മഞ്ചേരിയിൽ കോവിഡ്​ പരിശോധനക്കെത്തിച്ച പ്രതികൾ രക്ഷപ്പെട്ടു

മലപ്പുറം: മഞ്ചേരി മെഡിക്കൽ കോളജ്​ ആശുപത്രിയിൽ കോവിഡ്​ 19 സ്രവപരിശോധനക്കെത്തിച്ച രണ്ട്​ പ്രതികൾ രക്ഷപ്പെട്ടു. പോക്​സോ കേസ്​ പ്രതി മെഹബൂബ്​, ബൈക്ക്​ മോഷണ കേസ്​ പ്രതി റംഷാദ്​ എന്നിവരാണ്​ രക്ഷപ്പെട്ടത്​. ഇരുവർക്കുമായി പൊലീസ്​ തെര​ച്ചിൽ ഊർജിതമാക്കി.

പൊലീസ്​ കസ്​റ്റഡിയിലായിരുന്ന ഇരുവരേയും കോടതിയിൽ ഹാജരാക്കുന്നതിന്​ മുന്നോടിയായാണ്​ ​സ്രവപരിശോധനക്കായി എത്തിച്ചത്​. തടവുപുള്ളികളിൽ കോവിഡ്​ സ്ഥിരീകരിക്കുന്ന പശ്​ചാത്തലത്തിൽ ഇവരെ റിമാൻഡ്​ ചെയ്യുന്നതിന്​ മുന്നോടിയായി പരിശോധനക്ക്​ വിധേയമാക്കുന്നുണ്ട്​. ഇതി​​െൻറ ഭാഗമായാണ്​ പ്രതികളെ ആശുപത്രിയിലെത്തിച്ചത്​. ഈ സമയം പ്രതികൾ രക്ഷപ്പെടുകയായിരുന്നു.