സാമൂഹിക പ്രവർത്തക മേരി റോയ് അന്തരിച്ചു

കോ​ട്ട​യം: ലിം​ഗ​സ​മ​ത്വ​ത്തി​നാ​യു​ള്ള പോ​രാ​ട്ട​ത്തി​ലും വി​ദ്യാ​ഭ്യാ​സ മേ​ഖ​ല​യി​ലും ച​രി​ത്രം സൃ​ഷ്ടി​ച്ച മേ​രി​റോ​യ് അ​ന്ത​രി​ച്ചു. 89 വ​യ​സ്സാ​യി​രു​ന്നു. വാ​ർ​ധ​ക്യ​സ​ഹ​ജ​മാ​യ അ​വ​ശ​ത​ക​ളെ​ത്തു​ട​ർ​ന്ന്​ ഏ​റെ​നാ​ളാ​യി വി​ശ്ര​മ​ത്തി​ലാ​യി​രു​ന്നു. പ്ര​ശ​സ്ത​മാ​യ പ​ള്ളി​ക്കൂ​ടം സ്കൂ​ളി​ന്‍റെ സ്ഥാ​പ​ക കൂ​ടി​യാ​യ അ​വ​രു​ടെ അ​ന്ത്യം വ്യാ​ഴാ​ഴ്ച രാ​വി​ലെ 9.15ന്​​ ​കാ​മ്പ​സി​ലെ ​സ്വ​ന്തം കോ​ട്ടേ​ജി​ലാ​യി​രു​ന്നു. ബു​ക്ക​ർ സ​മ്മാ​ന ജേ​താ​വ് അ​രു​ന്ധ​തി റോ​യി മ​ക​ളും ബി​സി​ന​സു​കാ​ര​നാ​യ ല​ളി​ത് റോ​യ് മ​ക​നു​മാ​ണ്. തി​രു​വി​താം​കൂ​ർ ക്രി​സ്ത്യ​ൻ പി​ന്തു​ട​ർ​ച്ചാ​വ​കാ​ശ നി​യ​മം ചോ​ദ്യം ചെ​യ്ത് സു​പ്രീം​കോ​ട​തി​വ​രെ നീ​ണ്ട നി​യ​മ​പോ​രാ​ട്ട​ത്തി​ലൂ​ടെ​യാ​ണ്​ മേ​രി റോ​യി​യെ ലോ​ക​മ​റി​ഞ്ഞ​ത്. 1986ൽ ​കോ​ട​തി തി​രു​വി​താം​കൂ​ർ ക്രി​സ്ത്യ​ൻ പി​ന്തു​ട​ർ​ച്ചാ​വ​കാ​ശ നി​യ​മം റ​ദ്ദാ​ക്കി​യ​തോ​ടെ പി​താ​വി​ന്‍റെ സ്വ​ത്തി​ൽ ആ​ൺ​മ​ക്ക​ൾ​ക്കും പെ​ൺ​മ​ക്ക​ൾ​ക്കും തു​ല്യാ​വ​കാ​ശ​മാ​യി.

കോ​ട്ട​യ​ത്തെ ആ​ദ്യ സ്കൂ​ളാ​യ റ​വ. റാ​വു ബ​ഹ​ദൂ​ർ ജോ​ൺ കു​ര്യ​ൻ സ്കൂ​ളി​ന്‍റെ സ്ഥാ​പ​ക​ൻ ജോ​ൺ കു​ര്യ​ന്‍റെ പേ​ര​ക്കു​ട്ടി​യും പി.​വി. ഐ​സ​ക്കി​ന്‍റെ മ​ക​ളു​മാ​യി 1933ൽ ​കോ​ട്ട​യം അ​യ്മ​ന​ത്താ​ണ് മേ​രി റോ​യി​യു​ടെ ജ​ന​നം. സൂ​സി ഐ​സ​ക്കാ​ണ്​ മാ​താ​വ്.​ ഡ​ൽ​ഹി ജീ​സ​സ് മേ​രി കോ​ൺ​വെ​ന്‍റി​ലാ​യി​രു​ന്നു സ്കൂ​ൾ വി​ദ്യാ​ഭ്യാ​സം. ചെ​ന്നൈ ക്വീ​ൻ മേ​രീ​സ് കോ​ള​ജി​ൽ​നി​ന്ന് ബി​രു​ദം നേ​ടി. ​കൊ​ൽ​ക്ക​ത്ത​യി​ൽ ഒ​രു ക​മ്പ​നി​യി​ൽ സെ​ക്ര​ട്ട​റി​യാ​യി ജോ​ലി ചെ​യ്യ​വേ പ​രി​ച​യ​പ്പെ​ട്ട ബം​ഗാ​ളി​യാ​യ രാ​ജീ​ബ് റോ​യി​യെ​യാ​ണ് വി​വാ​ഹം ചെ​യ്ത​ത്. കു​ടും​ബ ജീ​വി​ത​ത്തി​ലെ അ​സ്വാ​ര​സ്യ​ങ്ങ​ൾ മൂ​ലം കു​ട്ടി​ക​ളു​മാ​യി തി​രി​ച്ചെ​ത്തി പി​താ​വി​ന്‍റെ ഊ​ട്ടി​യി​ലു​ള്ള വീ​ട്ടി​ൽ താ​മ​സ​മാ​ക്കി. ഈ ​കെ​ട്ടി​ട​ത്തി​ന്‍റെ അ​വ​കാ​ശ​വു​മാ​യി ബ​ന്ധ​പ്പെ​ട്ട് സ​ഹോ​ദ​ര​നു​മാ​യി ഉ​ണ്ടാ​യ ത​ർ​ക്ക​മാ​ണ് അ​വ​രെ നി​യ​മ പോ​രാ​ട്ട​ത്തി​ലെ​ത്തി​ച്ച​ത്. കേ​സ് ജ​യി​ച്ച​തി​ലൂ​ടെ കി​ട്ടി​യ ഊ​ട്ടി​യി​ലെ കോ​ട്ടേ​ജ് വി​റ്റു​കി​ട്ടി​യ പ​ണം കൊ​ണ്ട്​ അ​വ​ർ കോ​ട്ട​യ​ത്ത് ക​ള​ത്തി​പ്പ​ടി​യി​ൽ 1967-ൽ ​കോ​ർ​പ്പ​സ് ക്രി​സ്റ്റി എ​ന്ന വി​ദ്യാ​ല​യം സ്ഥാ​പി​ച്ചു. ഇ​പ്പോ​ൾ പ​ള്ളി​ക്കൂ​ടം എ​ന്ന​റി​യ​പ്പെ​ടു​ന്ന വി​ദ്യാ​ല​യം പ്ര​ശ​സ്ത ശി​ൽ​പി ലാ​റി ബേ​ക്ക​റാ​ണ്​ രൂ​പ​ക​ൽ​പ​ന ചെ​യ്ത​ത്. സി​ല​ബ​സി​ന് പു​റ​മേ ക​ല​യും തൊ​ഴി​ലു​മെ​ല്ലാം അ​ഭ്യ​സി​പ്പി​ക്കു​ന്ന പ​ള്ളി​ക്കൂ​ടം ലോ​ക​ശ്ര​ദ്ധ​നേ​ടി.

അ​മ്മ​ക്ക്​ സ​മ​ർ​പ്പി​ച്ചി​രി​ക്കു​ന്ന അ​രു​ന്ധ​തി​യു​ടെ 'ഗോ​ഡ് ഓ​ഫ് സ്മോ​ൾ തി​ങ്സ്' ബു​ക്ക​ർ സ​മ്മാ​നം നേ​ടി​യ​തോ​ടെ ലോ​ക​മാ​ധ്യ​മ​ങ്ങ​ൾ മേ​രി​റോ​യി​യെ​യും സ്വ​ന്തം ഗ്രാ​മ​മാ​യ അ​യ്മ​ന​ത്തെ​യും തേ​ടി​വ​ന്നു. 85ാം വ​യ​സ്സി​ൽ സ​ഹോ​ദ​ര​നു​മാ​യു​ള്ള പി​ണ​ക്കം തീ​ർ​ത്ത മേ​രി റോ​യ് പി​തൃ​സ്വ​ത്താ​യി കി​ട്ടി​യ​വ​യി​ൽ ഒ​രു ഭാ​ഗം അ​ദ്ദേ​ഹ​ത്തി​ന് വി​ട്ട് ന​ൽ​കി​യ​തും വാ​ർ​ത്ത​യാ​യി. സ​ഹോ​ദ​ര​നെ​തി​രെ​യ​ല്ല, നി​യ​മ​ത്തി​ലെ സ്ത്രീ​വി​വേ​ച​ന​ത്തി​നെ​തി​രെ​യാ​ണ് താ​ൻ കേ​സ് കൊ​ടു​ത്ത​തെ​ന്ന് അ​വ​ർ വി​ശ​ദീ​ക​രി​ച്ചു.

സം​സ്​​കാ​രം വെ​ള്ളി​യാ​ഴ്ച ഉ​ച്ച​ക്ക് 12ന് ​വീ​ട്ടു​വ​ള​പ്പി​ൽ ന​ട​ക്കും. ച​ട​ങ്ങി​ൽ കു​ടും​ബാം​ഗ​ങ്ങ​ൾ​ക്ക് മാ​ത്ര​മാ​ണ് പ്ര​വേ​ശ​നം. വ്യാ​ഴാ​ഴ്ച ഉ​ച്ച​ക​ഴി​ഞ്ഞ് മൂ​ന്നു മു​ത​ൽ ഒ​മ്പ​തു​വ​രെ വീ​ട്ടി​ൽ പൊ​തു​ദ​ർ​ശ​ന​ത്തി​ന്​ സൗ​ക​ര്യ​മൊ​രു​ക്കി​യി​രു​ന്നു.

വെ​ള്ളി​യാ​ഴ്ച രാ​വി​ലെ ഏ​ഴു​മു​ത​ൽ ഉ​ച്ച​ക്ക്​ 12വ​രെ പ​ള്ളി​ക്കൂ​ടം കാ​മ്പ​സി​ലെ എം.​ആ​ർ ബ്ലോ​ക്കി​ൽ പൊ​തു​ദ​ർ​ശ​ന​ത്തി​ന്​ സൗ​ക​ര്യ​മൊ​രു​ക്കി​യി​ട്ടു​ണ്ടെ​ന്ന്​ ല​ളി​ത്​ റോ​യ്, അ​രു​ന്ധ​തി​റോ​യ്, മ​രു​മ​ക​ൾ മേ​രി​റോ​യി ജൂ​നി​യ​ർ എ​ന്നി​വ​ർ അ​റി​യി​ച്ചു.