ആലി മുസ്​ലിയാരുടെ രക്തസാക്ഷിത്വത്തിന്​ നൂറ്​ വയസ്സ്​

മ​ല​പ്പു​റം: 1922 ഫെ​ബ്രു​വ​രി 17 ശ​നി​യാ​ഴ്ച. പു​ല​ര്‍ച്ച കോ​യ​മ്പ​ത്തൂ​ര്‍ ജ​യി​ല​ധി​കൃ​ത​ര്‍ പ​ണ്ഡി​ത​നാ​യ ആ ​വ​യോ​ധി​ക​നോ​ട് വി​ന​യ​ത്തോ​ടെ ഇ​ങ്ങ​നെ ചോ​ദി​ച്ചു- അ​ന്ത്യാ​ഭി​ലാ​ഷ​മാ​യി അ​ങ്ങ് എ​ന്താ​ണ് ആ​ഗ്ര​ഹി​ക്കു​ന്ന​ത്? ഒ​രു നി​മി​ഷ​ത്തെ മൗ​നം. തു​ട​ർ​ന്ന്​ എ​നി​ക്ക് ന​മ​സ്ക​രി​ക്കാ​നു​ള്ള സൗ​ക​ര്യം ചെ​യ്ത് ത​ന്നാ​ല്‍ മാ​ത്രം മ​തി എ​ന്ന് മ​റു​പ​ടി. ആ ​ഇ​രി​പ്പി​ല്‍ ത​ന്നെ ഇ​രു​ക​ര​ങ്ങ​ളും ഉ​യ​ര്‍ത്തി ആ​ലി മു​സ്‌​ലി​യാ​ർ പ്രാ​ര്‍ഥ​ന​യി​ല്‍ മു​ഴു​കി. പൊ​ന്നാ​നി​യി​ല്‍ 10 വ​ര്‍ഷ​വും മ​ക്ക​യി​ല്‍ ആ​റു വ​ര്‍ഷ​വും മ​ത​പ​ഠ​നം ന​ട​ത്തി​യ ആ ​സൂ​ഫീ​വ​ര്യ​ന്‍ അ​ൽ​പ​സ​മ​യ​ത്തി​ന​കം തൂ​ക്കി​ലേ​റ്റ​പ്പെ​ട്ടു.

സൂ​ര്യ​ന​സ്ത​മി​ക്കാ​ത്ത വൈ​ദേ​ശി​ക മേ​ധാ​വി​ത്വ​ത്തി​ന്‍റെ കി​രാ​ത​ഭ​ര​ണം ആ​റ് മാ​സ​ത്തേ​ക്കെ​ങ്കി​ലും അ​വ​സാ​നി​പ്പി​ക്കാ​ന്‍ പോ​ന്ന സ​മ​ര​രാ​ഗ്നി​യു​ടെ ജ്വാ​ല മ​ല​ബാ​റി​ലാ​കെ വ്യാ​പി​പ്പി​ച്ച സ​മ​ര​യോ​ദ്ധാ​വ് ഇ​തോ​ടെ ച​രി​ത്ര​മാ​വു​ക​യാ​യി​രു​ന്നു. അ​റ​സ്റ്റ് ചെ​യ്യ​പ്പെ​ട്ട ഖി​ലാ​ഫ​ത്ത് വ​ള​ന്‍റി​യ​ര്‍മാ​രെ വി​ട്ട​യ​ക്ക​ണ​മെ​ന്ന ആ​വ​ശ്യ​വു​മാ​യി സ്റ്റേ​ഷ​നി​ല്‍ ചെ​ന്ന ആ​ലി മു​സ്‌​ലി​യാ​രു​ടെ സം​ഘ​ത്തി​നു​നേ​രെ പൊ​ലീ​സ് വെ​ടി​യു​തി​ർ​ത്തു. കൈ​യി​ല്‍ കി​ട്ടി​യ ക​ത്തി​യും വ​ടി​യും വേ​ലി​ത്ത​റി​യു​മാ​യി മാ​പ്പി​ള​പ്പോ​രാ​ളി​ക​ള്‍ തി​രൂ​ര​ങ്ങാ​ടി​യി​ലേ​ക്ക് മാ​ര്‍ച്ച് ചെ​യ്തു. എ​ങ്കി​ലും അ​വ​സാ​നം, താ​ന്‍ ജോ​ലി ചെ​യ്യു​ന്ന പ​ള്ളി വ​ള​ഞ്ഞ് ആ​ലി മു​സ്‌​ലി​യാ​രെ​യും ഏ​താ​നും അ​നു​യാ​യി​ക​ളെ​യും വെ​ള്ള​പ്പ​ട്ടാ​ളം പി​ടി​കൂ​ടി.

1921 ന​വം​ബ​ര്‍ ര​ണ്ടി​ന്​ മാ​ര്‍ഷ​ല്‍ ലോ ​കോ​ട​തി കോ​ഴി​ക്കോ​ട്ട് പ്ര​ത്യേ​ക വി​ചാ​ര​ണ ന​ട​ത്തി. അ​ഡ്വ. എ.​വി. ബാ​ല​കൃ​ഷ്ണ​മേ​നോ​നെ പ്ര​തി​ക​ള്‍ക്ക് വേ​ണ്ടി ഏ​ര്‍പ്പാ​ടാ​ക്കി​ക്കൊ​ടു​ത്തി​രു​ന്നെ​ങ്കി​ലും ത​ങ്ങ​ള്‍ക്ക് വേ​ണ്ടി വാ​ദി​ക്കേ​ണ്ട​തി​ല്ലെ​ന്നാ​യി​രു​ന്നു ആ​ലി മു​സ്‌​ലി​യാ​ര്‍ മേ​നോ​നോ​ട് പ​റ​ഞ്ഞ​ത്. മു​സ്‌​ലി​യാ​ര​ട​ക്കം 13 പേ​രെ തൂ​ക്കി​ക്കൊ​ല്ലു​ക, മൂ​ന്നു​പേ​രെ നാ​ട് ക​ട​ത്തു​ക, 14 പേ​രെ ജീ​വ​പ​ര്യ​ന്തം ജ​യി​ലി​ല​ട​ക്കു​ക, എ​ട്ട് പേ​രെ ജീ​വ​പ​ര്യ​ന്തം നാ​ട് ക​ട​ത്തു​ക, എ​ല്ലാ പ്ര​തി​ക​ളു​ടെ​യും സ​ര്‍വ സ്വ​ത്തു​ക്ക​ളും പി​ടി​ച്ചെ​ടു​ത്ത് സ​ര്‍ക്കാ​റി​ലേ​ക്ക് മു​ത​ല്‍ക്കൂ​ട്ടു​ക ഇ​താ​യി​രു​ന്നു വി​ധി. പ്ര​തി​ക​ളു​ടെ അ​പ്പീ​ല്‍ സ്വീ​ക​രി​ച്ചി​ല്ല. പ്ര​തി​ക​ളെ കോ​യ​മ്പ​ത്തൂ​ര്‍ ജ​യി​ലി​ലേ​ക്ക് മാ​റ്റി. 1922 ഫെ​ബ്രു​വ​രി 17ന് ​പു​ല​ര്‍ച്ച തൂ​ക്കി​ലേ​റ്റി.

കോ​യ​മ്പ​ത്തൂ​രി​ലെ ശു​ക്‌​റാ​ന്‍ പേ​ട്ടി​ല്‍ മ​റ​വ് ചെ​യ്യ​പ്പെ​ട്ട ആ​ലി മു​സ്‌​ലി​യാ​ര്‍ക്ക് അ​വി​ടെ നി​ർ​മി​ച്ച സ്മാ​ര​കം 1957ല്‍ ​അ​ബ്ദു​റ​ഹി​മാ​ന്‍ ബാ​ഫ​ഖി ത​ങ്ങ​ളു​ടെ അ​ധ്യ​ക്ഷ​ത​യി​ല്‍ മു​ന്‍ കേ​ന്ദ്ര​മ​ന്ത്രി പ്ര​ഫ. ഹു​മ​യൂ​ണ്‍ ക​ബീ​ര്‍ ഉ​ദ്ഘാ​ട​നം ചെ​യ്തു. മ​ഞ്ചേ​രി നെ​ല്ലി​ക്കു​ത്തി​ലെ ഏ​രി​ക്കു​ന്ന​ൻ പാ​ല​ത്തും​വീ​ടാ​യി​രു​ന്നു മു​സ്‌​ലി​യാ​രു​ടെ ത​റ​വാ​ട്. നെ​ല്ലി​ക്കു​ത്തി​ൽ ഈ ​പോ​രാ​ളി​യു​ടെ പേ​രി​ല്‍ ഒ​രു ച​രി​ത്ര സ്മാ​ര​ക​മു​ണ്ട്. മ​ഞ്ചേ​രി ന​ഗ​ര​സ​ഭ സി.​പി.​എം ഭ​രി​ച്ചി​രു​ന്ന ഘ​ട്ട​ത്തി​ല്‍ ജ​ന​കീ​യാ​സൂ​ത്ര​ണ​കാ​ല​ത്ത് നി​ർ​മി​ച്ച​താ​ണി​ത്.

പി​ന്നീ​ട് ഭ​ര​ണ​ത്തി​ലേ​റി​യ​വ​രും സാം​സ്കാ​രി​ക പ്ര​വ​ര്‍ത്ത​ക​രും ഇ​വി​ടേ​ക്ക് തി​രി​ഞ്ഞു​നോ​ക്കി​യി​ട്ടി​ല്ല. വാ​യ​ന​ക്കും പ​ഠ​ന​ത്തി​നും ഏ​റെ പ്രാ​ധാ​ന്യം ന​ല്‍കു​ക​യും അ​നീ​തി​ക്കും അ​ക്ര​മ​ത്തി​നു​മെ​തി​രെ പൊ​രു​തു​ക​യും ചെ​യ്ത മ​ഹാ വി​പ്ല​വ​കാ​രി​യു​ടെ നാ​മ​ധേ​യ​ത്തി​ല്‍ ഉ​യ​ര്‍ന്ന സ്മാ​ര​കം അ​ടു​ക്കി​വെ​ച്ച ചെ​ങ്ക​ല്ലു​ക​ളും ബോ​ര്‍ഡു​മാ​യി ചു​രു​ങ്ങി​യി​രി​ക്കു​ന്നു.