സ്വന്തം വീടിന് തീവെച്ചയാൾ അറസ്റ്റിൽ

നെടുമങ്ങാട്: സ്വന്തം വീടിന് തീവെച്ച കേസിൽ പ്രതി പിടിയിൽ. ആര്യനാട് ഇറവൂർ സരസ്വതി വിലാസത്തിൽ ബിജു (51) വിനെയാണ് ആര്യനാട് പൊലീസ് അറസ്റ്റ് ചെയ്തത്.

മാതാവ് ഓമന സമീപത്തെ വീട്ടിൽ പോയ സമയത്താണ് ഇയാൾ വീടിന് തീകൊളുത്തിയത്. ബുധനാഴ്ച്ച ഉച്ചയ്ക്കാണ് സംഭവമെന്ന് ആര്യനാട് പൊലീസ് ഇൻസ്പെക്ടർ സുരേഷ് കുമാർ പറഞ്ഞു.

നേരത്തെയും ബിജു വീട് കത്തിക്കാൻ ശ്രമം നടത്തിയിരുന്നതായി പൊലീസ് പറയുന്നു.