മരട്​ ഫ്ലാറ്റുകൾ: പൊളിക്കൽ നടപടിക്രമം വിശദീകരിച്ച്​ സത്യവാങ്​മൂലം നൽകും

തിരുവനന്തപുരം: സുപ്രീംകോടതിയുടെ കർശന നിലപാടോടെ മരടിലെ നാല്​ ഫ്ലാറ്റുകളും പൊളിക്കുകയല്ലാതെ വേറെ മാർഗമില ്ലെന്ന നിലപാടിലേക്ക്​ സർക്കാർ. ആൽഫാ വെ​േഞ്ച്വഴ്​സ്​, ഹോളി ഫെയ്​ത്ത്​, ജെയിൻ ഹൗസിങ്​ കൺസ്​ട്രക്​ഷൻ, കായലോരം അ പ്പാർട്​മ​​െൻറ്​സ്​ എന്നീ ഫ്ലാറ്റ്​ സമുച്ചയങ്ങൾ പൊളിക്കുന്നതി​​​െൻറ നടപടിക്രമങ്ങൾ വിശദീകരിച്ച​ുള്ള സത്യ വാങ്മൂലം വെള്ളിയാഴ്​ച സമർപ്പിക്കാനാണ്​ സർക്കാർ ഒരുങ്ങുന്നത്​. തിങ്കളാഴ്​ച കോടതിയിൽ നിന്നുണ്ടായ പ്രതികരണം ഉൾപ്പെടെ ചീഫ്​ സെക്രട്ടറി ചൊവ്വാഴ്​ച സർക്കാറിനെ വിശദമായി ധരിപ്പിക്കും. അതിനു​ ശേഷം ഉന്നതതല യോഗം ചേർന്ന്​ നിയമ വിദഗ്​ധരുടെ സഹായത്തോടെ സത്യവാങ്​മൂലം തയാറാക്കാനാണ്​ ധാരണ. ഇന്നലെ തന്നെ ഫോണിലൂടെ ടോം ജോസ്​ വിവരം മുഖ്യമന്ത്രിയെയും ഉന്നത ഉദ്യോഗസ്ഥരെയും ധരിപ്പിച്ചിരുന്നു.

ചെന്നൈ ​െഎ.​െഎ.ടി റിപ്പോർട്ടി​​​െൻറ അടിസ്ഥാനത്തിൽ എന്തെല്ലാം നടപടിക്രമങ്ങൾ പാലിച്ചാകണം ഫ്ലാറ്റ്​ സമുച്ചയങ്ങൾ പൊളിക്കേണ്ടത്,​ അതിന്​ സ്വീകരിക്കുന്ന നടപടികൾ എന്നിവ വിശദീകരിച്ചാകും സത്യവാങ്​മൂലം. പൊളിക്കേണ്ട ഫ്ലാറ്റുകളുടെ ഒരു കിലോമീറ്റർ ചുറ്റളവിലുള്ള കുടുംബങ്ങളെ ഒഴിപ്പിക്കണമെന്ന്​ ​​റിപ്പോർട്ടിൽ െഎ.​െഎ.ടി മുന്നറിയിപ്പ്​ നൽകുന്നു. സ്​ഫോടകവസ്​തുക്കൾ ഉപയോഗിച്ച്​ പൊളിക്കുന്നതാകും ഉചിതമെന്നും എന്നാൽ, അപ്പോഴുണ്ടാകുന്ന വായു മലിനീകരണം ഒരു കിലോമീറ്ററർ ചുറ്റളവിനപ്പുറം ഉണ്ടാകുമെന്നും സത്യവാങ്​മൂലത്തിൽ ചൂണ്ടിക്കാട്ടും.

ഫ്ലാറ്റ്​ ഉടമകളുടെയും സർക്കാറി​​​െൻറ ഭാഗം കേൾക്കണമെന്നും കുറ്റക്കാരായ നിർമാതാക്കളെ ശിക്ഷിക്കണ​മെന്നും സംസ്ഥാനത്തിനു​വേണ്ടി ഹാജരായ സീനിയർ അഭിഭാഷൻ വഴി സുപ്രീംകോടതിയെ ധരിപ്പിക്കാനായിരുന്നു നീക്കം. കോടതി അയയുകയാണെങ്കിൽ പുനഃപരിശോധന ഹരജി നൽകുകയായിരുന്നു ഉദ്ദേശ്യം. എന്നാൽ, കോടതി ഒരു വിട്ടുവീഴ്​ചക്കും തയാറല്ലെന്ന്​ വ്യക്തമാക്കിയതോടെ സർക്കാറി​​​െൻറ പദ്ധതികളെല്ലാം തകിടംമറിഞ്ഞു.

പ്രളയ ദുരിതാശ്വാസം, മറ്റ്​ തീരദേശ നിയന്ത്രണ ലംഘനങ്ങൾ എന്നിവയിലേക്ക്​ കൂടി കടന്നുള്ള കോടതിയുടെ പരാമർശം കൂടി ആയതോടെ എല്ലാ വാതിലുകളും അടഞ്ഞെന്ന വിലയിരുത്തലിലാണ്​ സർക്കാർ. മരട്​ മുനിസിപ്പാലിറ്റി വഴി ഒഴിയുകയല്ലാതെ വഴിയില്ലെന്ന യാഥാർഥ്യം ഫ്ലാറ്റുകളിലെ താമസക്കാരെ അറിയിക്കാനുള്ള നടപടി വരുംദിവസങ്ങളിൽ സ്വീകരിക്കും. നാല്​ ഫ്ലാറ്റ്​ സമുച്ചയങ്ങളിലെ 343 ഫ്ലാറ്റുകളിലായി 191 ഒാളം കുടുംബങ്ങളുണ്ടെന്നാണ്​ തദ്ദേശ സ്വയംഭരണ വകുപ്പി​​​െൻറ കണക്ക്​.