പോസ്റ്റ്മോര്ട്ടത്തിന് മുമ്പുള്ള നിര്ബന്ധിത കോവിഡ് പരിശോധന ഒഴിവാക്കി
text_fieldsതിരുവനന്തപുരം: സംസ്ഥാനത്ത് കോവിഡ് കേസുകള് കുറഞ്ഞുവരുന്ന സാഹചര്യത്തില് കോവിഡ് മരണങ്ങളിലെ മൃതദേഹങ്ങൾ കൈകാര്യം ചെയ്യുന്നത് സംബന്ധിച്ച പ്രോട്ടോക്കോൾ പുതുക്കി. പോസ്റ്റ്മോര്ട്ടത്തിന് മുമ്പുള്ള നിര്ബന്ധിത കോവിഡ് പരിശോധന ഒഴിവാക്കി. മരണം കോവിഡ് മൂലമാണെന്ന ശക്തമായ സംശയം തോന്നിയാല് റാപ്പിഡ് ആന്റിജന് ടെസ്റ്റ് മതിയാകും. പോസ്റ്റ്മോര്ട്ടം സമയത്ത് എല്ലാ ആരോഗ്യപ്രവര്ത്തകരും പി.പി.ഇ കിറ്റ്, എന്- 95 മാസ്ക്, രണ്ട് ഗ്ലൗസ്, ഫേസ് ഷീല്ഡ് തുടങ്ങിയ സ്റ്റാന്ഡേര്ഡ് സുരക്ഷാ മുന്കരുതലുകള് സ്വീകരിക്കണം.
കോവിഡ് ബാധിച്ച് മരണപ്പെട്ട വ്യക്തികളുടെ മൃതദേഹം കുളിപ്പിക്കുകയാണെങ്കില് രോഗം പകരാതിരിക്കാന് കോവിഡ് മാര്ഗനിര്ദേശങ്ങള് കൃത്യമായി പാലിക്കണം. മൃതദേഹം കുളിപ്പിക്കുക, വൃത്തിയാക്കുക, വസ്ത്രം ധരിപ്പിക്കുക, മുടി വൃത്തിയാക്കുക, ഷേവ് ചെയ്യുക, നഖങ്ങള് മുറിക്കുക തുടങ്ങിയവ ചെയ്യുന്നവര് ൈകയുറ, ഫേസ് ഷീല്ഡ്- കണ്ണട, മെഡിക്കല് മാസ്ക് എന്നിവ ധരിക്കണം. എന് 95 മാസ്ക് ധരിക്കുന്നത് അഭികാമ്യം. നീളത്തില് കൈയുള്ള വസ്ത്രം ധരിക്കുകയും നടപടി ക്രമങ്ങള്ക്ക് ശേഷം ഉടനടി വസ്ത്രം നീക്കം ചെയ്യുകയും സോപ്പുപയോഗിച്ച് കഴുകുകയും ചെയ്യുക.
60 വയസ്സിന് മുകളിലുള്ളവരും ഹൃദ്രോഗം, പ്രമേഹം മുതലായ ഗുരുതര രോഗമുള്ളവരും കോവിഡ് ബാധിച്ച് മരണപ്പെട്ടയാളുടെ മൃതദേഹവുമായി നേരിട്ടിടപെടരുത്. കോവിഡ് വാക്സിനേഷന്റെ മുഴുവന് ഡോസും എടുത്തവര് മൃതദേഹം കൈകാര്യം ചെയ്യുന്നത് നല്ലത്. മൃതദേഹം സൂക്ഷിച്ച സ്ഥലങ്ങള് സോഡിയം ഹൈപ്പോക്ലോറൈറ്റ് ലായനി ഉപയോഗിച്ച് വൃത്തിയാക്കണം.മൃതദേഹവുമായി ഇടപെടുന്ന എല്ലാവരും സോപ്പ് ഉപയോഗിച്ച് നന്നായി കുളിക്കണം. അവര് 14 ദിവസം പനി, ചുമ, തൊണ്ടവേദന, ക്ഷീണം, വയറിളക്കം എന്നിവയുണ്ടോയെന്ന് സ്വയം നിരീക്ഷിക്കണം. വീട്ടില് െവച്ച് മരണം സംഭവിച്ചാല് തൊട്ടടുത്തുള്ള ആരോഗ്യപ്രവര്ത്തകരെ അറിയിച്ച് അവര് നല്കുന്ന മാര്ഗനിര്ദേശങ്ങള് പാലിക്കണം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.