സി.ബി.എസ്.ഇ മൂല്യനിർണയത്തിലെ ആശങ്കകൾ പരിഹരിക്കണമെന്ന് മാനേജ്മെന്‍റ് അസോസിയേഷൻ

കൊച്ചി: സി.ബി.എസ്.ഇ മൂല്യനിർണയത്തിലെ ആശങ്കകൾ പരിഹരിക്കണമെന്ന് സി.ബി.എസ്.ഇ മാനേജ്മെന്‍റ് അസോസിയേഷൻ. മൂല്യനിർണയത്തിൽ കാലതാമസം പാടില്ലെന്ന് അസോസിയേഷൻ പ്രസിഡന്‍റ് ഇബ്രാഹിം ഖാൻ ആവശ്യപ്പെട്ടു. ഉന്നത വിദ്യാഭ്യാസത്തെ ബാധിക്കുന്ന തരത്തിൽ അനിശ്ചിതമായി നീളരുതെന്ന് അദ്ദേഹം വ്യക്തമാക്കി.

കോവിഡ്​ വ്യാപനം മൂലം മാസങ്ങളോളം അനിശ്ചിതാവസ്​ഥ തുടർന്ന സാഹചര്യത്തിലാണ് സി.ബി.എസ്​.ഇ 12ാം ക്ലാസ്​ പരീക്ഷകൾ റദ്ദാക്കാൻ കേന്ദ്രസർക്കാർ തീരുമാനിച്ചത്. കൂടാതെ, ഐ.സി.എസ്​.ഇ 12ാം ക്ലാസ്​ പരീക്ഷയും റദ്ദാക്കിയിട്ടുണ്ട്. പരീക്ഷ നടത്തിപ്പുമായി ബന്ധപ്പെട്ട ഹരജികൾ വ്യാഴാഴ്​ച പരിഗണിക്കാനിരിക്കേ, ഉന്നതതല യോഗത്തിലെ തീരുമാനം കേന്ദ്ര സർക്കാർ സുപ്രീംകോടതിയെ അറിയിക്കും.

പരീക്ഷ കാര്യത്തില്‍ തീരുമാനം എടുക്കാന്‍ മേയ്​ 21, 23 തീയതികളില്‍ കേന്ദ്ര വിദ്യാഭ്യാസ മന്ത്രാലയം വിളിച്ചുചേർത്ത ​യോഗത്തിലും മേയ്​ 23ന് പ്രതിരോധ മന്ത്രി രാജ്‌നാഥ് സിങ്ങി​​െൻറ അധ്യക്ഷതയിൽ നടന്ന യോഗത്തിലും അന്തിമ തീരുമാനം എടുക്കാൻ സാധിച്ചിരുന്നില്ല. തുടർന്ന്​ സംസ്​ഥാനങ്ങളോട്​ നിലപാട്​ എഴുതി അറിയിക്കാൻ ആവശ്യപ്പെട്ടു. തുടർന്ന്​ ജുൺ ഒന്നിന്​ തീരുമാനം പ്രഖ്യാപിക്കാൻ നിശ്ചയിക്കുകയായിരുന്നു.

ഇനി മൂല്യനിർണയം എങ്ങനെ?

പരീക്ഷ റദ്ദാക്കിയ സാഹചര്യത്തിൽ മൂല്യനിർണയത്തിന് സി.ബി.എസ്​.ഇ സമയബന്ധിതമായി മാർഗരേഖ തയാറാക്കും. തുടർന്ന്​ ഫലം പ്രസിദ്ധീകരിക്കും. കഴിഞ്ഞ വർഷത്തെപ്പോലെ പരീക്ഷ എഴുതാൻ താൽപര്യപ്പെടുന്ന വിദ്യാർഥികൾക്ക്​ സാഹചര്യം അനുകൂലമാവുന്ന മുറക്ക്​ അതിനുള്ള അവസരം പിന്നീട്​ നൽകും. ഒമ്പത്​, 10,11 ക്ലാസുകളിലെ മാര്‍ക്ക് പരിഗണിച്ച് മൂല്യനിർണയം നടത്താനാണ്​​ സാധ്യത​. കഴിഞ്ഞ വർഷം മൂന്ന്​ പരീക്ഷ കഴിഞ്ഞതിന്​ പിന്നാലെയാണ്​ ലോക്​ഡൗൺ പ്രഖ്യാപിക്കുന്നത്​. ഇതി​െൻറ മാർക്കും ഇ​േൻറണൽ മാർക്കുകളും പരിഗണിച്ചായിരുന്നു മൂല്യനിർണയം.