വർഷങ്ങളായി നിരീക്ഷിച്ചതി​െൻറ ‘തെളിവ്​’ 10​ ദിവസം മുമ്പത്തെ പടം

കോഴിക്കോട്​: മാവോവാദിബന്ധം ആരോപിച്ച്​ അറസ്​റ്റ്​ ചെയ്​ത അലൻ ഷുഹൈബി​നെ വർഷങ്ങളായി നിരീക്ഷിക്കുന്നുവെന് നതിന്​ തെളിവായി ഫോ​ട്ടോയുമായി പൊലീസ്​ രംഗത്ത്​. അലനെ വർഷങ്ങളായി നിരീക്ഷിച്ചു കൊണ്ടിരിക്കുകയാണെന്ന്​ പറ ഞ്ഞ്​ തെളിവായി ​​െപാലീസ്​ പുറത്തുവിട്ട പടം 10​ ദിവസം മു​മ്പുള്ളതാണ്​. എറണാകുളം ഹൈകോടതി ജങ്​​ഷനു​ സമീപം ഒക്​ടേ ാബർ 26നാണ്​ ഈ പരിപാടി നടന്നത്​. കുർദിസ്​താൻ സോളിഡാരിറ്റി നെറ്റ്​വർക്ക്​ കേരള സംഘടിപ്പിച്ച പ്രതിഷേധത്തിലാണ്​ അലൻ പ​ങ്കെടുത്തത്​.

ഉത്തര സിറിയയിലെ റൊജാവോയിൽ തുർക്കിയുടെ അധിനിവേശങ്ങൾക്കെതിരെ കുർദ്​ വംശജരുടെയും മറ്റും ചെറുത്തുനിൽപിന്​ പിന്തുണയേകിയുമായിരുന്നു പ്രകടനം. ‘വിപ്ലവത്തിനൊപ്പം, റൊജാവോക്കൊപ്പം’ എന്ന തലക്കെട്ടിൽ നടന്ന നിയമവിധേയമായ സമ്മേളനത്തിലാണ്​ അലൻ പ​ങ്കെടുത്തത്​. റൊജാ​വോക്കുനേരെയുള്ള തുര്‍ക്കിയുടെയും മതതീവ്രവാദികളുടെയും ആക്രമണങ്ങളെ ചെറുക്കുക, റൊജാ​വോക്ക് ഐക്യദാർഢ്യം പ്രഖ്യാപിക്കുക തുടങ്ങിയ ആവശ്യങ്ങളായിരുന്നു എറണാകുളത്തെ സമ്മേളനത്തിലുണ്ടായിരുന്നത്​. ​ഭീകരസംഘടനയായ ​െഎ.എസിനെയടക്കം ശക്തമായി എതിർക്കുന്നവരാണ്​ റൊജാവോയിലെ വിപ്ലവകാരികൾ. ഐ.എസ്​ തലവൻ അബൂബക്കർ അൽ ബഗ്​ദാദി ​െകാല്ലപ്പെട്ടപ്പോൾ ഈ സംഘടന ആഹ്ലാദസൂചകമായി ഫേസ്​ബുക്ക്​ പോസ്​റ്റിട്ടിരുന്നു. ഈ സംഘടനക്ക്​ ഒരുതരത്തിലും മാവോവാദിബന്ധമില്ലെന്ന്​ പ്രവർത്തകർ പറയുന്നു.

റൊജാവോ ഐക്യദാർഢ്യ സമ്മേളനം ലോകം മുഴുവൻ കഴിഞ്ഞ മാസം സംഘടിപ്പിച്ചതാണ്​. ലണ്ടനിൽ നടന്ന പ്രകടനത്തിൽ നൂറുകണക്കിന്​ പേരാണ്​ പ​ങ്കെടുത്തിരുന്നത്​. ബ്രിട്ടൻപോലെ ഭീകരവാദത്തെ അതിശക്തമായി നേരിടുന്ന രാജ്യങ്ങളിൽ നടന്ന പ്രതിഷേധം കേരളത്തിൽ അര​േങ്ങറിയതിനെ മാവോവാദവുമായി കൂട്ടിക്കെട്ടുകയാണെന്നാണ്​ ആ​േരാപണം. ഫ്രാൻസ്​, ബെൽജിയം തുടങ്ങിയ രാജ്യങ്ങളിലും പ്രകടനങ്ങളുണ്ടായിരുന്നു. ഒക്​​േടാബർ 23ന്​ തുർക്കി എംബസിക്കു​ മുന്നിലും പ്രതിഷേധസംഗമമുണ്ടായിരുന്നു.

എറണാകുളത്ത്​ അലൻ അടക്കമുള്ളവർ പ്രതിഷേധസംഗമത്തിൽ പ​​ങ്കെടുക്കുന്നത്​ സോളിഡാരിറ്റി നെറ്റ്​വർക്ക്​ കേരളയുടെ ഫേസ്​ബുക്ക്​ പേജിലുണ്ട്​. ഈ സംഗമത്തിലെ ചിത്രമാണ്​ വർഷങ്ങളായി നിരീക്ഷിച്ചതി​​​​െൻറ ‘തെളിവെ’ന്ന രീതിയിൽ പൊലീസ്​ ‘പുറത്തുവിടുന്നത്​’. അല​​​​െൻറ പടവും മറ്റു​ വ്യക്തിഗത വിവരങ്ങളുമുള്ള പടവും ​െപാലീസ്​ ചില മാധ്യമങ്ങൾ വഴി പ്രചരിപ്പിക്കുന്നുണ്ട്​.