‘മനിതി’യുടെ വാഹനത്തിന്​ അനുമതി നൽകിയിട്ടുണ്ടെങ്കിൽ ഉത്തരവിന്‍റെ ലംഘനം -ഹൈകോടതി

കൊച്ചി: ശബരിമല ദർശനത്തിനെത്തിയ ‘മനിതി’ പ്രവർത്തകർക്ക് നിലയ്‌ക്കലിൽനിന്ന്​ പമ്പയിലേക്ക്​ സ്വകാര്യ വാഹനത് തിൽ പോകാൻ അനുമതി നൽകിയിട്ടുണ്ടെങ്കിൽ അത്​ കോടതി ഉത്തരവി​​​െൻറ നഗ്​നമായ ലംഘനമാണെന്ന്​ ഹൈകോടതി. സ്വകാര്യ വാ ഹനങ്ങൾ പമ്പയിലേക്ക്​ അനുവദിക്കേണ്ടതില്ലെന്ന്​ കോടതി ഉത്തരവിട്ടിട്ടുള്ളതാണ്​. ഇക്കാര്യത്തിൽ​ കോടതിയലക്ഷ് യ നടപടികൾ സ്വീകരിക്കണമോയെന്ന കാര്യം പരിശോധിക്കേണ്ടതുണ്ടെന്ന്​ വ്യക്​തമാക്കിയ ജസ്​റ്റിസ്​ പി.ആർ. രാമചന്ദ്രമേനോൻ, ജസ്​റ്റിസ്​ എൻ. അനിൽകുമാർ എന്നിവരടങ്ങുന്ന ഡിവിഷൻബെഞ്ച്​ സർക്കാറി​​​െൻറ വിശദീകരണം തേടി. ശബരിമലയുമായി ബന്ധപ്പെട്ട് ഹൈകോടതി നിയോഗിച്ച നിരീക്ഷണ സമിതി സമർപ്പിച്ച റിപ്പോർട്ടും മറ്റ്​ ഹരജികളും പരിഗണിച്ചാണ്​ ഡിവിഷൻ ബെഞ്ചി​​​െൻറ നിർദേശം. ഇൗമാസം എട്ടിന്​ വിഷയം വീണ്ടും പരിഗണിക്കും.

ശബരിമലയിലെ പൊലീസ് നടപടികൾ വിവേകരഹിതമാണെന്ന്​ നിരീക്ഷണ സമിതി റിപ്പോർട്ട് നൽകിയിട്ടുള്ളതായി ഡിവിഷൻ ബെഞ്ച് ചൂണ്ടിക്കാട്ടി. നിലയ്ക്കൽ - പമ്പ റൂട്ടിൽ സ്വകാര്യ വാഹനങ്ങൾക്ക് അനുമതി നൽകിയിട്ടില്ലെന്നിരിക്കെ മനിതി പ്രവർത്തകർക്ക് യാത്ര ഒരുക്കിയത് ഡി.ജി.പിയുടെ അറിവോടെയാണോയെന്ന്​ കോടതി ആരാഞ്ഞു. മറ്റേതെങ്കിലും പൊലീസ് ഉദ്യോഗസ്ഥരുടെ നിർദേശമുണ്ടോ. കോടതിയുത്തരവ് ലംഘിക്കാനുള്ള ശ്രമങ്ങളുണ്ടായിട്ടുണ്ടോ തുടങ്ങിയ കാര്യങ്ങളും കോടതി ആരാഞ്ഞു. തുടർന്ന്​ മനിതി പ്രവർത്തകർ ദർശനം നടത്താൻ ഡിസംബർ 23ന് എത്തിയപ്പോൾ ഉണ്ടായ സംഭവങ്ങളിലും 24ന് കനകദുർഗ, ബിന്ദു എന്നിവർ ദർശനത്തിനെത്തിയപ്പോഴുണ്ടായ സംഭവങ്ങളിലും വിശദീകരണം നൽകാൻ സർക്കാറിനോട്​ നിർദേശിച്ചു.

രണ്ടു ദിവസവും ഭക്തർക്ക് 20 കിലോമീറ്റർ ക്യൂവിൽ നിൽക്കേണ്ടി വന്നെന്നും സന്നിധാനത്ത് എത്താൻ നിരീക്ഷകർ പോലും ബുദ്ധിമുട്ടിയെന്നും റിപ്പോർട്ടിൽ പറയുന്നുണ്ട്. തൊഴിവാക്കാനാവുമായിരുന്നില്ലേയെന്നും ഡിവിഷൻ ബെഞ്ച് വാക്കാൽ ചോദിച്ചു. നിരീക്ഷണ സമിതി റിപ്പോർട്ടി​​​െൻറ പകർപ്പ് അഡ്വക്കറ്റ് ജനറലിനും ദേവസ്വം ബോർഡ് ഉൾപ്പെടെയുള്ള മറ്റു കക്ഷികൾക്കും നൽകാനും ഡിവിഷൻബെഞ്ച്​ നിർദേശിച്ചു.