യു.കെയിൽ ഉന്നത വിദ്യാഭ്യാസത്തിനെത്തി വൃദ്ധസദനങ്ങളിൽ ജോലി ചെയ്യുന്നവർ ഏറെ -കേംബ്രിജ്​ മേയർ

തി​രു​വ​ന​ന്ത​പു​രം: ഉ​ന്ന​ത വി​ദ്യാ​ഭ്യാ​സ​മെ​ന്ന മോ​ഹ​വു​മാ​യി കേ​ര​ള​ത്തി​ൽ​നി​ന്ന്‌ യു.​കെ​യി​ലെ​ത്തു​ന്ന​വ​രി​ൽ നി​ര​വ​ധി പേ​ർ വൃ​ദ്ധ​സ​ദ​ന​ങ്ങ​ളി​ലെ ​ജോ​ലി​ക​ളി​ൽ കു​ടു​ങ്ങു​ന്നെ​ന്ന്​ കേം​ബ്രി​ജ്‌ മേ​യ​റാ​യ മ​ല​യാ​ളി ബൈ​ജു വ​ർ​ക്കി തി​ട്ടാ​ല. പ്ര​സ്‌​ക്ല​ബി​ൽ മീ​റ്റ്‌ ദ ​പ്ര​സി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ഏ​ജ​ന്റു​മാ​രു​ടെ​യും മ​റ്റും ത​ട്ടി​പ്പി​നി​ര​യാ​യി വേ​ണ്ട​ത്ര പ​രി​ശോ​ധ​ന​ക​ളി​ല്ലാ​തെ​യാ​ണ്‌ പ​ല​രും യു.​കെ​യി​ൽ ഇ​ത്ത​രം ജോ​ലി​ക​ളി​ൽ പ്ര​വേ​ശി​ക്കു​ന്ന​ത്‌. ഉ​ന്ന​ത വി​ദ്യാ​ഭ്യാ​സം നേ​ടി​യ​വ​ർ പോ​ലും കെ​യ​ർ ഹോ​മു​ക​ളി​ലെ ജോ​ലി​യി​ൽ കു​ടു​ങ്ങി ജീ​വി​ത​ത്തി​ൽ ഉ​യ​ർ​ച്ച​യി​ല്ലാ​താ​യി പോ​കു​ന്നു​ണ്ട്.

യൂ​റോ​പ്യ​ൻ രാ​ജ്യ​ങ്ങ​ളി​ൽ കു​ടി​യേ​റ്റ​ക്കാ​ർ​ക്കെ​തി​രെ വം​ശീ​യ​മാ​യും മ​റ്റു​മു​ള്ള പ്ര​കോ​പ​ന​ങ്ങ​ളും അ​ക്ര​മ​ങ്ങ​ളും നി​ല​വി​ലു​ണ്ടെ​ങ്കി​ലും അ​തി​നെ​തി​രെ ശ​ക്ത​മാ​യ ന​ട​പ​ടി​ക​ളാ​ണ് ഭ​ര​ണ​കൂ​ടം സ്വീ​ക​രി​ക്കു​ന്ന​തെ​ന്നും ബൈ​ജു തി​ട്ടാ​ല പ​റ​ഞ്ഞു. കോ​ട്ട​യം ആ​ർ​പ്പൂ​ക്ക​ര തി​ട്ടാ​ല പാ​പ്പ​ച്ച​ൻ- ആ​ലി​സ്‌ ദ​മ്പ​തി​ക​ളു​ടെ മ​ക​നാ​യ ബൈ​ജു ക​ഴി​ഞ്ഞ മേ​യി​ലാ​ണ്‌ കേം​ബ്രി​ജ്‌ സി​റ്റി കൗ​ൺ​സി​ൽ മേ​യ​റാ​യി ചു​മ​ത​ല​യേ​റ്റ​ത്‌.

ഒ​രു വ​ർ​ഷ​ത്തേ​ക്കാ​ണ് കാ​ലാ​വ​ധി. ലേ​ബ​ർ പാ​ർ​ട്ടി അം​ഗ​മാ​യ ഇ​ദ്ദേ​ഹം നേ​ര​ത്തേ ഡെ​പ്യൂ​ട്ടി മേ​യ​റാ​യി​രു​ന്നു. കേം​ബ്രി​ജി​ൽ ന​ഴ്സി​ങ്​ ഹോം ​മാ​നേ​ജ​റാ​യ ആ​ൻ​സി​യാ​ണ് ഭാ​ര്യ. മ​ക്ക​ൾ: വി​ദ്യാ​ർ​ഥി​ക​ളാ​യ അ​ന്ന, അ​ല​ൻ, അ​ൽ​ഫോ​ൻ​സ്.