രക്തദാനത്തിൽ മാതൃകയായി മാർക്കോ

പാ​ല​ക്കാ​ട്: ‘ര​ക്ത​ദാ​നം മ​ഹാ​ദാ​നം’ എ​ന്ന ചൊ​ല്ല് മ​നു​ഷ്യ​നു മാ​ത്ര​മ​ല്ല, മൃ​ഗ​ങ്ങ​ൾ​ക്കും പ്ര​ധാ​ന​മാ​ണെ​ന്ന് തെ​ളി​യി​ച്ചി​രി​ക്കു​ക​യാ​ണ് റോ​ട്ട് വീ​ല​ർ ഇ​ന​ത്തി​ൽ​പെ​ട്ട മാ​ർ​ക്കോ. കൂ​റ്റ​നാ​ട് സ്വ​ദേ​ശി കി​ഷോ​റി​ന്റെ അ​മേ​രി​ക്ക​ൻ ബു​ള്ളി ഇ​ന​ത്തി​ൽ​പെ​ട്ട എ​ക്കോ എ​ന്ന നാ​യ്, ചെ​ള്ളു​പ​നി ബാ​ധി​ച്ച് മ​ണ്ണു​ത്തി മൃ​ഗാ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ ര​ക്ത​ത്തി​ലെ കൗ​ണ്ട് കു​റ​ഞ്ഞ് ഗു​രു​ത​രാ​വ​സ്ഥ​യി​ലാ​യി.

‘റെ​ഡ് ഈ​സ് ബ്ല​ഡ്‌’ കേ​ര​ള ചാ​രി​റ്റ​ബ്ൾ സൊ​സൈ​റ്റി ര​ക്ത​ദാ​താ​വി​നെ ക​ണ്ടെ​ത്താ​ൻ ശ്ര​മി​ക്കു​ന്ന​തി​നി​ടെ​യാ​ണ് ര​ക്ഷ​ക​നാ​യി കു​ന്നം​കു​ളം സ്വ​ദേ​ശി സാ​ബു​വി​ന്റെ ഉ​ട​മ​സ്ഥ​ത​യി​ലു​ള്ള മാ​ർ​ക്കോ എ​ന്ന നാ​യ് എ​ത്തി​യ​ത്. മ​ണ്ണു​ത്തി മൃ​ഗാ​ശു​പ​ത്രി​യി​ലെ​ത്തി മാ​ർ​ക്കോ ര​ക്തം ന​ൽ​കി. ര​ക്തം ന​ൽ​കു​ന്ന നാ​യ്ക്ക​ൾ​ക്ക് ന​ല്ല ആ​രോ​ഗ്യ​വും 30 കി​ലോ​ഗ്രാം ഭാ​ര​വും വേ​ണം.

ഇ​ത്ത​രം നാ​യ്ക്ക​ൾ ഉ​ണ്ടാ​യി​രു​ന്നെ​ങ്കി​ലും പ​ല ഉ​ട​മ​സ്ഥ​രും വി​സ​മ്മ​തി​ച്ചു. ഈ ​സാ​ഹ​ച​ര്യ​ത്തി​ൽ മാ​ർ​ക്കോ​യു​ടെ ഉ​ട​മ സാ​ബു​വി​​ന്റെ മാ​തൃ​ക അ​ഭി​ന​ന്ദ​നം അ​ർ​ഹി​ക്കു​ന്ന​താ​യും സ​ന്ന​ദ്ധ ര​ക്ത​ദാ​ന​ത്തെ പ്രോ​ത്സാ​ഹി​പ്പി​ക്കാ​ൻ എ​ല്ലാ​വ​രും മു​ന്നോ​ട്ടു​വ​ര​ണ​മെ​ന്നും റെ​ഡ് ഈ​സ്‌ ബ്ല​ഡ്‌ കേ​ര​ള സം​സ്ഥാ​ന പ്ര​സി​ഡ​ന്റ് പ്ര​ഖി​ൽ പ​ട്ടാ​മ്പി പ​റ​ഞ്ഞു.