മാ​വോ​വാ​ദി പ്ര​വ​ർ​ത്ത​ക​ൻ തമ്പിയെ പൊലീസ് കസ്റ്റഡിയിൽ വിട്ടു

കോ​ഴി​ക്കോ​ട്: ക​ഴി​ഞ്ഞ​ദി​വ​സം കൊ​യി​ലാ​ണ്ടി​യി​ൽ അ​റ​സ്റ്റി​ലാ​യ മാ​വോ​വാ​ദി പ്ര​വ​ർ​ത്ത​ക​ൻ ത​മ്പി എ​ന്ന തി​രു​ന​ൽ​വേ​ലി അ​നീ​ഷ് ബാ​ബു​വി​നെ (30) യു.​എ.​പി.​എ കോ​ട​തി​യു​ടെ ചു​മ​ത​ല​യു​ള്ള അ​ഡീ​ഷ​ന​ൽ ജി​ല്ല സെ​ഷ​ൻ​സ് ജ​ഡ്ജി പി. ​മോ​ഹ​ന കൃ​ഷ്ണ​ൻ പൊ​ലീ​സ് ക​സ്റ്റ​ഡി​യി​ൽ വി​ട്ടു.

ആ​റ് ദി​വ​സ​ത്തേ​ക്കാ​ണ് ക്രൈം​ബ്രാ​ഞ്ചി​ന്റെ ക​സ്റ്റ​ഡി​യി​ൽ വി​ട്ട​ത്. 14ന് ​വൈ​കീ​ട്ട് നാ​ലി​ന് തി​രി​കെ കോ​ട​തി​യി​ൽ ഹാ​ജ​രാ​ക്ക​ണം. പെ​ൻ​ഡ്രൈ​വ്, മെ​മ്മ​റി കാ​ർ​ഡ് എ​ന്നി​വ അ​നീ​ഷി​ൽ​നി​ന്ന് പി​ടി​ച്ചി​ട്ടു​ണ്ടെ​ന്ന് പ്രോ​സി​ക്യൂ​ഷ​ൻ കോ​ട​തി​യെ അ​റി​യി​ച്ചു. ഇ​വ പ​രി​ശോ​ധി​ച്ച ശേ​ഷ​മേ തു​ട​ർ അ​ന്വേ​ഷ​ണ​ത്തെ​പ്പ​റ്റി തീ​രു​മാ​നി​ക്കാ​നാ​വൂ.

മ​ല​പ്പു​റം ജി​ല്ല​യി​ലെ തീ​വ്ര​വാ​ദ കേ​സി​ൽ അ​നീ​ഷ് ഒ​ളി​വി​ലാ​ണെ​ന്നും പൊ​ലീ​സ് അ​റി​യി​ച്ചു. ഈ ​കേ​സി​ൽ പ്ര​തി​യെ പി​ടി​ക്കാ​നാ​വാ​ത്ത​തി​നാ​ൽ ത​ൽ​ക്കാ​ലം ഒ​ഴി​വാ​ക്കി കു​റ്റ​പ​ത്രം ന​ൽ​കു​ക​യാ​യി​രു​ന്നു​വെ​ന്നും പ്രോ​സി​ക്യൂ​ഷ​ൻ പ​റ​യു​ന്നു. പ്രോ​സി​ക്യൂ​ഷ​നു​വേ​ണ്ടി അ​ഡീ​ഷ​ന​ൽ ജി​ല്ല പ്രോ​സി​ക്യൂ​ട്ട​ർ എ​ൻ. ഷം​സു​ദ്ദീ​ൻ ഹാ​ജ​രാ​യി.

കൊ​യി​ലാ​ണ്ടി ഭാ​ഗ​ത്ത് പൊ​ലീ​സ് വാ​ഹ​നം ക​ണ്ട് ഓ​ടാ​ൻ ശ്ര​മി​ച്ചെ​ന്നും സം​ശ​യം തോ​ന്നി പി​ടി​കൂ​ടി​യ​പ്പോ​ൾ മാ​വോ​വാ​ദ​ത്തി​ന​നു​കൂ​ല​മാ​യി മു​ദ്രാ​വാ​ക്യം വി​ളി​ച്ചെ​ന്നും കൂ​ടു​ത​ൽ പ​രി​ശോ​ധ​ന​യി​ൽ നി​രോ​ധി​ത സം​ഘ​ട​നാം​ഗ​മെ​ന്ന് ബോ​ധ്യ​പ്പെ​ട്ടെ​ന്നു​മാ​ണ് കേ​സ്. കൊ​യി​ലാ​ണ്ടി​യി​ൽ പൊ​ലീ​സെ​ടു​ത്ത കേ​സി​ൽ ക്രൈം​ബ്രാ​ഞ്ച് ഡി​വൈ.​എ​സ്.​പി ആ​ർ. ഹ​രി​പ്ര​സാ​ദാ​ണ് ക​സ്റ്റ​ഡി അ​പേ​ക്ഷ ഹ​ര​ജി ന​ൽ​കി​യ​ത്.