Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവ്യാജരേഖ കേസ്:...

വ്യാജരേഖ കേസ്: ആലഞ്ചേരിക്കെതിരായ സർക്കുലർ പള്ളികളിൽ വായിച്ചു

text_fields
bookmark_border
alenchery-bishap
cancel

കൊച്ചി: സീറോ മലബാര്‍ സഭ വ്യാജരേഖ കേസില്‍ കര്‍ദിനാള്‍ മാര്‍ ജോര്‍ജ് ആലഞ്ചേരിക്കെതിരായ ഇടയലേഖനം പള്ളികളിൽ വായ ിച്ചു. എറണാകുളം-അങ്കമാലി അതിരൂപത വികാരി ജനറലി​െൻറ സർക്കുലറാണ് പള്ളികളിൽ വായിച്ചത്. സഭയുടെ ചരിത്രത്തിൽ ആദ്യമാ യാണ് ഒരു കർദിനാളിനെതിരെ പള്ളികളിൽ ഇടയലേഖനം വായിക്കുന്നത്. ആലഞ്ചേരിക്ക് പുറമെ പൊലീസിനെതിരെയും കടുത്ത വിമർശനമ ാണ് സർക്കുലറിലുള്ളത്.

അതേസമയം, ഈ സർക്കുലറിനെതിരെ ഒരുവിഭാഗം വിശ്വാസികൾ കഴിഞ്ഞ ദിവസം രംഗത്തുവന്നിരുന്നു. ആലഞ്ചേരിക്കെതിരെ വ്യാജരേഖ ഉണ്ടാക്കിയവരെ സംരക്ഷിക്കുന്നെന്നും ഫാ. ആൻറണി കല്ലൂക്കാരനെയും അറസ്​റ്റിലായ ആദിത്യയെയും അനുകൂലിക്കു​െന്നന്നും പറഞ്ഞാണ് ഒരുകൂട്ടം വിശ്വാസികൾ സർക്കുലർ കത്തിച്ച് പ്രതിഷേധിച്ചത്. മലയാറ്റൂർ പള്ളിക്ക് മുന്നിലും ഇന്ത്യൻ കാത്തലിക് ഫോറത്തി‍​െൻറ ആഭിമുഖ്യത്തിൽ കൊച്ചിയിലെ സഭ ആസ്ഥാനത്തും സർക്കുലർ കത്തിച്ചിരുന്നു.

സർക്കുലർ പള്ളികളിൽ വായിക്കുന്നതിലൂടെ വിശ്വാസികളെ വിഭജിക്കുകയും അധികൃതർക്കെതിരെ തിരിക്കുകയുമാണ് ലക്ഷ്യമെന്നാണ്​ പ്രതിഷേധക്കാരുടെ ആരോപണം. ഇതോടെ സഭക്കുള്ളിലെ ഭിന്നത വിശ്വാസികള്‍ക്കിടയി​േലക്കും വ്യാപിച്ചു. ഇരുപക്ഷത്തുമായി വിശ്വാസികള്‍ നിലയുറപ്പിച്ചതോടെ സമൂഹ മാധ്യമങ്ങള്‍ വഴി പരസ്പരം അധിക്ഷേപിക്കുന്ന രീതിയിലേക്ക് കാര്യങ്ങൾ മാറി. ഫേസ്ബുക്ക് പേജുകളിലൂടെയും മറ്റും പരസ്പരം ആരോപണങ്ങൾ ഉന്നയിക്കുകയാണ്.

സഭ മേലധികാരികളെ ഉള്‍പ്പെടെ വ്യക്തിപരമായി അധിക്ഷേപിക്കുന്ന പോസ്​റ്റുകളും സമൂഹ മാധ്യമങ്ങളില്‍ നിറയുന്നു. മാധ്യമങ്ങളിലോ സമൂഹ മാധ്യമങ്ങളിലോ സഭയുമായി ബന്ധപ്പെട്ട് അധിക്ഷേപകരമായ പ്രസ്​താവനകള്‍ നടത്തരുതെന്ന സഭയുടെ നിര്‍ദേശം മറികടന്നാണ് ഇപ്പോഴത്തെ പോര്.

Show Full Article
TAGS:mar alencherry Syro-Malabar Sabha kerala news malayalam news 
News Summary - Mar Alencherry Syro Malabar Sabha -Kerala News
Next Story