വിവാഹത്തട്ടിപ്പ് വീരൻ പിടിയിൽ

വൈത്തിരി: പത്രങ്ങളിലൂടെ വിവാഹ പരസ്യം നൽകി സ്ത്രീകളെ പീഡിപ്പിച്ച് ആഭരണങ്ങൾ തട്ടിയെടുത്തു മുങ്ങുന്നയാളെ വൈത്തിരി പൊലീസ് പിടികൂടി. ചാവക്കാട് സ്വദേശിയും ഇപ്പോൾ അരീക്കോട് താമസക്കാരനുമായ ചാലിൽ വീട്ടിൽ അനീസിനെ (45) ആണ് വൈത്തിരി സ്റ്റേഷൻ ഓഫിസർ കെ.ജി. പ്രവീണും സംഘവും അറസ്റ്റ് ചെയ്തത്.

മീനങ്ങാടി സ്വദേശിയായ യുവതിയുടെ പരാതിയിലാണ് ഇയാളെ അറസ്റ്റ് ചെയ്തത്. നിരവധി സ്ത്രീകളെ ഇത്തരത്തിൽ വഞ്ചിച്ചിട്ടുണ്ടെന്ന് വൈത്തിരി പൊലീസ് പറഞ്ഞു. പ്രതിക്ക് ഭാര്യയും രണ്ടു കുട്ടികളുമുണ്ട്.