മഞ്ചേരിക്കാർ ചോദിക്കുന്നു; ഇത് മെഡിക്കൽ കോളജാണോ?

2013 സെ​പ്റ്റം​ബ​ർ ഒ​ന്നി​നാ​ണ് മ​ഞ്ചേ​രി മെ​ഡി​ക്ക​ൽ കോ​ള​ജ് പ്ര​വ​ർ​ത്ത​നം ആ​രം​ഭി​ച്ച​ത്. 10 വ​ർ​ഷം പി​ന്നി​ടു​മ്പോ​ഴും സൗ​ക​ര്യ​ങ്ങ​ളു​ടെ കാ​ര്യ​ത്തി​ൽ ഏ​റെ പി​ന്നി​ലാ​ണ്. മ​റ്റു മെ​ഡി​ക്ക​ൽ കോ​ള​ജു​ക​ൾ ഏ​ക്ക​റു​ക​ണ​ക്കി​ന് ഭൂ​മി​യി​ൽ പ്ര​വ​ർ​ത്തി​ക്കു​മ്പോ​ൾ മ​ഞ്ചേ​രി​ക്കു​ള്ള​ത് ആ​കെ 23 ഏ​ക്ക​ർ മാ​ത്രം. ഈ ​വ​ർ​ഷം അ​വ​സാ​ന​ത്തോ​ടെ നാ​ഷ​ന​ൽ മെ​ഡി​ക്ക​ൽ ക​മീ​ഷ​ൻ (എ​ൻ.​എം.​സി) പ​രി​ശോ​ധ​ന​ക്കെ​ത്തും. അ​തി​ന് മു​മ്പ് സ്ഥ​ലം ഏ​റ്റെ​ടു​ക്കു​ന്ന ന​ട​പ​ടി പൂ​ർ​ത്തി​യാ​ക്കേ​ണ്ടി​വ​രും. മെ​ഡി​ക്ക​ൽ കോ​ള​ജി​നോ​ട് ചേ​ർ​ന്ന് 2.810 ഹെ​ക്ട​ർ ഭൂ​മി ഏ​റ്റെ​ടു​ക്കു​ന്ന ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​ൻ ക​ഴി​ഞ്ഞ ദി​വ​സം സ​ർ​ക്കാ​ർ അം​ഗീ​കാ​രം ന​ൽ​കി ഉ​ത്ത​ര​വാ​യി​രു​ന്നു.

110 എം.​ബി.​ബി.​എ​സ് സീ​റ്റും മൂ​ന്നു​വ​കു​പ്പി​ലാ​യി ആ​റ് പി.​ജി സീ​റ്റു​മാ​ണ് മ​ഞ്ചേ​രി​യി​ലു​ള്ള​ത്. മെ​ഡി​ക്ക​ൽ കോ​ള​ജി​നോ​ട​നു​ബ​ന്ധി​ച്ച് ക​ഴി​ഞ്ഞ വ​ർ​ഷം മു​ത​ൽ ന​ഴ്സി​ങ് കോ​ള​ജും പ്ര​വ​ർ​ത്തി​ച്ചു​വ​രു​ന്നു. സ്ഥ​ല​സൗ​ക​ര്യം ഇ​ല്ലാ​ത്ത​തി​നാ​ൽ മെ​ഡി​ക്ക​ൽ കോ​ള​ജി​ലെ താ​ൽ​ക്കാ​ലി​ക കെ​ട്ടി​ട​ങ്ങ​ളും മ​റ്റും​ത​ന്നെ​യാ​ണ് ന​ഴ്സി​ങ് കോ​ള​ജി​നും ഉ​പ​യോ​ഗി​ക്കു​ന്ന​ത്. ഫ​ല​ത്തി​ൽ മെ​ഡി​ക്ക​ൽ കോ​ള​ജും ന​ഴ്സി​ങ് കോ​ള​ജു​മെ​ല്ലാം ഒ​രേ കെ​ട്ടി​ട​ത്തി​ൽ​ത​ന്നെ. ന​ഴ്സി​ങ് കോ​ള​ജ് ചെ​ര​ണി​യി​ലേ​ക്ക് മാ​റ്റി​സ്ഥാ​പി​ക്കാ​ൻ സ​ർ​ക്കാ​ർ​ത​ല​ത്തി​ൽ തീ​രു​മാ​ന​മാ​യി​ട്ടു​ണ്ട്.

ജ​ന​റ​ൽ ആ​ശു​പ​ത്രി പേ​ര് മാ​റ്റി മെ​ഡി​ക്ക​ൽ കോ​ള​ജ് ആ​ക്കി​യെ​ങ്കി​ലും ഹെ​ൽ​ത്ത് സ​ർ​വി​സി​ലെ ഡോ​ക്ട​ർ​മാ​രെ​യാ​ണ് ഇ​പ്പോ​ഴും ആ​ശ്ര​യി​ക്കു​ന്ന​ത്. ജ​ന​റ​ൽ ആ​ശു​പ​ത്രി​യ​ല്ലെ​ന്ന് സ​ർ​ക്കാ​ർ ആ​വ​ർ​ത്തി​ക്കു​മ്പോ​ഴും 56 ഡോ​ക്ട​ർ​മാ​ർ ഡി.​എ​ച്ച്.​എ​സി​ന് കീ​ഴി​ലാ​ണ് ജോ​ലി ചെ​യ്യു​ന്ന​ത്. മെ​ഡി​ക്ക​ൽ വി​ദ്യാ​ഭ്യാ​സ വ​കു​പ്പി​ന് കീ​ഴി​ൽ 92 ഡോ​ക്ട​ർ​മാ​രും ഡെ​പ്യൂ​ട്ടേ​ഷ​നി​ൽ ആ​റു​പേ​രും മെ​ഡി​ക്ക​ൽ കോ​ള​ജി​ൽ ഡോ​ക്ട​ർ​മാ​രാ​യു​ണ്ട്. 119 ഒ​ഴി​വു​ക​ളാ​ണ് ഉ​ള്ള​ത്. എ​ൻ.​എം.​സി പ​രി​ശോ​ധ​ന​ക്കു​മു​മ്പ് ഓ​രോ വ​കു​പ്പി​ലും ഒ​ഴി​വു​ള്ള ത​സ്തി​ക​ക​ൾ ക​ണ്ടെ​ത്തി നി​ക​ത്താ​ൻ ആ​ശു​പ​ത്രി അ​ധി​കൃ​ത​ർ ശ്ര​മം തു​ട​ങ്ങി​യി​ട്ടു​ണ്ട്.

സ​ർ​വ​ത്ര താ​ൽ​ക്കാ​ലി​ക​മാ​യി പാ​ല​ക്കാ​ട്

പ​ട്ടി​ക​ജാ​തി വി​ക​സ​ന വ​കു​പ്പി​ന്​ കീ​ഴി​ലു​ള്ള സ​ർ​ക്കാ​ർ മെ​ഡി​ക്ക​ൽ കോ​ള​ജെ​ന്ന ഖ്യാ​തി​യി​ൽ തു​ട​ങ്ങി​യ പാ​ല​ക്കാ​ട് മെ​ഡി​ക്ക​ല്‍ കോ​ള​ജ് ഒ​രു പ​തി​റ്റാ​ണ്ടി​നി​പ്പു​റ​വും ത്രി​ശ​ങ്കു​വി​ൽ. കൃ​ത്യ​മാ​യ നി​യ​മ​ന സം​വി​ധാ​ന​മി​ല്ലാ​ത്ത​താ​ണ് ഇ​വി​ടു​ത്തെ പ്ര​തി​സ​ന്ധി. പ​ല​പ്പോ​ഴാ​യി ന​ട​ത്തി​യ ക​രാ​ർ നി​യ​മ​ന​ങ്ങ​ളും താ​ൽ​ക്കാ​ലി​ക നി​യ​മ​ന​ങ്ങ​ളു​മാ​ണ് കോ​ള​ജി​നെ അ​ർ​ധ​ജീ​വ​നോ​ടെ​യെ​ങ്കി​ലും നി​ല​നി​ർ​ത്തു​ന്ന​ത്.

യു.​ഡി.​എ​ഫി​ലെ​യും എ​ൽ.​ഡി.​എ​ഫി​ലെ​യും ഇ​ഷ്ട​ക്കാ​രെ തി​രു​കി​ക്ക​യ​റ്റു​ക​യാ​ണെ​ന്ന ആ​ക്ഷേ​പം ഉ​യ​ർ​ന്ന​തി​ന് പി​ന്നാ​ലെ ഇ​വി​ടെ വി​ജി​ല​ൻ​സ് അ​ന്വേ​ഷ​ണം വ​രെ ന​ട​ന്നി​രു​ന്നു. അ​തേ​സ​മ​യം, നി​ല​വി​ലു​ള്ള ജീ​വ​ന​ക്കാ​രെ ഒ​ഴി​വാ​ക്കി​യാ​ൽ കോ​ള​ജി​ന്റെ മെ​ഡി​ക്ക​ൽ കൗ​ൺ​സി​ൽ അം​ഗീ​കാ​രം ന​ഷ്ട​മാ​കും. താ​ൽ​ക്കാ​ലി​ക ജീ​വ​ന​ക്കാ​രെ നി​യ​മി​ക്കു​ന്നു​ണ്ടെ​ങ്കി​ലും തൊ​ഴി​ൽ സു​ര​ക്ഷ​യി​ല്ലാ​യ്മ​യും മോ​ശം ​തൊ​ഴി​ൽ​സാ​ഹ​ച​ര്യ​വും കാ​ര​ണം കൊ​ഴി​ഞ്ഞു​പോ​ക്ക് തു​ട​രു​ക​യാ​ണ്.

നി​യ​മ​ന​ങ്ങ​ൾ പി.​എ​സ്‌.​സി വ​ഴി​യാ​ക്ക​ണ​മെ​ന്ന് 2020ൽ ​കോ​ള​ജ് ഭ​ര​ണ​സ​മി​തി ശി​പാ​ർ​ശ ചെ​യ്തെ​ങ്കി​ലും ന​ട​പ​ടി​ക​ൾ വൈ​കു​ക​യാ​ണ്. സ​ർ​ക്കാ​റി​ന്റെ കീ​ഴി​ലു​ള്ള സൊ​സൈ​റ്റി​യാ​യി പ്ര​വ​ർ​ത്തി​ക്കു​ന്ന​തി​നാ​ൽ നി​യ​മ​നം പി.​എ​സ്‍‌.​സി എ​ങ്ങ​നെ ഏ​റ്റെ​ടു​ക്കു​മെ​ന്ന സാ​ങ്കേ​തി​ക പ്ര​ശ്ന​വും ഉ​ണ്ട്.

മെ​ഡി​ക്ക​ൽ കോ​ള​ജി​ൽ കെ​ട്ടി​ട​ങ്ങ​ള്‍ ത​ല​യു​യ​ര്‍ത്തി നി​ല്‍ക്കു​ന്നു​ണ്ടെ​ങ്കി​ലും മ​രു​ന്ന് വാ​ങ്ങി മ​ട​ങ്ങു​ക​യ​ല്ലാ​തെ രോ​ഗി​ക​ള്‍ക്ക് കി​ട​ത്തി​ച്ചി​കി​ത്സ​യു​ടെ പ്ര​യോ​ജ​നം ഇ​തു​വ​രെ ല​ഭി​ച്ചി​ട്ടി​ല്ല. അ​ത്യാ​ധു​നി​ക ഉ​പ​ക​ര​ണ​ങ്ങ​ള്‍ പ​ല​തും മൂ​ടി​യി​ട്ട സ്ഥി​തി​യാ​ണ്.

കോ​ഴി​ക്കോ​ടി​ന് ഡോ​ക്ട​ർ​മാ​രെ വേ​ണം; പ​ക്ഷേ കൊ​ടു​ക്കു​ന്നി​ല്ല

ആ​വ​ശ്യ​ത്തി​ലേ​റെ രോ​ഗി​ക​ളും മ​റ്റെ​ല്ലാ സൗ​ക​ര്യ​ങ്ങ​ളും ഉ​ണ്ടാ​യി​ട്ടും കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ന് എം.​ഡി എ​മ​ർ​ജ​ൻ​സി മെ​ഡി​സി​ൻ വി​ഭാ​ഗ​ത്തി​ൽ ര​ണ്ടു സീ​റ്റു​ക​ൾ ന​ഷ്ട​പ്പെ​ടു​ത്തി​യ​ത് ഡോ​ക്ട​ർ​മാ​രെ നി​യ​മി​ക്കു​ന്ന​തി​ൽ സ​ർ​ക്കാ​ർ കാ​ണി​ക്കു​ന്ന അ​നാ​സ്ഥ. ഒ​രു പ്ര​ഫ​സ​ർ, ഒ​രു അ​സോ​സി​യേ​റ്റ് പ്ര​ഫ​സ​ർ, ര​ണ്ട് അ​സി​സ്റ്റ​ന്റ് പ്ര​ഫ​സ​ർ, ഒ​മ്പ​ത് സീ​നി​യ​ർ റെ​സി​ഡ​ൻ​ഷ്യ​ൽ സ​ർ​ജ​ൻ എ​ന്നി​വ​രാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് എ​മ​ർ​ജ​ൻ​സി മെ​ഡി​സി​നി​ൽ വേ​ണ്ട​ത്. എ​ന്നാ​ൽ, അ​സോ​സി​യേ​റ്റ് പ്ര​ഫ​സ​ർ ഇ​ല്ല. ര​ണ്ട് അ​സി​സ്റ്റു​മാ​ർ വേ​ണ്ടി​ട​ത്ത് ഒ​രാ​ൾ മാ​ത്രം. ഒ​മ്പ​ത് സീ​നി​യ​ർ റെ​സി​ഡ​ൻ​ഷ്യ​ൽ സ​ർ​ജ​ൻ​മാ​ർ വേ​ണ്ടി​ട​ത്ത് നി​ല​വി​ൽ ഒ​രു ത​സ്തി​ക പോ​ലും സൃ​ഷ്ടി​ക്ക​പ്പെ​ട്ടി​ട്ടി​ല്ല.

ഒ​രു അ​സോ​സി​യേ​റ്റ് പ്ര​ഫ​സ​റു​ടെ​യും അ​സി. പ്ര​ഫ​സ​റു​ടെ​യും ഒ​ഴി​വ് ഉ​ള്ള​തി​നാ​ലാ​ണ് സീ​റ്റ് ന​ഷ്ട​മാ​യ​ത്. എ​ന്നാ​ൽ, നി​ല​വി​ലെ പ്ര​തി​സ​ന്ധി ഉ​ട​ൻ പ​രി​ഹ​രി​ക്ക​പ്പെ​ടു​മെ​ന്നും സീ​റ്റ് ന​ഷ്ട​മാ​വി​ല്ലെ​ന്നാ​ണ് പ്ര​തീ​ക്ഷ​യെ​ന്നും പ്രി​ൻ​സി​പ്പ​ൽ ഡോ. ​എ​ൻ അ​ശോ​ക​ൻ പ​റ​ഞ്ഞു. ദേ​ശീ​യ മെ​ഡി​ക്ക​ൽ കൗ​ൺ​സി​ലി​ന് സ​ത്യ​വാ​ങ്മൂ​ലം ന​ൽ​കി അ​ത് പു​നഃ​സ്ഥാ​പി​ക്കാ​ൻ ക​ഴി​യു​മെ​ന്നും ഇ​ത്ത​രം സം​ഭ​വ​ങ്ങ​ൾ പ​ല​പ്പോ​ഴും ഉ​ണ്ടാ​വാ​റു​ണ്ടെ​ന്നും അ​ദ്ദേ​ഹം പ​റ​ഞ്ഞു

കാ​സ​ർ​കോ​ട്ട് മെ​ഡി​ക്ക​ൽ കോ​ള​ജു​ണ്ട്; പ​ക്ഷേ അം​ഗീ​കാ​ര​മി​ല്ല

കാ​സ​ർ​കോ​ട് ജി​ല്ല​യി​ൽ ഒ​രു മെ​ഡി​ക്ക​ൽ കോ​ള​ജു​ണ്ട്. പ​ക്ഷേ, പ​തി​റ്റാ​ണ്ട് ക​ഴി​ഞ്ഞി​ട്ടും നാ​ഷ​ന​ൽ മെ​ഡി​ക്ക​ൽ കൗ​ൺ​സി​ലി​ന്റെ (എ​ൻ.​എം.​സി) അം​ഗീ​കാ​രം നേ​ടാ​നാ​യി​ല്ല. അ​തു​കൊ​ണ്ടു ത​ന്നെ എം.​ബി.​ബി.​എ​സ് പ്ര​വേ​ശ​ന​മി​ല്ല. പ്രി​ൻ​സി​പ്പ​ലി​ല്ല, സൂ​പ്ര​ണ്ടു​മി​ല്ല. പേ​രി​ന് ഒ​രു ഒ.​പി മാ​ത്രം പ്ര​വ​ർ​ത്തി​ക്കു​ന്നു. ഒ​ന്നോ ര​ണ്ടോ പ​ഞ്ചാ​യ​ത്തു​ക​ളി​ൽ​പെ​ട്ട പാ​വ​​പ്പെ​ട്ട രോ​ഗി​ക​ൾ മാ​ത്രം വ​രും.

കാ​സ​ർ​കോ​ട്ട് ഒ​രാ​ൾ അ​പ​ക​ട​ത്തി​ൽ​പെ​ട്ടാ​ൽ എ​ത്തി​പ്പെ​ടാ​ൻ ഏ​റ്റ​വും പ്ര​യാ​സ​മു​ള്ള ദൂ​ര​ത്ത് -ക​ർ​ണാ​ട​ക​യോ​ട് ചേ​ർ​ന്ന ഉ​ക്കി​ന​ടു​ക്ക​യി​ൽ സ്ഥാ​പി​ച്ച​തി​നാ​ൽ സ്വ​കാ​ര്യ മെ​ഡി​ക്ക​ൽ ലോ​ബി​ക​ൾ​ക്ക് കൂ​ടു​ത​ലാ​യൊ​ന്നും ചെ​യ്യേ​ണ്ട​താ​യു​മി​ല്ല. മെ​ഡി​ക്ക​ൽ കോ​ള​ജ് ഇ​ല്ലാ​ത്ത ജി​ല്ല​യെ​ന്ന പേ​രു​ദോ​ഷം തീ​ർ​ക്കാ​ൻ 2012ൽ​ ​അ​നു​വ​ദി​ച്ച​താ​ണ് ‘കാ​സ​ർ​കോ​ട് മെ​ഡി​ക്ക​ൽ കോ​ള​ജ്’. ഇ​തോ​ടൊ​പ്പം അ​നു​വ​ദി​ച്ച പ​ത്ത​നം​തി​ട്ട, പാ​ല​ക്കാ​ട്, മ​ഞ്ചേ​രി മെ​ഡി​ക്ക​ൽ കോ​ള​ജു​ക​ളി​ൽ​നി​ന്ന് ഡോ​ക്ട​ർ​മാ​ർ പു​റ​ത്തി​റ​ങ്ങി.

മെ​ഡി​ക്ക​ൽ കോ​ള​ജ് പൂ​ർ​ണ​സ്ഥി​തി​യി​ൽ ആ​രം​ഭി​ക്ക​ണ​മെ​ങ്കി​ൽ 200ഓ​ളം ഡോ​ക്ട​ർ​മാ​രെ നി​യ​മി​ക്ക​ണം. എ​ങ്കി​ൽ മാ​ത്ര​മേ എ​ൻ.​എം.​സി അം​ഗീ​കാ​ര​ത്തി​ന് സ​മ​ർ​പ്പി​ക്കാ​നാ​കൂ. ഇ​തു​വ​രെ 89 ത​സ്തി​ക സൃ​ഷ്ടി​ച്ചി​ട്ടു​ണ്ട്. 15 ഡോ​ക്ട​ർ മാ​ത്ര​മാ​ണു​ള്ള​ത്. ഇ​വ​ർ ഒ.​പി​യി​ലാ​ണ് ജോ​ലി​ചെ​യ്യു​ന്ന​ത്. 120 ത​സ്തി​ക​ക​ൾ ഇ​നി​യും സൃ​ഷ്ടി​ക്കാ​നു​ണ്ട്. അ​നു​ബ​ന്ധ ജീ​വ​ന​ക്കാ​ർ 500ഓ​ളം വേ​ണ്ടി​വ​രും.

കോ​ഴി​ക്കോ​ട് മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ലി​നാ​ണ് ഇ​വി​ടു​ത്തെ​യും ചു​മ​ത​ല. വി​ദ്യാ​ർ​ഥി​ക​ൾ ഇ​ല്ലാ​ത്ത​തി​നാ​ൽ പ്രി​ൻ​സി​പ്പ​ലി​ന് കാ​ര്യ​മാ​യ ജോ​ലി​യി​ല്ല. ഒ.​പി വി​ഭാ​ഗ​ത്തി​ലെ ഡോ​ക്ട​ർ​ക്ക് സു​പ്ര​ണ്ടി​​ന്റെ ചു​മ​ത​ല കൂ​ടി ന​ൽ​കി​യി​ട്ടു​ണ്ട്.

ക​ണ്ണൂ​രി​ന് ന​ഷ്ട​മാ​യ​ത് ഏ​ഴ് പി.​ജി സീ​റ്റു​ക​ൾ

പ​രി​യാ​ര​ത്തെ ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജി​ൽ ഏ​ഴ് പി.​ജി സീ​റ്റു​ക​ളു​ടെ അം​ഗീ​കാ​ര​മാ​ണ് നാ​ഷ​ന​ൽ മെ​ഡി​ക്ക​ൽ കൗ​ൺ​സി​ൽ റ​ദ്ദാ​ക്കി​യ​ത്. എം.​ഡി എ​മ​ർ​ജ​ൻ​സി മെ​ഡി​സി​ൻ, എം.​എ​സ് ഓ​ർ​ത്തോ, എം.​എ​സ് ഇ.​എ​ൻ.​ടി എ​ന്നീ വി​ഭാ​ഗ​ങ്ങ​ളി​ലെ ഏ​ഴു സീ​റ്റു​ക​ളാ​ണ് ന​ഷ്ട​മാ​യ​ത്. ആ​വ​ശ്യ​മാ​യ ഫാ​ക്ക​ൽ​റ്റി​ക​ളു​ടെ അ​ഭാ​വം ചൂ​ണ്ടി​ക്കാ​ട്ടി​യാ​ണ് എ​മ​ർ​ജ​ൻ​സി മെ​ഡി​സി​നി​ലെ​യും അ​സ്ഥി​രോ​ഗ വി​ഭാ​ഗ​ത്തി​ലെ​യും പി.​ജി സീ​റ്റു​ക​ളു​ടെ അം​ഗീ​കാ​രം റ​ദ്ദാ​ക്കി​യ​ത്.

അ​ഡ്മി​റ്റ് ചെ​യ്ത രോ​ഗി​ക​ളു​ടെ എ​ണ്ണ​ക്കു​റ​വ് ചൂ​ണ്ടി​ക്കാ​ട്ടി​യാ​ണ് ഇ.​എ​ൻ.​ടി വി​ഭാ​ഗ​ത്തി​ലെ സീ​റ്റു​ക​ളു​ടെ അം​ഗീ​കാ​രം ത​ട​ഞ്ഞ​ത്. അ​തേ​സ​മ​യം, മെ​ഡി​ക്ക​ൽ കോ​ള​ജി​ലെ വാ​ർ​ഡു​ക​ളു​ടെ ന​വീ​ക​ര​ണം ന​ട​ന്നു​വ​രു​ക​യാ​ണ്. അ​റ്റ​കു​റ്റ​പ്പ​ണി കാ​ര​ണം 150ഓ​ളം ബെ​ഡു​ക​ൾ പ്ര​വ​ർ​ത്ത​ന​ര​ഹി​ത​മാ​ണ്. പ്ര​വൃ​ത്തി പൂ​ർ​ത്തി​യാ​വു​ന്ന മു​റ​ക്ക് ബെ​ഡു​ക​ൾ പ്ര​വ​ർ​ത്തി​പ്പി​ക്കാ​നാ​വും. ഇ​ത് കൗ​ൺ​സി​ൽ പ്ര​തി​നി​ധി​ക​ളെ ധ​രി​പ്പി​ച്ചി​രു​ന്ന​താ​യാ​ണ് സൂ​ച​ന. ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജി​ൽ ആ​കെ 37 പി.​ജി സീ​റ്റു​ക​ളാ​ണു​ള്ള​ത്. മ​റ്റ് വ​കു​പ്പു​ക​ളി​ലും എം.​ബി.​ബി.​എ​സി​ലും പ്ര​തി​സ​ന്ധി​യി​ല്ല.

പി.​ജി പ്ര​വേ​ശ​നം ന​ട​ത്താ​നി​രി​ക്കെ​യു​ള്ള അം​ഗീ​കാ​രം റ​ദ്ദാ​ക്ക​ൽ തി​രി​ച്ച​ടി​യാ​വും. എ​ന്നാ​ൽ, ഒ​രു മാ​സ​ത്തി​ന​കം കൗ​ൺ​സി​ൽ ക​ണ്ടെ​ത്തി​യ ന്യൂ​ന​ത​ക​ൾ പ​രി​ഹ​രി​ച്ച് റി​പ്പോ​ർ​ട്ട് ചെ​യ്യു​ന്ന പ​ക്ഷം കൗ​ൺ​സി​ൽ പ്ര​തി​നി​ധി​ക​ൾ വീ​ണ്ടും സ​ന്ദ​ർ​ശി​ച്ച് അം​ഗീ​കാ​രം ന​ൽ​കും. ഇ​തി​നു​ള്ള ശ്ര​മ​ത്തി​ലാ​ണ് ആ​രോ​ഗ്യ വ​കു​പ്പും മെ​ഡി​ക്ക​ൽ കോ​ള​ജ് അ​ധി​കൃ​ത​രും.

എം.​ബി.​ബി.​എ​സ് പ​ഠ​ന സ്വ​പ്ന​വു​മാ​യി വ​യ​നാ​ട്

വ​യ​നാ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി തു​ട​ങ്ങി​യി​ട്ട് ര​ണ്ടു​വ​ർ​ഷം ക​ഴി​ഞ്ഞി​ട്ടും എം.​ബി.​ബി.​എ​സ് ക്ലാ​സ് ആ​രം​ഭി​ച്ചി​ട്ടി​ല്ല. 2015ലാ​ണ് ഉ​മ്മ​ൻ​ചാ​ണ്ടി സ​ർ​ക്കാ​ർ വ​യ​നാ​ട് മെ​ഡി​ക്ക​ൽ കോ​ള​ജ് പ്ര​ഖ്യാ​പി​ച്ച​ത്. മ​ട​ക്കി​മ​ല​യി​ൽ ച​ന്ദ്ര​പ്ര​ഭ ചാ​രി​റ്റ​ബി​ൾ ട്ര​സ്റ്റ് സൗ​ജ​ന്യ​മാ​യി ന​ൽ​കി​യ അ​മ്പ​തേ​ക്ക​ർ സ്ഥ​ല​ത്താ​ണ് മെ​ഡി​ക്ക​ൽ കോ​ള​ജ് നി​ർ​മി​ക്കാ​ൻ തീ​രു​മാ​നി​ച്ച​ത്. പി​ന്നീ​ട് ആ ​പ​ദ്ധ​തി ഉ​പേ​ക്ഷി​ച്ചു. 2021 ഫെ​ബ്രു​വ​രി 12ന് ​മാ​ന​ന്ത​വാ​ടി​യി​ലെ ജി​ല്ല ആ​ശു​പ​ത്രി​യെ മെ​ഡി​ക്ക​ൽ കോ​ള​ജാ​യി ഉ​യ​ർ​ത്തി. 2022 മാ​ർ​ച്ചി​ൽ ആ​രോ​ഗ്യ​വ​കു​പ്പി​ന്റെ ഉ​ട​മ​സ്ഥ​ത​യി​ൽ ത​വി​ഞ്ഞാ​ൽ ബോ​യ്സ് ടൗ​ണി​ലു​ള്ള സ്ഥ​ലം വ​യ​നാ​ട് മെ​ഡി​ക്ക​ൽ കോ​ള​ജി​നാ​യി ഏ​റ്റെ​ടു​ത്ത് സ​ർ​ക്കാ​ർ ഉ​ത്ത​ര​വാ​യി.

എ​ന്നാ​ൽ ആ​രോ​ഗ്യ​വ​കു​പ്പി​ന്റെ ഉ​ട​മ​സ്ഥ​ത​യി​ലു​ള്ള 65 ഏ​ക്ക​ർ ഭൂ​മി​യു​മാ​യി ബ​ന്ധ​പ്പെ​ട്ട കോ​ട​തി വ്യ​വ​ഹാ​രം കെ​ട്ടി​ട നി​ർ​മാ​ണം ആ​രം​ഭി​ക്കു​ന്ന​തി​ന് ത​ട​സ്സ​മാ​യി. നി​ല​വി​ൽ അ​വി​ടെ തു​ട​ർ ന​ട​പ​ടി​ക​ൾ ഒ​ന്നു​മാ​യി​ല്ല. അ​തി​നാ​ൽ ജി​ല്ല ആ​ശു​പ​ത്രി​യി​ൽ ന​ഴ്സി​ങ് കോ​ള​ജി​ന് നി​ർ​മി​ച്ച ​ആ​റു​നി​ല കെ​ട്ടി​ട​ത്തി​ൽ ആ​ദ്യ വ​ർ​ഷ ക്ലാ​സു​ക​ൾ​ക്ക് തു​ട​ക്ക​മി​ടാ​നാ​ണ് ഇ​​പ്പോ​ൾ നീ​ക്കം ന​ട​ക്കു​ന്ന​ത്.

അ​ടു​ത്ത അ​ധ്യ​യ​ന വ​ർ​ഷം എം.​ബി.​ബി.​എ​സി​ന് ക്ലാ​സ് ആ​രം​ഭി​ക്കാ​നു​ള്ള സൗ​ക​ര്യ​ങ്ങ​ളൊ​രു​ക്കാ​ൻ മെ​ഡി​ക്ക​ൽ വി​ദ്യാ​ഭ്യാ​സ വ​കു​പ്പി​ന് മ​ന്ത്രി വീ​ണ ജോ​ർ​ജ് നി​ർ​ദേ​ശം ന​ൽ​കി​യി​ട്ടു​ണ്ട്. അ​തി​നു​ള്ള തീ​വ്ര​ശ്ര​മ​ത്തി​ലാ​ണ് അ​ധി​കൃ​ത​ർ. 100 വി​ദ്യാ​ർ​ഥി​ക​ൾ​ക്ക് പ്ര​വേ​ശ​നം ന​ൽ​കു​ന്ന​തി​നു​ള്ള എ​സ​ൻ​ഷ്യാ​ലി​റ്റി സ​ർ​ട്ടി​ഫി​ക്ക​റ്റ് ല​ഭ്യ​മാ​യി​ട്ടു​ണ്ട്.

(അവസാനിച്ചു)