മരട്​ ഫ്ലാറ്റ്​: ഉടമകളുടെ ഹരജി സുപ്രീംകോടതി തള്ളി

ന്യൂഡൽഹി: മരട് ഫ്ലാറ്റ് കേസില്‍ മൂന്നംഗ സമിതിയുടെ റിപ്പോര്‍ട്ട് റദ്ദാക്കണം എന്നാവശ്യപ്പെട്ട് ഉടമകള്‍ നല്‍ക ിയ ഹരജി സുപ്രീംകോടതി തള്ളി. ജസ്​റ്റീസ്​ അരുൺമിശ്ര അധ്യക്ഷനായ ബെഞ്ചാണ്​ ഹരജി തള്ളിയത്​. കോടതി ഹരജിക്കാരുടെ വ ാദം കേൾക്കാൻ തയാറായില്ല.

അതേസമയം, മരടിലെ ഫ്ലാറ്റ് ഒഴിപ്പിക്കലില്‍ പ്രതിസന്ധി തുടരുകയാണ്​. മാറിതാമസിക്കാനായി ജില്ലാ ഭരണകൂടം അനുവദിച്ച അപ്പാർട്ട്മ​െൻറുകളിൽ ഒഴിവില്ല എന്ന ആരോപണവുമായി ഫ്ലാറ്റ് ഉടമകൾ രംഗത്തെത്തി.ജില്ലാ ഭരണകൂടം നൽകിയ പട്ടികയിലെ ഫ്ലാറ്റുകളിൽ വിളിച്ച് അന്വേഷിക്കുമ്പോൾ മോശമായ മറുപടിയാണ് ലഭിക്കുന്നത്. ജില്ലാ ഭരണകൂടത്തെ പ്രതിഷേധം അറിയിക്കുമെന്ന് ഫ്ലാറ്റ് ഉടമകൾ വ്യക്തമാക്കി. ഫ്ലാറ്റ്​ ഒഴിപ്പിക്കൽ നടപടികൾ തുടരുകയാണ്​.

ഫ്ലാറ്റുകൾ പൊളിക്കുന്നതിലെ ആശങ്ക പരിഹരിക്കുന്നതിന്​ പരിസരവാസികളുടെ യോഗം വിളിക്കാൻ മരട്​ നഗരസഭ കൗൺസിൽ തീരുമാനിച്ചിട്ടുണ്ട്​.