മഞ്ചക്കണ്ടി മാ​വോ​വാ​ദി​ ഏറ്റുമുട്ടൽ കൊല: ഒന്നാം വാര്‍ഷികത്തിന്​ സുരക്ഷ ശക്​തമാക്കി

എ​ട​ക്ക​ര: പാ​ല​ക്കാ​ട് അ​ട്ട​പ്പാ​ടി മ​ഞ്ച​ക്ക​ണ്ടി​യി​ല്‍ നാ​ല് മാ​വോ​വാ​ദി​ക​ളെ ഏറ്റുമുട്ടലിൽ കൊ​ല്ല​പ്പെടുത്തിയതി​െൻറ ‍ഒ​ന്നാം വാ​ര്‍ഷി​ക​ത്തോ​ട​നു​ബ​ന്ധി​ച്ച് മ​ല​യോ​ര മേ​ഖ​ല​യി​ല്‍ സു​ര​ക്ഷ ശ​ക്ത​മാ​ക്കി. ക​ഴി​ഞ്ഞ​വ​ർ​ഷം ഒ​ക്‌​ടോ​ബ​ർ 28നാ​ണ്‌ മ​ണി​വാ​സ​കം, ശ്രീ​നി​വാ​സ​ൻ, അ​ജി​ത, കാ​ർ​ത്തി​ക് എ​ന്നീ മാ​വോ​വാ​ദി പ്ര​വ​ർ​ത്ത​ക​ർ ത​ണ്ട​ർ​ബോ​ൾ​ട്ടു​മാ​യു​ണ്ടാ​യ ഏ​റ്റു​മു​ട്ട​ലി​ൽ കൊ​ല്ല​പ്പെ​ട്ട​ത്‌. ര​ക്ഷ​പ്പെ​ട്ട ദീ​പ​ക്, ശോ​ഭ എ​ന്നി​വ​രെ ത​മി​ഴ്നാ​ട് പൊ​ലീ​സ് പി​ന്നീ​ട്‌ പി​ടി​കൂ​ടി​യി​രു​ന്നു.

ഏറ്റുമുട്ടൽ കൊലയുടെ ഒ​ന്നാം വാ​ര്‍ഷി​ക​ത്തി​ല്‍ തി​രി​ച്ച​ടി​യു​ണ്ടാ​കാ​നു​ള്ള സാ​ധ്യ​ത​യു​ണ്ടെ​ന്ന ര​ഹ​സ്യാ​ന്വേ​ഷ​ണ വി​ഭാ​ഗ​ത്തിെൻറ റി​പ്പോ​ര്‍ട്ടിെൻറ അ​ടി​സ്ഥാ​ന​ത്തി​ലാ​ണ് മ​ല​യോ​ര മേ​ഖ​ല​യി​ലു​ട​നീ​ളം സു​ര​ക്ഷ ശ​ക്ത​മാ​ക്കി​യ​ത്. ജി​ല്ല പൊ​ലീ​സ് മേ​ധാ​വി​യു​ടെ നി​ര്‍ദേ​ശ​ത്തെ തു​ട​ര്‍ന്ന് മ​ല​പ്പു​റ​ത്ത് നി​ന്നും ഡോ​ഗ് സ്ക്വാ​ഡ് അ​ട​ക്ക​മു​ള്ള സു​ര​ക്ഷ സം​ഘം എ​ട​ക്ക​ര​യി​ലെ​ത്തി​യ​ത്.

ബു​ധ​നാ​ഴ്ച രാ​ത്രി വ​ഴി​ക്ക​ട​വ് നാ​ടു​കാ​ണി ചു​ര​ത്തി​ലൂ​ടെ​യു​ള്ള വാ​ഹ​ന​ങ്ങ​ളി​ലും ആ​ന​മ​റി​യി​ലെ ചെ​ക്ക്പോ​സ്​​റ്റു​ക​ളി​ലും വി​വി​ധ വ​കു​പ്പ് ഓ​ഫി​സു​ക​ളി​ലും പ​രി​ശോ​ധ​ന ന​ട​ത്തി. വ്യാ​ഴാ​ഴ്ച രാ​വി​ലെ എ​ട​ക്ക​ര, വ​ഴി​ക്ക​ട​വ്, പോ​ത്തു​ക​ല്‍ പൊ​ലീ​സ് സ്​​റ്റേ​ഷ​നു​ക​ളി​ലും ഗ്രാ​മ​പ​ഞ്ചാ​യ​ത്ത്, വി​ല്ലേ​ജ് ഓ​ഫി​സു​ക​ളും അ​ട​ക്ക​മു​ള്ള സ​ര്‍ക്കാ​ര്‍ സ്ഥാ​പ​ന​ങ്ങ​ളി​ലും പ​രി​ശോ​ധ​ന ന​ട​ത്തി സു​ര​ക്ഷ ഉ​റ​പ്പു​വ​രു​ത്തി.

ന​ട​ന്ന​ത്​ വ്യാ​ജ ഏ​റ്റു​മു​ട്ട​ലാ​ണെ​ന്ന്​ കാ​ണി​ച്ച്​ മ​രി​ച്ച​വ​രു​ടെ ബ​ന്ധു​ക്ക​ൾ ആ​ദ്യം പാ​ല​ക്കാ​ട്​ സെ​ഷ​ൻ​സ്​ കോ​ട​തി​യി​ലും തു​ട​ർ​ന്ന്​ ഹൈ​കോ​ട​തി​യി​ലും ഹ​ര​ജി ന​ൽ​കി​യി​രു​ന്നു. ക്രൈം​​ബ്രാ​ഞ്ച്​ അ​ന്വേ​ഷ​ണം സെ​ഷ​ൻ​സ്​ കോ​ട​തി മേ​ൽ​നോ​ട്ട​ത്തി​ൽ വേ​ണ​മെ​ന്ന്​ കോ​ട​തി ഉ​ത്ത​ര​വി​ട്ടു. 2019 ന​വം​ബ​ർ ആ​റി​നാ​ണ് ​മ​ജി​സ്​​റ്റീ​രി​യ​ൽ അ​ന്വേ​ഷ​ണ​ത്തി​ന്​ സ​ർ​ക്കാ​ർ, ജി​ല്ല ക​ല​ക്​​ട​റെ ചു​മ​ത​ല​പ്പെ​ടു​ത്തി​യ​ത്. വെ​ടി​വെ​പ്പ്​ ന​ട​ന്ന്​ ഒ​രു വ​ർ​ഷ​മാ​കാ​റാ​യി​ട്ടും മ​ജി​സ്​​റ്റീ​രി​യ​ൽ റി​പ്പോ​ർ​ട്ട്​ സ​മ​ർ​പ്പി​ക്കാ​ൻ സാ​ധി​ച്ചി​ട്ടി​ല്ല. ബാ​ലി​സ്​​റ്റി​ക്​ അ​ന്വേ​ഷ​ണ റി​പ്പോ​ർ​ട്ട്​ ല​ഭി​ക്കാ​ത്ത​താ​ണ്​ കാ​ര​ണ​മാ​യി പ​റ​യു​ന്ന​ത്.

ചൂ​ഷ​ണ​ര​ഹി​ത സ​മൂ​ഹ​ത്തി​ന്​ സാ​യു​ധ​പോ​രാ​ട്ട​ത്തി​​െൻറ വ​ഴി തെ​ര​ഞ്ഞെ​ടു​ത്ത മാ​വോ​ വാ​ദി​ക​ൾ നേ​രി​ട്ട ഏ​റ്റ​വും വ​ലി​യ തി​രി​ച്ച​ടി​യായിരുന്നു​ മഞ്ചക്കണ്ടിയി​ലേ​ത്. നി​ല​മ്പൂ​രി​നും വ​യ​നാടി​നും ശേ​ഷം ക​ന​ത്ത ആ​ൾ​നാ​ശ​മാ​ണ്​ ത​ണ്ട​ർ​ബോ​ൾ​ട്ടു​മാ​യു​ള്ള ഏ​റ്റു​മു​ട്ട​ലി​ൽ മ​ഞ്ച​ക്ക​ണ്ടി വ​ന​ത്തി​ൽ മാ​വോ​വാ​ദി​ക​ൾ​ക്കു​ണ്ടാ​യ​ത്. സി.​പി.​െ​എ (മാ​വോ​യി​സ്​​റ്റ്) സം​ഘം പ​ശ്​​ചി​മ​ഘ​ട്ട കാ​ടു​ക​ളി​ൽ വേ​രു​പി​ടി​ക്കു​ക​യും ദ​ള​ങ്ങ​ളാ​യി രൂ​പ​പ്പെ​ടു​ക​യും ചെ​യ്​​ത​തോ​ടെ ത​മി​ഴ്​​നാ​ട്ടി​ലും കേ​ര​ള ​ത്തി​ലും പൊ​ലീ​സും ഇ​ൻ​റ​ലി​ജ​ൻ​സ്​ സം​വി​ധാ​ന​ങ്ങ​ളും ക​ന​ത്ത ജാ​ഗ്ര​ത​യി​ലാ​യി​രു​ന്നു.

അ​ട്ട​പ്പാ​ടി​യി​ലെ മാ​േ​വാ​വാ​ദി​ക​ൾ ഭ​വാ​നി ദ​ള​മെ​ന്നും വ​യ​നാ​ട​ൻ കാ​ടു​ക​ളി​ൽ പ്ര​വ​ർ​ത്തി​ക്കു​ന്ന​വ​ർ ക​ബ​നി ദ​ള​മെ​ന്നും നി​ല​മ്പൂ​ർ വ​ന​ത്തി​ലു​ള്ള​വ​ർ നാ​ടു​കാ​ണി ദ​ള​മെ​ന്നു​മാ​ണ്​ അ​റി​യ​പ്പെ​ടു​ന്ന​ത്. പു​റ​മേ ക​ർ​ണാ​ട​ക​യി​ലും ത​മി​ഴ്​​നാ​ട്ടി​ലും വേ​റെ​യും ഒാ​രോ ദ​ള​ങ്ങ​ളു​ണ്ട്. 2014 മു​ത​ൽ ഭ​വാ​നി ദ​ള​ത്തി​ന്​ കീ​ഴി​ൽ അ​ട്ട​പ്പാ​ടി വ​ന​ത്തി​ൽ നി​ല​യു​റ​പ്പി​ച്ച മാ​വോ​വാ​ദി​ക​ൾ ശി​രു​വാ​ണി​ മേ​ഖ​ല​യി​ലേ​ക്കു​കൂ​ടി പ്ര​വ​ർ​ത്ത​നം വ്യാ​പി​പ്പി​ക്കാ​നു​ള്ള ത​യാ​റെ​ടു​പ്പി​ലാ​യി​രു​ന്നു. അ​ട്ട​പ്പാ​ടി​യി​ൽ ആ​കെ​യു​ള്ള 192 ആ​ദി​വാ​സി ഉൗ​രു​ക​ളി​ൽ കേ​വ​ലം 19 ഉൗ​രു​ക​ൾ കേ​ന്ദ്രീ​ക​രി​ച്ചാ​ണ്​ 50 അം​ഗ​ങ്ങ​ളു​ണ്ടെ​ന്ന്​ പ​റ​യ​പ്പെ​ടു​ന്ന ഭ​വാ​നി​ദ​ള​ത്തി​​െൻറ ​പ്ര​വ​ർ​ത്ത​നം. വ​നി​ത​ക​ള​ട​ക്ക​മു​ള്ള ഭ​വാ​നി ദ​ള​ക്കാ​ർ ആ​ദി​വാ​സി​ക​ളു​മാ​യി നി​ര​ന്ത​ര​സ​മ്പ​ർ​ക്കം പു​ല​ർ​ത്തി​വ​ന്നി​രു​ന്നു.