മാനന്തവാടി വാഹനാപകടം: മരിച്ചവര്‍ക്ക് 10 ലക്ഷവും പരിക്കേറ്റവര്‍ക്ക് മൂന്ന്​ ലക്ഷവും അന​ുവദിക്കും

തിരുവനന്തപുരം: വയനാട് മാനന്തവാടി തവിഞ്ഞാലിൽ കണ്ണോത്ത് മല വാഹനാപകടത്തിൽ മരിച്ച ഒമ്പത്​ പേരുടെ കുടുംബാംഗങ്ങൾക്കും ഗുരുതരമായി പരിക്കേറ്റ അഞ്ചുപേർക്കും മുഖ്യമന്ത്രിയുടെ ദുരിതാശ്വാസ നിധിയിൽനിന്ന് ധനസഹായം അനുവദിക്കും. മരിച്ചവര്‍ക്ക് 10 ലക്ഷം രൂപയും ഗുരുതരമായി പരിക്കേറ്റവര്‍ക്ക് മൂന്ന്​ ലക്ഷം രൂപയുമാണ് അനുവദിക്കുക.

പീച്ചി ഡാമിന്റെ റിസർവോയറിൽ വള്ളം മറിഞ്ഞുണ്ടായ അപകടത്തിൽ മരിച്ചവരുടെ ആശ്രിതർക്ക് സംസ്ഥാന ദുരന്തപ്രതികരണനിധിയിൽ നിന്ന് നാല്​ ലക്ഷം രൂപ ധനസഹായം അനുവദിച്ചു.