതിഥികൾ അരങ്ങു തകർക്കുമ്പോൾ പിൻവാങ്ങി കൽപണിക്കാർ

ഫ​റോ​ക്ക്: അ​തി​ഥി തൊ​ഴി​ലാ​ളി​ക​ളും ഹൈ​ടെ​ക് യ​ന്ത്ര​ങ്ങ​ളും അ​ര​ങ്ങി​ലെ​ത്തി​യ​തോ​ടെ ക​ൽ​പ​ണി​ക്കാ​ർ പ​ര​മ്പ​രാ​ഗ​ത ജോ​ലി​യി​ൽ​നി​ന്ന് പി​ൻ​വ​ലി​യു​ന്നു. ജി​ല്ല​യി​ൽ ക​ല്ല് കൊ​ണ്ടു​ള്ള നി​ർ​മാ​ണ ജോ​ലി​ക്കാ​ർ ഏ​റ്റ​വു​മ​ധി​കം ഫ​റോ​ക്ക്, മ​ണ്ണൂ​ർ, ക​ട​ലു​ണ്ടി മേ​ഖ​ല​യി​ൽ​നി​ന്നാ​യി​രു​ന്നു.

അ​യ​ൽ ജി​ല്ല​ക​ളി​ലേ​ക്കു​പോ​ലും ഇ​വി​ടെ​നി​ന്ന് തൊ​ഴി​ലാ​ളി​ക​ൾ ക​ൽ​പ​ണി​ക്ക് പോ​യ കാ​ല​മു​ണ്ടാ​യി​രു​ന്നു. ക​ല്ല് ചെ​ത്താ​നും പ​ട​വി​നും തേ​പ്പി​നു​മൊ​ക്കെ ഫ​റോ​ക്ക് മേ​ഖ​ല​യി​ലെ തൊ​ഴി​ലാ​ളി​ക​ൾ കൂ​ട്ട​ത്തോ​ടെ പോ​യ കാ​ലം. പ​ര​മ്പ​രാ​ഗ​ത തൊ​ഴി​ലാ​ളി​ക​ളു​ടെ ക​ര​വി​രു​തോ​ടെ കു​റ​ഞ്ഞ കൂ​ലി​ക്ക് പ​ണി​യെ​ടു​ക്കാ​ൻ അ​തി​ഥി തൊ​ഴി​ലാ​ളി​ക​ൾ എ​ത്തി​യ​തോ​ടെ അ​വ​രു​ടെ സ​ർ​വാ​ധി​പ​ത്യ​മാ​ണി​പ്പോ​ൾ. നാ​ട​ൻ തൊ​ഴി​ലാ​ളി​ക​ൾ മ​റ്റ് ജോ​ലി​ക​ളി​ലേ​ക്ക് മാ​റി​ക്കൊ​ണ്ടി​രി​ക്കു​ന്നു. ക​ല്ല് ചെ​ത്താ​നും വെ​ട്ടാ​നു​മൊ​ക്കെ യ​ന്ത്ര​ങ്ങ​ൾ വ​ന്ന​തോ​ടെ പ​ര​മ്പ​രാ​ഗ​ത തൊ​ഴി​ലാ​ളി​ക​ളു​ടെ ആ​വ​ശ്യ​മി​ല്ലാ​താ​യി. തു​ട​ർ​ച്ച​യാ​യി ചെ​ത്തി​പ്പ​ട​വി​നും തേ​പ്പി​നു​മൊ​ക്കെ പോ​യി ഓ​ണാ​ഘോ​ഷ​ത്തി​നൊ​രു​ങ്ങു​ന്ന ഓ​ർ​മ​യി​ലാ​ണ് പ​ര​മ്പ​രാ​ഗ​ത തൊ​ഴി​ലാ​ളി​ക​ൾ. നാ​ട്ടു​കാ​ർ ദി​വ​സ​വേ​ത​നം 1200 രൂ​പ​വ​രെ വാ​ങ്ങു​മ്പോ​ൾ അ​തി​ഥി തൊ​ഴി​ലാ​ളി​ക​ൾ​ക്ക് 1000ത്തി​ന് താ​ഴെ മ​തി​യെ​ന്ന​തും ഈ ​മേ​ഖ​ല​യി​ലെ മാ​റ്റ​ങ്ങ​ൾ​ക്ക് കാ​ര​ണ​മാ​ണ്. ആ​ദ്യം നി​ല​ച്ച​ത് ക​ല്ലു​വെ​ട്ട് തൊ​ഴി​ലാ​യി​രു​ന്നു.

ആ ​മേ​ഖ​ല വ​ർ​ഷ​ങ്ങ​ളാ​യി വ​ലി​യ ബി​സി​ന​സാ​യി മാ​റി പൂ​ർ​ണ​മാ​യി യ​ന്ത്ര​ങ്ങ​ളു​ടെ കൈ​യി​ലാ​യി​ക്ക​ഴി​ഞ്ഞു. ക​ല്ല് ചെ​ത്തി​മി​നു​ക്കു​ന്ന പ​ണി​യും യ​ന്ത്രം ഏ​റ്റെ​ടു​ത്തു. ക​ൽ​പ​ണി പ​ഠി​ക്കു​ന്ന​വ​ർ​ക്കു​പോ​ലും ക​ല്ലു​ക​ൾ ചെ​ത്താ​നി​ല്ലാ​ത്ത കാ​ല​മാ​ണി​പ്പോ​ൾ. ക​ൽ​പ​ണി​യോ​ട് ചേ​ർ​ന്ന തൊ​ഴി​ലാ​യി​രു​ന്നു മു​മ്പ് ഫ​റോ​ക്ക് പു​ഴ​യി​ലെ മ​ണ​ൽ​വാ​ര​ൽ. നി​യ​ന്ത്ര​ണ​ങ്ങ​ൾ വ​ന്ന​തോ​ടെ മ​ണ​ൽ​വാ​ര​ൽ തൊ​ഴി​ലാ​ളി​ക​ൾ മ​റ്റു മേ​ഖ​ല​ക​ളി​ലേ​ക്ക് ക​ട​ന്നു. പു​ഴ​ക​ളി​ൽ വ​ൻ​തോ​തി​ൽ മ​ണ​ൽ തോ​ണി​ക​ൾ ന​ശി​ച്ചു​കൊ​ണ്ടി​രി​ക്കു​ന്നു. മ​ണ​ൽ​ലോ​കം ഇ​പ്പോ​ൾ എം ​സാ​ൻ​ഡ്, പി ​സാ​ൻ​ഡ് എ​ന്നി​വ കൈ​യ​ട​ക്കി​യ​തോ​ടെ ത​രി​ച്ചു​കൂ​ട്ടാ​നും ആ​ൾ വേ​ണ്ടാ​താ​യി. മ​ണ​ൽ ത​രി​ക്കാ​ൻ ത​രി​പ്പ​യു​മാ​യി നി​ർ​മാ​ണ​സ്ഥ​ല​ങ്ങ​ളി​ൽ ത​മ്പ​ടി​ച്ചി​രു​ന്ന പ​ല​രും അ​വ​സ​ര​മി​ല്ലാ​തെ ക​ളം വി​ട്ടു.

സ്വ​ന്ത​മാ​യി കൂ​ലി​ക്കാ​രെ വെ​ച്ച് വീ​ടും കെ​ട്ടി​ട​ങ്ങ​ളും നി​ർ​മി​ക്കു​ന്ന​വ​രും കു​റ​ഞ്ഞു​വ​രു​ന്നു. സി​വി​ൽ എ​ൻ​ജി​നീ​യ​റെ ക​ണ്ട് പ്ലാ​ൻ വ​ര​ച്ച് ത​ദ്ദേ​ശ സ്ഥാ​പ​ന​ത്തി​ൽ​നി​ന്ന് അ​നു​മ​തി വാ​ങ്ങി​യാ​ൽ പി​ന്നെ പ​ല​രും നി​ർ​മാ​ണ​വും എ​ൻ​ജി​നീ​യ​ർ​മാ​രെ ഏ​ൽ​പി​ക്കു​ക​യാ​ണി​പ്പോ​ൾ. ചി​ല​ർ വീ​ട് നി​ർ​മാ​ണം ക​രാ​റെ​ടു​ക്കു​ന്നു. മ​റ്റു ചി​ല​ർ മു​ട​ക്കി​ന്റെ നി​ശ്ചി​ത ശ​ത​മാ​നം സ​ർ​വി​സ് ചാ​ർ​ജ് വാ​ങ്ങി​ച്ച് പ​ണി ഏ​റ്റെ​ടു​ക്കു​ന്നു.

ത​റ​പ്പ​ണി, ഭി​ത്തി നി​ർ​മാ​ണം, കോ​ൺ​ക്രീ​റ്റി​ങ് തു​ട​ങ്ങി ഓ​രോ ഘ​ട്ട​ത്തി​ലെ പ​ണി​ക്കും തൊ​ഴി​ലാ​ളി​ക​ളെ അ​യ​ച്ച് ക​മീ​ഷ​ൻ പ​റ്റു​ന്ന​വ​രു​മു​ണ്ട്. അ​തി​ഥി തൊ​ഴി​ലാ​ളി​ക​ൾ നി​ർ​മാ​ണ​മേ​ഖ​ല​യി​ൽ ഇ​പ്പോ​ൾ വേ​ണ്ട​ത്ര​യു​ണ്ട്. അ​വ​രെ എ​ത്തി​ക്കാ​നും ഏ​ജ​ന്റു​മാ​രു​ണ്ട്. എ​ല്ലു​മു​റി​യെ പ​ണി. മി​ത​മാ​യ കൂ​ലി. അ​തി​നാ​ൽ ക​രാ​റു​കാ​രി​ൽ പ​ല​രും അ​തി​ഥി തൊ​ഴി​ലാ​ളി​ക​ളെ കൂ​ടു​ത​ലാ​യി ആ​ശ്ര​യി​ക്കു​ന്നു. ഇ​തോ​ടെ ക​ൽ​പ​ണി​യി​ൽ മാ​ത്രം കേ​ന്ദ്രീ​ക​രി​ക്കു​ന്ന മ​ല​യാ​ളി തൊ​ഴി​ലാ​ളി​ക​ൾ കു​റ​ഞ്ഞു. മ​ണ്ണി​ൽ നി​ർ​മി​ച്ച പൂ​ട്ടു​ക​ട്ട, മേ​ൽ​ക്കൂ​ര​ക്ക് ജി.​ഐ പൈ​പ്പ് വി​നി​യോ​ഗി​ച്ച് ഷീ​റ്റി​ട​ൽ തു​ട​ങ്ങി​യ​വ​യെ​ല്ലാം വ​ന്ന​തും ക​ൽ​പ​ണി​ക്കാ​ർ​ക്ക് തി​രി​ച്ച​ടി​യാ​യി. ഇ​രു​മ്പ് വെ​ൽ​ഡി​ങ് ജോ​ലി​ക്കാ​ർ​ക്ക് ഇ​തോ​ടെ നി​ർ​മാ​ണ​മേ​ഖ​ല​യി​ൽ സാ​ധ്യ​ത​യേ​റി​യെ​ങ്കി​ലും ഇ​തും അ​തി​ഥി തൊ​ഴി​ലാ​ളി​ക​ളി​ലേ​ക്ക് പോ​യി​ക്കൊ​ണ്ടി​രി​ക്കു​ന്നു. പ്രീ ​ഫാ​ബ് കെ​ട്ടി​ട​നി​ർ​മാ​ണ​ത്തി​നും വെ​ൽ​ഡി​ങ് തൊ​ഴി​ലാ​ളി​ക​ൾ​ക്ക് സാ​ധ്യ​ത​യേ​റി. പ​ട​വു​ക​ൾ​ക്ക് ഹു​രു​ഡീ​സ് വി​നി​യോ​ഗി​ക്ക​ൽ പി​ന്നെ​യും തു​ട​ങ്ങി​യ​തി​നാ​ൽ അ​ട​ച്ചു​പോ​യ ഫ​റോ​ക്കി​ലെ പ​ഴ​യ ഓ​ട്ടു​ക​മ്പ​നി​ക​ളി​ൽ ചി​ല​ത് സാ​ധ്യ​ത ക​ണ​ക്കി​ലെ​ടു​ത്ത് ഹു​രു​ഡീ​സ്, ഇ​ഷ്ടി​ക എ​ന്നി​വ​യു​ടെ നി​ർ​മാ​ണ​വും തു​ട​ങ്ങി​യി​ട്ടു​ണ്ട്.

-തുടരും