മാവോവാദി ജലീൽ വധം: പൊ​ലീ​സ് വാ​ദ​ത്തി​ന്​ ഫോ​റ​ൻ​സി​ക്​ റി​പ്പോ​ർ​ട്ടി​ൽ തി​രി​ച്ച​ടി

ക​ൽ​പ​റ്റ: വയനാട്​ ല​ക്കി​ടി​യി​ലെ റി​സോ​ർ​ട്ടി​ൽ കഴിഞ്ഞ വർഷം മാർച്ചിൽ മാ​വോ​വാ​ദി സി.​പി. ജ​ലീ​ലി​നെ ഏ​റ്റു​മു​ട്ട​ലി​ൽ കൊ​ല​പ്പെ​ടു​ത്തി​യെ​ന്ന പൊ​ലീ​സ് വാ​ദ​ത്തി​ന്​ ഫോ​റ​ൻ​സി​ക്​ റി​പ്പോ​ർ​ട്ടി​ൽ തി​രി​ച്ച​ടി. ജ​ലീ​ലി​െൻറ തോ​ക്കി​ൽ​നി​ന്ന് വെ​ടി​യു​തി​ർ​ത്തി​ട്ടി​ല്ലെ​ന്ന് വ്യ​ക്​​ത​മാ​ക്കു​ന്ന​ റി​പ്പോ​ർ​ട്ട് പു​റ​ത്തു​വ​ന്നു. ജ​ലീ​​ൽ ഉ​പ​യോ​ഗി​ച്ചെ​ന്ന്​ പ​റ​യു​ന്ന റൈ​ഫി​ളി​ൽ നി​ന്ന്​ വെ​ടി​പൊ​ട്ടി​യി​ട്ടി​ല്ലെ​ന്ന്​ വ്യ​ക്​​ത​മാ​ക്കു​ന്ന റി​പ്പോ​ർ​ട്ട്, പൊ​ലീ​സ് ഹാ​ജ​രാ​ക്കി​യ സ​ർ​വി​സ് തോ​ക്കു​ക​ളി​ൽ ഒ​മ്പ​ത്​ എ​ണ്ണ​ത്തി​ൽ​നി​ന്ന് വെ​ടി​യു​തി​ർ​ത്തി​ട്ടു​ണ്ടെ​ന്നും പ​റ​യു​ന്നു. ജ​ലീ​ലി​െൻറ വ​ല​തു കൈ​യി​ൽ വെ​ടി​മ​രു​ന്നി​െൻറ അ​വ​ശി​ഷ്​​ട​ം ക​ണ്ടെ​ത്തി​യി​ട്ടുമി​ല്ല.

റി​പ്പോ​ർ​ട്ടി​ൽ 26ാമ​താ​യാ​ണ്​ ജ​ലീ​ലി​െൻറ നാ​ട​ൻ തോ​ക്കി​നെ പ​രാ​മ​ർ​ശി​ക്കു​ന്ന​ത്. 38ാം പേ​ജി​ൽ 27ാമ​ത്തെ ക​ണ്ടെ​ത്ത​ലാ​യി തോ​ക്കി​െൻറ ബാ​ര​ലി​ൽ വെ​ടി​മ​രു​ന്നി​െൻറ സാ​ന്നി​ധ്യം ഇ​ല്ലെ​ന്ന്​ വ്യ​ക്ത​ത​മാ​ക്കി​യി​ട്ടു​ണ്ട്. സ്വ​യം​ര​ക്ഷ​ക്ക്​ പൊ​ലീ​സ്​ തി​രി​ച്ചു​വെ​ടി​വെ​ച്ചു എ​ന്ന വാ​ദം ഇ​തോ​ടെ പൊ​ളി​യു​ന്നു. പൊ​ലീ​സു​കാ​രു​ടെ 7.62 എം.​എം കാ​ലി​ബ​റു​ള്ള സ​ർ​വി​സ്​ റൈ​ഫി​ളു​ക​ൾ ഉ​പ​യോ​ഗി​ച്ച​താ​യി പ​റ​യു​ന്നു​ണ്ട്.

ജ​ലീ​ലി​െൻറ ഇ​ട​തു കൈ​യി​ൽ ലെ​ഡി​െൻറ അം​ശം ഉ​ള്ള​താ​യി റി​പ്പോ​ർ​ട്ടി​ൽ പ​റ​യു​ണ്ടെ​ങ്കി​ലും കോ​ഴി​ക്കോ​ട്​ മെ​ഡി​ക്ക​ൽ കോ​ള​ജി​ൽ ന​ട​ത്തി​യ പോ​സ്​​റ്റു​മോ​ർ​ട്ട​ത്തി​ൽ ഇ​ട​തു, വ​ല​തു കൈ​ക​ളി​ലെ പ​രി​ശോ​ധ​ന​യി​ൽ വെ​ടി​മ​രു​ന്നി​െൻറ അം​ശം ക​ണ്ടെ​ത്തി​യി​ട്ടി​ല്ലെ​ന്ന്​ ജ​ലീ​ലി​െൻറ ബ​ന്ധു​ക്ക​ൾ പ​റ​ഞ്ഞു. പൊ​ലീ​സ്​ റി​പ്പോ​ർ​ട്ട്​ പ്ര​കാ​രം വൈ​ത്തി​രി സ്​​റ്റേ​ഷ​ൻ ഓ​ഫി​സ​റും അ​ഞ്ച്​ ത​ണ്ട​ർ ബോ​ൾ​ട്ടു​കാ​രും ഉ​ൾ​പ്പെ​ടെ ആ​റു പേ​രാ​ണ്​ വെ​ടി​വെ​പ്പി​ൽ ഉ​ണ്ടാ​യി​രു​ന്ന​ത്. എ​ന്നാ​ൽ, പ​രി​ശോ​ധ​ന​ക്ക്​ 14 തോ​ക്കു​ക​ൾ പൊ​ലീ​സ്​ ഹാ​ജ​രാ​ക്കി​യി​ട്ടു​ണ്ട്.

2019 മാ​ർ​ച്ച് ഏ​​ഴി​നാ​ണ് ല​ക്കി​ടി​യി​ലെ ഉ​പ​വ​ൻ റി​സോ​ർ​ട്ടി​ൽ ജ​ലീ​ൽ കൊ​ല്ല​പ്പെ​ട്ട​ത്. തോ​ക്കു​മാ​യെ​ത്തി​യ ജ​ലീ​ൽ വെ​ടി​വെ​ച്ച​പ്പോ​ൾ തി​രി​കെ വെ​ടി​വെ​ച്ചു എ​ന്നാ​ണ്​ പൊ​ലീ​സ് വി​ശ​ദീ​ക​രി​ച്ച​ത്. ഫെ​ബ്രു​വ​രി​യി​ൽ ത​ന്നെ ഫോ​റ​ൻ​സി​ക് ലാ​ബ് വ​യ​നാ​ട്​ ജി​ല്ല കോ​ട​തി​യി​ൽ റി​പ്പോ​ർ​ട്ട് ന​ൽ​കി​യെ​ങ്കി​ലും കു​ടും​ബാം​ഗ​ങ്ങ​ൾ ന​ട​ത്തി​യ നി​യ​മ​പ​ര​മാ​യ ഇ​ട​പെ​ട​ൽ വ​ഴി​യാ​ണ്​ പു​റ​ത്തു​വ​ന്ന​ത്.

ക​ണ്ണൂ​ർ ക്രൈം​ബ്രാ​ഞ്ച്​ യൂ​നി​റ്റ്​ അ​ന്വേ​ഷ​ണം തു​ട​രു​ക​യാ​ണെ​ന്നാ​ണ്​ വ​യ​നാ​ട്​ പൊ​ലീ​സ്​​ മേ​ധാ​വി കോ​ട​തി​യെ അ​റി​യി​ച്ച​ത്. ജ​ലീ​ലി​െൻറ ബ​ന്ധു​ക്ക​ൾ ന​ൽ​കി​യ പ​രാ​തി കോ​ട​തി​യു​ടെ പ​രി​ഗ​ണ​ന​യി​ലാ​ണ്. വ്യാ​ജ ഏ​റ്റു​മു​ട്ട​ൽ കൊ​ല​ക്കെ​തി​രെ നി​യ​മ ന​ട​പ​ടി തു​ട​രു​മെ​ന്ന്​ ബ​ന്ധു​ക്ക​ൾ അ​റി​യി​ച്ചു.