വീട്ടുകാർക്ക്​ മാർട്ടിൻ നേരത്തേ മുന്നറിയിപ്പ്​ നൽകി

അ​ങ്ക​മാ​ലി: ഭാ​ര്യ​യോ​ടും കു​ടും​ബാം​ഗ​ങ്ങ​ളോ​ടും യ​ഹോ​വ സാ​ക്ഷി​ക​ളു​ടെ സം​ഗ​മ​ത്തി​ൽ​നി​ന്ന്​ വി​ട്ടു​നി​ൽ​ക്ക​ണ​മെ​ന്ന്​ മാ​ർ​ട്ടി​ൻ നേ​ര​ത്തേ മു​ന്ന​റി​യി​പ്പ്​ ന​ൽ​കി​യി​രു​ന്ന​താ​യി വി​വ​രം. വി​ട്ടു​നി​ന്നി​ല്ലെ​ങ്കി​ൽ ജീ​വ​ൻ ന​ഷ്ട​പ്പെ​ടു​മെ​ന്ന്​ ഭാ​ര്യ​യെ​ ഭീ​ഷ​ണി​പ്പെ​ടു​ത്തി​യി​രു​ന്ന​താ​യും പ​റ​യു​ന്നു.

എ​ന്നാ​ൽ, വീ​ട്ടു​കാ​രാ​രും ഇ​ത്​ കാ​ര്യ​മാ​ക്കി​യി​ല്ല. സ്വ​ന്തം വീ​ട്ടു​കാ​രെ യ​ഹോ​വയുടെ സാ​ക്ഷി വി​ശ്വാ​സ​ത്തി​ൽ​നി​ന്ന്​ പി​ന്തി​രി​പ്പി​ക്കാ​നു​ള്ള ശ്ര​മം പ​രാ​ജ​യ​പ്പെ​ട്ട​താ​ണ്​ മാ​ർ​ട്ടി​നെ കൂ​ടു​ത​ൽ രോ​ഷാ​കു​ല​നാ​ക്കി​യ​തെ​ന്നും പൊ​ലീ​സ്​ ക​രു​തു​ന്നു. കു​ടും​ബാം​ഗ​ങ്ങ​ൾ അ​വ​രു​ടെ വി​ശ്വാ​സ​ത്തി​ൽ​നി​ന്ന്​ മാ​റാ​താ​യ​തോ​ടെ മാ​ർ​ട്ടി​ൻ ഒ​റ്റ​പ്പെ​ട്ടാ​ണ്​ ജീ​വി​ച്ചി​രു​ന്ന​തെ​ന്നും ക​ണ്ടെ​ത്തി​യി​ട്ടു​ണ്ട്.

10 വ​ർ​ഷം മു​മ്പാ​ണ് ഇ​യാ​ൾ അ​ത്താ​ണി​യി​ൽ സ്ഥ​ലം വാ​ങ്ങി ഫ്ലാ​റ്റ്​ പ​ണി​ത​ത്. നാ​ല്​ മു​റി​ക​ളു​ള്ള ഇ​വി​ടെ പൊ​തു​മേ​ഖ​ല സ്ഥാ​പ​ന​മാ​യ അ​ത്താ​ണി കാം​കോ​യി​ലെ ജീ​വ​ന​ക്കാ​രാ​ണ് മൂ​ന്ന്​ മു​റി​ക​ളി​ൽ താ​മ​സി​ച്ചി​രു​ന്ന​ത്. ഇ​വ​ർ ശ​നി​യാ​ഴ്ച ജോ​ലി ക​ഴി​ഞ്ഞ്​ നാ​ട്ടി​ലേ​ക്ക് മ​ട​ങ്ങും. തി​ങ്ക​ളാ​ഴ്ച​യാ​ണ്​ തി​രി​ച്ചെ​ത്തു​ക. ഈ ​അ​വ​സ​രം മു​ത​ലാ​ക്കി​യാ​കാം ഫ്ലാ​റ്റി​ലെ മു​ക​ളി​ലെ മു​റി ബോം​ബു​ണ്ടാ​ക്കാ​ൻ തെ​ര​ഞ്ഞെ​ടു​ത്ത​തെ​ന്നാ​ണ് സൂ​ച​ന. ക​ള​മ​ശ്ശേ​രി സം​റ ക​ൺ​വെ​ൻ​ഷ​ൻ സെ​ന്‍റ​റി​ൽ മൂ​ന്ന്​ ദി​വ​സ​ത്തെ പ്രാ​ർ​ഥ​ന ക​ൺ​വെ​ൻ​ഷ​ൻ ന​ട​ക്കു​ന്ന​തി​നെ​ക്കു​റി​ച്ച്​ മാ​ർ​ട്ടി​ൻ നേ​ര​ത്തേ ത​ന്നെ അ​റി​ഞ്ഞി​രു​ന്നു. അ​തോ​ടെ​യാ​ണ്​ ഒ​ന്ന​ര മാ​സം മു​മ്പ്​ വി​ദേ​ശ​ത്തു​നി​ന്ന്​ നാ​ട്ടി​ലേ​ക്ക് തി​രി​ച്ച​ത്.

ക​ഴി​ഞ്ഞ വെ​ള്ളി​യാ​ഴ്ച വൈ​കീ​ട്ട്​ ത​ന്‍റെ കെ.​എ​ൽ 38 ജി-8506 ​ന​മ്പ​ർ ബൈ​ക്കി​ലെ​ത്തി​യാ​ണ് ക​ട​വ​ന്ത്ര, അ​ത്താ​ണി, ചാ​ല​ക്കു​ടി, കൊ​ര​ട്ടി ഭാ​ഗ​ങ്ങ​ളി​ലെ ക​ട​ക​ളി​ൽ​നി​ന്ന്​ പെ​ട്രോ​ളും ഗു​ണ്ടു​ക​ളും ബാ​റ്റ​റി​ക​ളും ശേ​ഖ​രി​ച്ച​ത്. കു​ട്ടി​ക​ളു​ടെ ക​ളി​പ്പാ​ട്ട​ത്തി​ന്​ എ​ന്ന്​ പ​റ​ഞ്ഞാ​ണ്​​ ക​ട​വ​ന്ത്ര​യി​ലെ ക​ട​യി​ൽ​നി​ന്ന്​ റി​മോ​ട്ട്​ ക​ൺ​ട്രോ​ൾ വാ​ങ്ങി​യ​ത്. ബോം​ബു​ണ്ടാ​ക്കാ​ൻ ശ​നി​യാ​ഴ്ച ഫ്ലാ​റ്റി​ൽ ത​ങ്ങി. രാ​ത്രി​യോ​ടെ ത​മ്മ​ന​ത്തു​ള്ള വീ​ട്ടി​ലേ​ക്ക് മ​ട​ങ്ങി. ഞാ​യ​റാ​ഴ്ച രാ​വി​ലെ വീ​ണ്ടും ഫ്ലാ​റ്റി​ലെ​ത്തി. സ്ഫോ​ട​നം ന​ട​ത്താ​ൻ തീ​രു​മാ​നി​ച്ചു​റ​പ്പി​ച്ച ശേ​ഷം ഇ​വി​ടെ നി​ന്ന്​ ബോം​ബു​ക​ളെ​ടു​ത്ത് ക​ള​മ​ശ്ശേ​രി ക​ൺ​വെ​ൻ​ഷ​ൻ സെ​ന്‍റ​റി​ലേ​ക്ക് പോ​കു​ക​യാ​യി​രു​ന്നു.