മസാല ബോണ്ട്​: അപഹസിക്കരുത്​, ആർക്കും പരിശോധിക്കാം, വികസനം തടയാൻ അനുവദിക്കില്ല -​െഎസക്

തിരുവനന്തപുരം: കിഫ്ബിക്ക് പണം കണ്ടെത്താൻ സർക്കാർ പുറത്തിറക്കിയ മസാല ബോണ്ടിനെ ലാവലിനുമായി ബന്ധപ്പെടുത്തി അപ ഹസിക്കാനും സംശയം പരത്താനും ആരും ശ്രമിക്കേണ്ടെന്നും രേഖകൾ ആർക്കും പരിശോധിക്കാ​മെന്നും ധനമ​ന്ത്രി തോമസ്​ ​ െഎസക്​. വികസനം തടയാമെന്ന് പ്രതിപക്ഷം കരുതേണ്ട. പ്രതിപക്ഷനേതാവിന് സംശയമുണ്ടെങ്കിൽ അങ്ങോട്ട് പോയി തീർക്കാമെന് നും​ ​െഎസക്​ വ്യക്തമാക്കി.

മസാല ബോണ്ട് ഇടപാടിൽ ദുരൂഹത ആരോപിച്ച് പ്രതിപക്ഷം നിയമസഭയിൽ കൊണ്ടുവന്ന അടിയന്ത രപ്രമേയചർച്ചക്കുള്ള മറുപടിയിലായിരുന്നു മന്ത്രിയുടെ മറുപടി. സി.ഡി.പി.ക്യുവിന് 2150 കോടിയുടെ ബോണ്ട് നൽകിയതിൽ ദുരൂ ഹതയൊന്നുമില്ല. കമ്പനിയുമായി ഇൻസ്​റ്റ്യൂഷനൽ വിൽപന നടപടികൾ മാത്രമാണ് സ്വീകരിച്ചത്. ഇത് രഹസ്യമല്ല. ലണ്ടൻ സ്​റ ്റോക് എക്സ്​ചേഞ്ചിൽ വെച്ചാണത് നടത്തിയത്. അത് സുതാര്യവുമാണ്. ഇതുസംബന്ധിച്ച രേഖകൾ എത് എം.എൽ.എക്കും നേരിട്ട് പരി ശോധിക്കാം -​െഎസക്​ വ്യക്തമാക്കി.

ലാവലിനും മസാല ബോണ്ടും തമ്മിൽ...
ലാവലിനുമായി ബന്ധമുള്ള സി.ഡി.പി.ക്യു മസാല​ േബാണ്ട്​ വാങ്ങിയെന്ന പേരിലാണ്​ തെറ്റിദ്ധാരണ പരത്തുന്നത്​. കനേഡിയൻ പാർലമ​െൻറ്​ പാസാക്കിയ നിയമത്തി​​െൻറ അടിസ്ഥാനത്തിലാണ്​ സി.ഡി.പി.ക്യു പ്രവർത്തിക്കുന്നത്​. 68 രാജ്യങ്ങളിൽ 15.4 ലക്ഷം കോടിയുടെ ന​ിക്ഷേപമാണ്​ സി.ഡി.പി.ക്യുവിനുള്ളത്​. ഇതിൽ 19.9 ശതമാനം ലാവലിനിലുമുണ്ട്​. കനഡിലെ 775 കമ്പനികളിൽ നിക്ഷേപമുള്ളതി​​െൻറ കൂട്ടത്തിലാണിത്​.

നാഷനൽ ഇൻവെസ്​റ്റ്​മ​െൻറ്​ ആൻഡ്​​ ഇൻ​ഫ്രാസ്​ട്രക്​ചർ ഫണ്ടിലടക്കം ഇന്ത്യയിൽ 32,000 കോടിയുടെ നിക്ഷേപം അവർക്കുണ്ട്​. റിസർവ്​ ബാങ്കി​​െൻറ ഫിനാൻഷ്യൽ ആക്​ഷൻ ടാസ്​ക്​ ഫോഴ്​സ്​ പുറപ്പെടുവിച്ച മാനദണ്ഡപ്രകാരം ആർക്കും മസാല ബോണ്ട്​ വാങ്ങാം. നിക്ഷേപത്തെ ആർക്കും തടയാനാവില്ല.

കുറഞ്ഞ പലിശയെന്ന്​ പറഞ്ഞിട്ടില്ല
കുറഞ്ഞ പലിശനിരക്കാണെന്ന് താൻ എവിടെയും പറഞ്ഞിട്ടില്ല. കമ്പോളത്തിൽനിന്ന്​ വായ്പയെടുക്കുമ്പോൾ കമ്പനിയുടെ റേറ്റിങ്​ അനുസരിച്ചുള്ള പലിശ കൊടുക്കേണ്ടിവരുമെന്നും മറുപടി നൽകി. വരുമാനത്തി​​െൻറ മൂന്ന് ശതമാനത്തിലധികം വായ്പയെടുക്കരുതെന്ന ധനഉത്തരവാദിത്ത നിയമം കൊണ്ടുവന്ന മുൻ യു.പി.എ സർക്കാറാണ് ബജറ്റിന് പുറത്ത് ബദൽ വായ്പപദ്ധതികൾ സ്വീകരിക്കേണ്ട സ്ഥിതിയിലേക്ക് സംസ്ഥാനത്തെ എത്തിച്ചത്. ഇത്തരത്തിൽ അന്താരാഷ്​ട്ര വായ്പകൾ ലഭിക്കണമെങ്കിൽ പലിശ നൽകേണ്ടിവരും. കേവലം റേറ്റിങ്ങുള്ള കേരളത്തിന് കിട്ടാവുന്ന ഏറ്റവും കുറഞ്ഞ പലിശയാണ് മസാല ബോണ്ടി​​െൻറ 9.723 ശതമാനം. മെട്രോ റെയിൽ പദ്ധതിക്കായി 10.5 ശതമാനം പലിശക്ക്​ കനറാ ബാങ്കിൽനിന്ന് വായ്പയെടുത്ത യു.ഡി.എഫാണ് ഇപ്പോൾ പലിശ കൂടുതലെന്ന്​ ആരോപിക്കുന്നത്.

ഉദാരീകരണമല്ല, നാടിനായുള്ള ബദൽ
സ്​റ്റോക്​ എക്സ്ചേഞ്ച് മുഖേന വായ്പയെടുക്കുന്നത് ഇടതുനയത്തിനെതിരാണെന്ന വാദം അടിസ്ഥാനരഹിതമാണ്. സ്വകാര്യകുത്തകകൾക്ക് പി.പി.പി മാതൃകയിൽ വികസനപദ്ധതികൾ നടത്തുന്നതാണ് ഇടതുനയത്തിനെതിരായ നവ ഉദാരീകരണ നയം. എന്നാൽ, മസാലബോണ്ട് ഇടതുനയത്തിന് അനുകൂലമായ കെയ്നീഷ്യൻ നയമാണ്. ഇടതു സർക്കാറി​​െൻറ എസ്​.പി.വികൾ (പ്രത്യേക ഉദ്ദേശ്യ കമ്പനി) വഴിയാണ്​ കിഫ്​ബി പദ്ധതികൾ നടപ്പാക്കുന്നത്​.

സംശയം വേണ്ട, തിരിച്ചടക്കാനാകും
മസാലബോണ്ടും ഇനി ഡോളർ ബോണ്ടും ഇറക്കി പണം കണ്ടെത്തുമ്പോൾ സംസ്ഥാനം നോ​േക്കണ്ടത്​ അത് തിരിച്ചടക്കാൻ കഴിയുമോ എന്ന് മാത്രമാണ്. എന്നാൽ, തിരിച്ചടവിൽ ആശങ്ക വേണ്ട. അത് നേര​േത്ത സഭയിൽ വിശദീകരിച്ച് ഐകകണ്‌ഠ്യേന അംഗീകരിച്ചതാണ്. മോട്ടോർ വാഹന നികുതിയുടെ 50 ശതമാനം വരെയും പെട്രോളി​​െൻറ സെസും കിഫ്ബിക്ക് ഗ്രാൻറായി ലഭിക്കും. 2030ൽ വായ്പയുടെ തിരിച്ചടവ് തീർക്കണം. ഈ ഗ്രാൻറ്​ ഉപയോഗിച്ച് അത് സമയബന്ധിതമായി തീർക്കാനാകും. ഇത്​ സാധ്യമാണെന്ന്​ സാമ്പത്തികവിദഗ്ധരടക്കം കണ്ടെത്തിയതാണ്.

ആർക്കും കയറി മണിയടിക്കാനാവില്ല
ലണ്ടൻ സ്​റ്റോക്​ എക്​സ്​​േചഞ്ചിൽ ആർക്കും കയറി മണിയടിക്കാനാവില്ല. അവർ ക്ഷണിച്ചിട്ടാണ്​ മുഖ്യമന്ത്രി പ​െങ്കടുത്തത്​. കിഫ്​ബിയുടെ ഘടന അവർ അംഗീകരിച്ചിരിക്കുന്നു. കിഫ്​ബിയും കേരളവും ​ലണ്ടൻ സ​്​റ്റോക് എക്​സ്​ചേഞ്ചിൽ സുപരിചിതമാണ്​. പത്തൊമ്പതി​​െൻറ ആവേശത്തിൽ കാര്യങ്ങൾ പറയരുത്​.