നിർബന്ധിത പരിശോധന; വിമാനത്താവളത്തിൽ പ്രതിഷേധം

നെ​ടു​മ്പാ​ശ്ശേ​രി/ ക​രി​പ്പൂ​ർ/ മ​ട്ട​ന്നൂ​ർ​/ ശം​ഖും​മു​ഖം​: ഗ​ൾ​ഫ്​ രാ​ജ്യ​ങ്ങ​ളി​ൽ​നി​ന്നും ബ്രി​ട്ട​ൻ, ദ​ക്ഷി​ണാ​ഫ്രി​ക്ക, ബ്ര​സീ​ൽ എ​ന്നി​വി​ട​ങ്ങ​ളി​ൽ​നി​ന്നും വ​രു​ന്ന​വ​ർ​ക്ക്​ കോ​വി​ഡ്​ ഇ​ല്ലെ​ന്ന്​ ഉ​റ​പ്പു​വ​രു​ത്താ​ൻ വി​മാ​ന​ത്താ​വ​ള​ത്തി​ൽ നി​ർ​ബ​ന്ധി​ത ആ​ർ.​ടി.​പി.​സി.​ആ​ർ പ​രി​ശോ​ധ​ന തു​ട​ങ്ങി.

72 മ​ണി​ക്കൂ​ർ മു​മ്പ് പ​രി​ശോ​ധി​ച്ച​താ​ണെ​ന്നും വീ​ണ്ടും പ​രി​ശോ​ധ​ന​ക്ക്​ ത​യാ​റ​ല്ലെ​ന്നും ചി​ല​ർ വാ​ദി​ച്ചു. എ​ന്നാ​ൽ, തി​രി​ച്ച​യ​ക്കു​മെ​ന്ന് ക​ർ​ശ​ന നി​ല​പാ​ട്​ എ​ടു​ത്ത​തോ​ടെ പ​രി​ശോ​ധ​ന​ക്ക്​ സ​ന്ന​ദ്ധ​രാ​യി. ഷാ​ർ​ജ​യി​ൽ​നി​ന്ന്​ എ​ത്തി​യ ചി​ല​രാ​ണ് പ​രി​ശോ​ധ​ന നി​ർ​ബ​ന്ധ​മാ​ക്കി​യ​തി​നെ​തി​രെ പ്ര​തി​ക​രി​ച്ച​ത്.

1700 രൂ​പ​യാ​ണ് പ​രി​ശോ​ധ​ന​ഫീ​സ്. 20 കൗ​ണ്ട​ർ ഇ​തി​നാ​യു​ണ്ട്. സാ​മ്പി​ൾ ശേ​ഖ​രി​ച്ച​ശേ​ഷം യാ​ത്ര​ക്കാ​രെ വി​ട്ട​യ​ക്കും. എ​ട്ട് മ​ണി​ക്കൂ​റി​ന്​ ശേ​ഷം ഫ​ലം ഫോ​ണി​ൽ അ​റി​യി​ക്കു​ം. മ​ലേ​ഷ്യ, സിം​ഗ​പ്പൂ​ർ എ​ന്നി​വി​ട​ങ്ങ​ളി​ൽ​നി​ന്ന്​ എ​ത്തു​ന്ന​വ​ർ 72 മ​ണി​ക്കൂ​ർ മു​മ്പ് പ​രി​ശോ​ധ​ന ന​ട​ത്തി​യ സ​ർ​ട്ടി​ഫി​ക്ക​റ്റ് കാ​ണി​ച്ചാ​ൽ വീണ്ടും പ​രി​ശോ​ധ​ന​യി​ല്ല.

കോ​വി​ഡ്​ നെ​ഗ​റ്റി​വ്​ സ​ർ​ട്ടി​ഫി​ക്ക​റ്റു​ള്ള​വ​ർ​ക്ക്​ വീ​ണ്ടും ആ​ർ.​ടി.​പി.​സി.​ആ​ർ പ​രി​ശോ​ധ​ന ന​ട​ത്ത​ണ​മെ​ന്ന കേ​ന്ദ്ര സ​ർ​ക്കാ​ർ നി​ർ​ദേ​ശ​മാണ്​ വിനയായത്​. തീ​രു​മാ​നം ചൊ​വ്വാ​ഴ്​​ച മു​ത​ൽ ന​ട​പ്പാ​ക്കിയതോടെയാണ്​ പ്രതിഷേധം തുടങ്ങിയത്​. ഇ​ന്ത്യ​യി​ലെ വി​മാ​ന​ത്താ​വ​ള​ങ്ങ​ളി​ലെ​ത്തു​ന്ന​വ​ർ സ്വ​ന്തം ചെ​ല​വി​ൽ കോ​വി​ഡ്​ ​പ​രി​േ​ശാ​ധ​ന ന​ട​ത്ത​ണ​മെ​ന്ന നി​ർ​ദേ​ശ​ം​ പ്ര​വാ​സി​ക​ൾ​ക്ക്​ ദു​രി​ത​മാ​യി​. തീ​രു​മാ​ന​ത്തി​നെ​തി​രെ പ​ല​രും പ്ര​തി​ഷേ​ധി​ച്ചു. നി​ല​വി​ൽ യാ​ത്ര​ക്ക്​ മു​ന്നോ​ടി​യാ​യി 72 മ​ണി​ക്കൂ​ർ സ​മ​യ​പ​രി​ധി​യു​ള്ള പി.​സി.​ആ​ർ നെ​ഗ​റ്റി​വ് പ​രി​ശോ​ധ​ന ഫ​ലം എ​യ​ർ സു​വി​ധ പോ​ർ​ട്ട​ലി​ൽ യാ​ത്ര​ക്ക്​ മു​ൻ​പ് അ​പ്​​ലോ​ഡ്​​ ചെ​യ്യ​ണം. ഇ​തി​നൊ​പ്പം സത്യപ്രസ്​താവനയും വേണം. നി​ല​വി​ൽ കേ​ര​ള​ത്തി​ലെ വി​മാ​ന​ത്താ​വ​ള​ങ്ങ​ളി​ൽ കോ​വി​ഡ്​ പ​രി​ശോ​ധ​ന ന​ട​ത്തു​ന്നി​ല്ല.

കേ​ന്ദ്ര​ നി​ർ​ദേ​ശം വ​ന്ന​തോ​ടെ​യാ​ണ്​ ഇത്​ പുനരാരംഭിച്ചത്​. കോ​ഴി​ക്കോ​ട്​ വി​മാ​ന​ത്താ​വ​ള​ത്തി​ൽ 1350 രൂ​പ​യാ​ണ്​ നി​ര​ക്ക്​. ഒാ​രോ വി​മാ​ന​ത്താ​വ​ള​ങ്ങ​ളി​ലും വ്യ​ത്യ​സ്​​ത നി​ര​ക്കാണ്. കു​റ​ഞ്ഞ ദി​വ​സ​ത്തി​നി​ടെ മൂ​ന്ന്​​ ത​വ​ണ പി.​സി.​ആ​ർ പ​രി​ശോ​ധ​ന ന​ട​ത്തു​ന്ന​ത്​ സാ​മ്പ​ത്തി​ക ബാ​ധ്യ​ത​യാ​യ​തോ​ടെ നി​ര​വ​ധി പേ​ർ യാ​ത്ര മാ​റ്റി​വെ​ച്ചു. യാ​ത്ര പു​റ​പ്പെ​ടു​ം മു​മ്പും നാ​ട്ടി​ലെ വി​മാ​ന​ത്താ​വ​ള​ത്തി​ൽ എ​ത്തി​യ ശേ​ഷ​വും പി​ന്നീ​ട്​ ഏ​ഴ്​ ദി​വ​സ​ത്തെ ക്വാ​റ​ൻ​റീ​ൻ ക​ഴി​ഞ്ഞും പ​രി​ശോ​ധ​ന വേണം. കു​ടും​ബ​വു​മാ​യി വി​ദേ​ശ​ത്ത്​ നി​ന്നെ​ത്തു​ന്ന​വ​ർ​ക്ക്​ പ​രി​ശോ​ധ​ന ന​ട​ത്താ​ൻ വ​ൻ​തു​ക ന​ൽ​കേ​ണ്ട സാ​ഹ​ച​ര്യ​മാ​ണ്.

ക​ണ്ണൂ​ര്‍ രാ​ജ്യാ​ന്ത​ര വി​മാ​ന​ത്താ​വ​ള​ത്തി​യവർ പ​രി​ശോ​ധ​ന​ക്കെ​തി​രെ പ്ര​തി​ഷേ​ധിച്ചു. യാ​ത്ര തി​രി​ക്കു​മ്പോ​ള്‍ പ​രി​ശോ​ധ​ന ന​ട​ത്തി​യ​വ​ര്‍ യാ​ത്ര അ​വ​സാ​നി​പ്പി​ക്കു​മ്പോ​ള്‍ വീ​ണ്ടും പ​രി​ശോ​ധ​ിക്കണമെ​ന്നത്​ പ​ണം തട്ടാനാണെന്നും പ്ര​വാ​സി​ക​ൾ ആ​രോ​പ​ിച്ചു. നി​ര​വ​ധി​ യാ​ത്ര​ക്കാ​ര്‍ ക​ണ്ണൂ​ര്‍ വി​മാ​ന​ത്താ​വ​ള​ത്തി​ല്‍ പ്ര​തി​ഷേ​ധി​ച്ചു. മി​ക്ക യാ​ത്ര​ക്കാ​രും അ​ധി​കൃ​ത​രോ​ട്​ വാ​ഗ്വാ​ദ​ത്തി​ലേ​ർ​പ്പെ​ട്ടു. 1800 രൂ​പ​യാ​ണ്​ പ​രി​ശോ​ധ​ന ഫീ​സാ​യി ഇൗ​ടാ​ക്കു​ന്ന​ത്. ചൊ​വ്വാ​ഴ്​​ച അ​ഞ്ച്​ വി​മാ​ന​ങ്ങ​ളി​ലാ​യെ​ത്തി​യ 700 ഒാ​ളം യാ​ത്ര​ക്കാ​രെ പ​രി​ശോ​ധ​ന​ക്ക്​ വി​ധേ​യ​രാ​ക്കി.

തി​രു​വ​ന​ന്ത​പു​രത്ത്​ നൂ​റു​ക​ണ​ക്കി​ന് യാ​ത്ര​ക്കാ​രോ​ട് 1750 രൂ​പ അ​ട​ച്ച് ടെ​സ്​​റ്റ്​ എ​ടു​ക്കാ​ൻ അ​ധി​കൃ​ത​ർ നി​ർ​ദേ​ശി​ച്ചിരുന്നു. മു​ൻ​കൂ​ട്ടി അ​റി​യി​ക്കാ​ത്ത​തി​നാ​ൽ പ​ല​രും പ​ണം ക​രു​തി​യി​രു​ന്നി​ല്ല. ഇ​തോ​ടെ, യാ​ത്ര​ക്കാ​ര്‍ പ്ര​തി​ഷേ​ധി​ക്കാ​ന്‍ തു​ട​ങ്ങി. പ​ക്ഷേ, തു​ക​യി​ല്‍ ഇ​ള​വ് വ​രു​ത്താ​നോ പി​ന്നീ​ട് പ​ണം അ​ട​യ്​​ക്കാ​നു​ള്ള സം​വി​ധാ​ന​ങ്ങ​ള്‍ ഒ​രു​ക്കാ​നോ അ​ധി​കൃ​ത​ര്‍ ത​യാ​റാ​യി​ല്ല. ഒ​ടു​വി​ൽ പു​റ​ത്ത് കാ​ത്തു​നി​ന്ന സു​ഹൃ​ത്തു​ക​ളി​ല്‍നി​ന്നും ബ​ന്ധു​ക്ക​ളി​ല്‍നി​ന്നും പ​ണം വാ​ങ്ങി അ​ട​ച്ച് ടെ​സ്​​റ്റ്​ എ​ടു​ത്ത ശേ​ഷ​മാ​ണ് യാ​ത്ര​ക്കാ​ർ പു​റ​ത്തേ​ക്ക് ക​ട​ന്ന​ത്.