മദ്യനയത്തിൽ സർക്കാറിന്‍റേത്​ ചെപ്പടിവിദ്യ -സൂസൈപാക്യം

തിരുവനന്തപുരം: മദ്യനയത്തിൽ സർക്കാറി​േൻറത്​ ചെപ്പടിവിദ്യയാണെന്ന്​ ആർച്ച്​​ ബിഷപ്​ ഡോ. എം. സൂസൈപാക്യം. ക്രിക്കറ്റ്​ താരം വിരാട്​ കോഹ്​ലിയെ കൊണ്ടുവന്നു ലഹരിവിരുദ്ധ പ്രതിജ്​ഞയെടുപ്പിക്കുകയും മറുവശത്ത്​ ബാറുകൾ യഥേഷ്​ടം തുറക്കുകയും ചെയ്യുന്ന സർക്കാറി​​െൻറ നിലപാട്​ പരസ്​പരവിരുദ്ധമാണെന്നും അദ്ദേഹം പറഞ്ഞു. മദ്യവിപത്തിനെതിരെ കെ.സി.ബി.സി മദ്യവിരുദ്ധ സമിതി നടത്തുന്ന വിമോചനയാത്രയുടെ സ​ംസ്ഥാനതല ഉദ്​ഘാടനം നിർവഹിക്കുകയായിരുന്നു അദ്ദേഹം.

സർക്കാറിന്​ തെറ്റ്​ സംഭവിച്ചാൽ തിരുത്തേണ്ട നിയമസംവിധാനം പോലും കാഴ്​ചക്കാരായി മാറുന്നതാണ്​ നിലവിലെ സ്ഥിതിയെന്ന്​ മുഖ്യപ്രഭാഷണം നിർവഹിച്ച്​ കെ.പി.സി.സി മുൻ പ്രസിഡൻറ്​ വി.എം. സുധീരൻ അഭിപ്രായപ്പെട്ടു. പാതയോരത്തെ മദ്യശാലകൾ പൂട്ടാൻ നിർദേശിച്ച സുപ്രീംകോടതി തന്നെ ബാറുകൾക്ക്​ അനുകൂല നിലപാടെടുക്കുന്ന കാഴ്​ച നാം കാണുന്നതായും അദ്ദേഹം പറഞ്ഞു.