'ഞ​ങ്ങ​ളെ അ​റി​യാ​മോ? മാ​വോ​വാ​ദി​ക​ളാണ്'; വീട്ടിൽ കയറിയ മാവോവാദികൾ തോക്ക് പരിചയപ്പെടുത്തി, ഫോ​ണും ലാ​പ്‌​ടോ​പ്പും ചാ​ർ​ജ് ചെയ്ത് മടങ്ങി

കേ​ള​കം: കേ​ള​കം പൊ​ലീ​സ് സ്റ്റേ​ഷ​ൻ പ​രി​ധി​യി​ലെ പ​ന്ന്യാം​മ​ല​യി​ലെ വീ​ട്ടി​ൽ മാ​വോ​വാ​ദി സം​ഘ​മെ​ത്തി. ശ​നി​യാ​ഴ്ച രാ​ത്രി 7.15 ഓ​ടെ നാ​ലം​ഗ മാ​വോ​വാ​ദി സം​ഘം പ​ന്ന്യാം​മ​ല​യി​ലെ തു​ണ്ടു​ത​റ കാ​ര്‍ത്തി​കേ​യ​െൻറ വീ​ട്ടി​ലാ​ണെ​ത്തി​യ​ത്. നാ​ല് മ​ണി​ക്കൂ​റി​ല​ധി​കം ചെ​ല​വ​ഴി​ച്ച സം​ഘം ഭ​ക്ഷ​ണ സാ​ധ​ന​ങ്ങ​ളു​മാ​യാ​ണ് മ​ട​ങ്ങി​യ​ത്.

മാ​വോ​വാ​ദി​ക​ളെ​ത്തി​യ സ​മ​യ​ത്ത് കാ​ർ​ത്തി​കേ​യ​ന്റെ ഭാ​ര്യ ഉ​ഷ മാ​ത്ര​മെ വീ​ട്ടി​ൽ ഉ​ണ്ടാ​യി​രു​ന്നു​ള്ളൂ. ര​ണ്ട് സ്ത്രീ​ക​ൾ വീ​ടി​നു​ള്ളി​ലേ​ക്ക് വ​ന്ന് ഞ​ങ്ങ​ളെ അ​റി​യാ​മോ എ​ന്ന് ചോ​ദി​ക്കു​ക​യും മാ​വോ​വാ​ദി​ക​ളാ​ണെ​ന്ന് സ്വ​യം പ​രി​ച​യ​പ്പെ​ടു​ത്തു​ക​യും ആ​യി​രു​ന്നു​വെ​ന്ന് ഉ​ഷ പ​റ​ഞ്ഞു. പി​ന്നീ​ട് ര​ണ്ടു പു​രു​ഷ​ന്മാ​രു​മെ​ത്തി. വീ​ടി​നു​ള​ളി​ൽ എ​ത്തി​യ സ​മ​യം മു​ത​ൽ മൂ​ന്നു ഫോ​ണും പ​വ​ർ​ബാ​ങ്കും ഒ​രു ലാ​പ്‌​ടോ​പ്പും ചാ​ർ​ജ്ജ് ചെ​യ്‌​തെ​ന്നും ഉ​ഷ പ​റ​ഞ്ഞു.

നാ​ലു മ​ണി​ക്കൂ​റി​ല​ധി​കം ഇ​വ​രു​ടെ വീ​ട്ടി​ൽ ചെ​വ​ല​ഴി​ച്ച സം​ഘം കെ.​റെ​യി​ൽ പ​ദ്ധ​തി അ​നാ​വ​ശ്യ​മാ​ണെ​ന്നു പ​റ​ഞ്ഞു. കൈ​വ​ശ​മു​ണ്ടാ​യി​രു​ന്ന തോ​ക്കു​ക​ൾ ഉ​ഷ​യെ കാ​ണി​ച്ച് പ​രി​ച​യ​പ്പെ​ടു​ത്തി​യ​താ​യും അ​വ​ർ പ​റ​ഞ്ഞു. തു​ട​ർ​ന്ന്​ ഭ​ക്ഷ്യ സാ​ധ​ന​ങ്ങ​ൾ വാ​ങ്ങി​യാ​ണ് മ​ട​ങ്ങി​യ​ത്. വീ​ടി​ന് പി​റ​കി​ലെ വ​ന​പ്ര​ദേ​ശം വ​ഴി​യാ​ണ് പോ​യ​തെ​ന്നും ഉ​ഷ പ​റ​ഞ്ഞു.

മാ​വോ​വാ​ദി സം​ഘ​ത്തെ തി​രി​ച്ച​റി​ഞ്ഞ​താ​യും ഇ​വ​ർ​ക്കെ​തി​രെ യു.​എ.​പി.​എ പ്ര​കാ​രം കേ​സെ​ടു​ത്ത​താ​യും പൊ​ലീ​സ് അ​റി​യി​ച്ചു. കൊ​ട്ടി​യൂ​ർ അ​മ്പാ​യ​ത്തോ​ട്ടി​ലും പാ​ൽ ചു​ര​ത്തി​ലും പ​ന്നി​യാം മ​ല​യി​ലും സാ​യു​ധ​രാ​യ മാ​വോ​വാ​ദി​ക​ൾ ത​മ്പ​ടി​ക്കു​ന്ന​താ​യി വി​വ​രം ല​ഭി​ച്ച​താ​യും പൊ​ലീ​സ് പ​റ​ഞ്ഞു.

സം​ഭ​വ​ത്തി​ൽ ഉ​ന്നത പൊ​ലീ​സ് സം​ഘം സ്ഥ​ല​ത്തെ​ത്തി അ​ന്വേ​ഷ​ണം ന​ട​ത്തി. കാ​ർ​ത്തി​കേ​യ​ൻ, ഭാ​ര്യ ഉ​ഷ എ​ന്നി​വ​രു​ടെ മൊ​ഴി പൊ​ലീ​സ് വീ​ട്ടി​ലെ​ത്തി രേ​ഖ​പ്പെ​ടു​ത്തി. മാ​വോ​വാ​ദി​ക​ളു​ടെ ചി​ത്രം കാ​ണി​ച്ച് ആ​രൊ​ക്കെ​യാ​ണ് വ​ന്ന​തെ​ന്ന് പ​രി​ശോ​ധി​ച്ചു. മാ​വോ​വാ​ദി നേ​താ​വ് മൊ​യ്തീ​ൻ, ക​വി​ത, ര​മേ​ഷ്, ജി​ഷ എ​ന്നി​വ​രാ​ണ് വീ​ട്ടി​ലെ​ത്തി​യ​തെ​ന്ന് പൊ​ലീ​സ് സ്ഥി​രീ​ക​രി​ച്ചി​ട്ടു​ണ്ട്. കൊ​ട്ടി​യൂ​രി​ൽ ഒ​രാ​ഴ്ച​യ്ക്കു​ള്ളി​ൽ മൂ​ന്നി​ട​ങ്ങ​ളി​ൽ മാ​വോ​വാ​ദി​ക​ൾ എ​ത്തി.