Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_right'കറുത്ത മാസ്​കും...

'കറുത്ത മാസ്​കും ചിരിക്കുന്ന കുട്ടികളും'; ബൽറാമിന്‍റെ പോസ്റ്റ്​ വൈറൽ

text_fields
bookmark_border
mask campaign pinarayi vijayan vt balram
cancel

വയനാട്​ പാക്കേജ്​ പ്രഖ്യാപിച്ച മുഖ്യമന്ത്രി പിണറായി വിജയന്‍റെ ചടങ്ങിൽ പ​ങ്കെടുക്കാൻ എത്തിയവർക്ക്​ കറുത്ത മാസ്​ക്​ വിലക്കിയ പൊലീസ്​ നടപടിയെ പരിഹസിച്ച്​ തൃത്താല എം.എൽ.എ വി.ടി. ബൽറാം. 'കറുത്ത മാസ്​കും ചിരിക്കുന്ന കുട്ടികളും' എന്ന അടിക്കു​റിപ്പോടെ കുട്ടികളുടെ അടുത്ത്​ കറുത്ത മാസ്​ക്​ ധരിച്ചിരിക്കുന്ന ചിത്രമാണ്​ ബൽറാം സമൂഹമാധ്യമത്തിൽ പങ്കുവച്ചത്​. ​


വയനാട്​ നടന്ന മുഖ്യമന്ത്രിയുടെ പരിപാടിയിൽ മാധ്യമപ്രവർത്തകർ അടക്കം പലരുടെയ​ും കറുത്ത മാസ്​ക്​​ വിലക്കിയ പൊലീസ്​ പകരം മാസ്​ക്​​ നൽകിയാണ്​ ഹാളിലേക്ക്​ പ്രവേശിപ്പിച്ചത്​. തിരുവനന്തപുരത്തുനിന്ന്​ ഹെലികോപ്​ടറിൽ കൽപറ്റ എസ്​.കെ.എം.ജെ ​ഗ്രൗണ്ടിലാണ്​ മുഖ്യമന്ത്രി ഇറങ്ങിയത്​. കനത്ത പൊലീസ്​ വലയത്തിലായിരുന്നു ചടങ്ങ്​. തൊഴിൽ സമരത്തി​​േന്‍റയും മറ്റും പശ്ചാത്തലത്തിൽ പ്രതിപക്ഷ യുവജനസംഘടനകൾ പ്രതിഷേധം പ്രകടിപ്പിച്ചേക്കുമെന്ന്​ പൊലീസ്​ രഹസ്യാന്വേഷണ വിഭാഗം മുന്നറിയിപ്പു നൽകിയിരുന്നു.

ബൽറാമിന്‍റെ പോസ്റ്റിന്​ ആയിരക്കണക്കിന്​ പ്രതികരണങ്ങളും നൂറുകണക്കിന് കമന്‍റും ലഭിച്ചിട്ടുണ്ട്​. 'ചോദ്യങ്ങൾ പാടില്ല, കറുത്ത മാസ്ക് പാടില്ല, മാധ്യമങ്ങൾ പാടില്ല...ഇരട്ട ചങ്കൻ ഡാ' -എന്നാണ്​ ഒരാൾ കമന്‍റിൽ കുറിച്ചിരിക്കുന്നത്​. മറ്റുചിലർ മുഖ്യമന്ത്രി കറുത്ത മാസ്​ക്​ ധരിക്കരുതെന്ന്​ എവിടെ എപ്പോൾ പറഞ്ഞു എന്നും ചോദിക്കുന്നുണ്ട്​. ​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:vt balrammask campaignblack maskPinarayi VijayanPinarayi VijayanPinarayi VijayanPinarayi Vijayan
Next Story