Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightരാഷ്​ട്രത്തി​െൻറ...

രാഷ്​ട്രത്തി​െൻറ നീതികൊണ്ട് ദൈവത്തി​െൻറ നീതിയെ അളക്കരുത്​ -കർദിനാള്‍ മാര്‍ ജോർജ്​ ആലഞ്ചേരി

text_fields
bookmark_border
രാഷ്​ട്രത്തി​െൻറ നീതികൊണ്ട് ദൈവത്തി​െൻറ നീതിയെ അളക്കരുത്​ -കർദിനാള്‍ മാര്‍ ജോർജ്​ ആലഞ്ചേരി
cancel

ചേര്‍ത്തല: രാഷ്​ട്രത്തി​​​െൻറ നീതികൊണ്ട്  ദൈവത്തി​​​െൻറ നീതിയെ അളക്കരുതെന്നും നീതിമാന്‍ എപ്പോഴും കുരിശിലാണെന്നും സീറോ മലബാര്‍ സഭ മേജർ ആര്‍ച് ബിഷപ് കർദിനാള്‍ മാര്‍ ജോർജ്​ ആലഞ്ചേരി. ചേര്‍ത്തല കോക്കമംഗലം സ​​െൻറ്​ തോമസ് പള്ളിയിൽ  വിശുദ്ധവാരാചരണത്തി​​​െൻറ ഭാഗമായി ദുഃഖവെള്ളിയാഴ്ചയിലെ പ്രത്യേക പ്രാര്‍ഥനകള്‍ക്ക്​ ശേഷം പ്രസംഗിക്കുകയായിരുന്നു കർദിനാള്‍.

സീറോ മലബാര്‍ സഭ നേരിടുന്ന വിവാദ ഭൂമിയിടപാടിനെക്കുറിച്ച്​ നേരിട്ട്​ പരാമർശിക്കാതെയായിരുന്നു ആലഞ്ചേരിയുടെ പ്രസംഗം. കോടതി വിധികളിലൂടെ സഭയെ നിയന്ത്രിക്കാമെന്ന് കരുതുന്ന ചിലര്‍ സഭയിലുണ്ട്. ഇത്തരക്കാരെ  ജനം ഹൃദയത്തിലേറ്റില്ല. ദൈവത്തിനുള്ളത്​ ദൈവത്തിനും സീസറിനുള്ളത്​ സീസറിനും നൽകണം എന്നാണ്​ ബൈബിൾ പറയുന്നത്​. രാഷ്​ട്രത്തി‍​​െൻറ നിയമം അനുസരിച്ച് ജീവിക്കുക. അത് പൗര​​​െൻറ കടമയാണ്. എന്നാല്‍, ദൈവത്തി‍​​െൻറ നിയമത്തിന് പ്രാമുഖ്യം കൊടുക്കണം. രാഷ്​ട്രത്തി‍​​െൻറ നീതികൊണ്ട് ദൈവത്തി‍​​െൻറ നീതിയെ അളക്കാമെന്ന് കരുതുന്നത് തെറ്റാണ്. എന്നാൽ, സഭയില്‍ പോലും പലപ്പോഴും അത് നടക്കുന്നു-കർദിനാൾ ചൂണ്ടിക്കാട്ടി.

നിങ്ങളിൽ വിവേകമതികൾ ആരുമില്ലേയെന്നും എന്തുകൊണ്ടാണ്​ നിങ്ങള്‍ വിജാതീയരുടെ കോടതികളെ സമീപിക്കുന്ന​െതന്നും​ പൗ​േലാസ്​ അ​േപ്പാസ്​തലൻ ചോദിച്ചു​. നിങ്ങൾ ദൈവത്തി‍​​െൻറ രാജ്യവും അവിടത്തെ നീതിയും അന്വേഷിക്കുക, ബാക്കിയുള്ളതെല്ലാം നിങ്ങള്‍ക്ക് കൂട്ടിച്ചേര്‍ക്കപ്പെടും എന്നാണ്​ കർത്താവ്​ പറഞ്ഞത്. ​ഇതൊക്കെയാണ്​ പലർക്കും മനസ്സിലാകാതെപോയ വചനങ്ങളെന്നും അദ്ദേഹം കൂട്ടിച്ചേർത്തു. വികാരി ഫാ. ഐസക് ഡാമിയന്‍ പൈനുങ്കല്‍, ഫാ. ജോസ് തടത്തില്‍  എന്നിവര്‍ സഹകാര്‍മികരായി.

കർദിനാളി​​െൻറ പ്രസംഗം തെറ്റായി വ്യാഖ്യാനിച്ചെന്ന് സഭ വക്താവ്
കൊച്ചി: സീറോ മലബാർ സഭ മേജർ ആർച്​ ബിഷപ് കർദിനാൾ ജോർജ്​ ആലഞ്ചേരി ചേർത്തല കോക്കമംഗലം പള്ളിയിൽ ദുഃഖവെള്ളി തിരുകർമങ്ങളോടനുബന്ധിച്ച്​ നടത്തിയ പ്രസംഗം വാർത്ത ചാനലുകൾ തെറ്റായി വ്യഖ്യാനിച്ചെന്ന്​ സഭ വക്​താവ്​ ഫാ. ജിമ്മി പൂച്ചക്കാട്ട്.

 രാജ്യത്തി​​​െൻറ നിയമത്തിനെതിരെ കർദിനാൾ സംസാരിച്ചെന്ന രീതിയി​െല വ്യാഖ്യാനം വസ്​തുതാവിരുദ്ധമാണ്​. പ്രസംഗത്തിൽ അത്തരമൊരു സൂചനയില്ല. പൂർണ നീതി ദൈവത്തി​​​െൻറ നിയമങ്ങളനുസരിച്ച്​ മാത്രമേ ലഭിക്കൂ എന്നാണ് പ്രസംഗത്തിലെ സൂചന. രാജ്യനീതിയുടെ നിയമങ്ങൾക്ക്​ തെറ്റുവരുന്നുണ്ടെന്നതും തെറ്റായ വിധിതീർപ്പുകൾ ചിലപ്പോഴെങ്കിലും കോടതികളിൽനിന്ന്​ ഉണ്ടാകുന്നു​െണ്ടന്നതും അറിവുള്ളതാണ്​. യേശുവി​​​െൻറ മരണവിധി റോമ ചക്രവർത്തി പീലാത്തോസി​​​​െൻറയും യഹൂദ രാജാവായ ഹെറോദോസി​​​െൻറയും വിധിതീർപ്പുകൾ ഒന്നിച്ചുചേർന്നാണ്​ സംഭവിച്ചത്.

ആ രാജ്യത്തി​​​െൻറ നീതി യേശുവിനെ ക്രൂശിച്ചു. എന്നാൽ, ദൈവത്തി​​​െൻറ നീതി യേശുവി​​​​െൻറ മരണത്തിലൂടെ മനുഷ്യവംശത്തെ രക്ഷിച്ചു. ഇത്​ ൈക്രസ്​തവ വിശ്വാസികൾക്ക്​ മനസ്സിലാകുന്ന ഭാഷയാണ്. വിശ്വാസവിഷയങ്ങളെ ആയുധമാക്കി മറ്റുള്ളവരുടെ വാക്കുകളെ തെറ്റായി വ്യാഖ്യാനിക്കുന്നത്​ മാധ്യമനീതിക്ക്​ ചേർന്നതല്ലെന്നും സഭ വക്​താവ് പറഞ്ഞു.
 



 

Show Full Article
TAGS:mar alencherry Syro-Malabar Sabha kerala news malayalam news 
News Summary - Mar Alencherry Syro Malabar Sabha -Kerala News
Next Story