ചരമവാർത്ത നൽകി മുങ്ങിയ ‘പരേതൻ’ കോട്ടയത്ത് പിടിയിൽ

കോട്ടയം: ദിനപത്രങ്ങളില്‍ സ്വന്തം ചരമവാര്‍ത്തയും പരസ്യവും നല്‍കി കണ്ണൂരിൽനിന്ന്​ മുങ്ങിയ ആളെ കോട്ടയത്ത്​ കണ്ടെത്തി. തളിപ്പറമ്പ് കുറ്റിക്കോല്‍ മേലുക്കുന്നേല്‍ ജോസഫിനെയാണ്​ (75) തിരുനക്കര ക്ഷേത്രത്തിനുസമീപത്തെ ലോഡ്ജില്‍നിന്ന്​​ കണ്ടെത്തിയത്​​. തിങ്കളാഴ്ച ഇയാൾ കോട്ടയത്തെ ബാങ്കിലെത്തിയിരു​െന്നന്ന വിവരത്തി​​െൻറ അടിസ്​ഥാനത്തിൽ പൊലീസ്​ തിരച്ചില്‍ നടത്തിവരുകയായിരുന്നു. ഗുരുതരരോഗം ബാധിച്ചതി​െല മനോവിഷമവും മക്കള്‍ പരിഗണിക്കാത്തതി​െല വേദനയുമാണ്​ ഇത്തരത്തിൽ വീട്​ വീടാന്‍ കാരണമെന്ന്​ ജോസഫ്​ പൊലീസിനോട്​ പറഞ്ഞു. വിവരമറിഞ്ഞ്​ തളിപ്പറമ്പിൽനിന്ന്​ ബന്ധുക്കളും എത്തിയിരുന്നു. കാണാതായെന്ന പരാതിയുള്ളതിനാൽ തളിപ്പറമ്പ്​ എസ്​.​െഎയുടെ നേതൃത്വത്തി​െല സംഘത്തിന്​ കൈമാറി.  

നവംബര്‍ 29നാണ്​ വിവിധ പത്രങ്ങളുടെ പയ്യന്നൂരിലെ സബ് ഓഫിസില്‍ നേരിട്ടെത്തി ചരമവാര്‍ത്തയും പരസ്യവും നല്‍കിയത്. മരിച്ചത്​ ജ്യേഷ്ഠനാണെന്നും സംസ്‌കാരം തിരുവനന്തപുരത്താണെന്നും പറഞ്ഞ്​ ​  പഴയ ചിത്രത്തോടൊപ്പമാണ്​ വാർത്ത കൈമാറിയത്​. പിറ്റേന്ന് മരണവാര്‍ത്ത പത്രങ്ങളില്‍ കണ്ടതോടെ ബന്ധുക്കള്‍ പൊലീസിൽ പരാതി നൽകി. തുടർന്ന്,​ പയ്യന്നൂരില്‍നിന്ന്​ മുങ്ങിയ ജോസഫ് ജന്മനാടായ കടുത്തുരുത്തിയില്‍ എത്തി ഒരുദിവസം താമസിച്ചു. പിന്നീട്​ മംഗളൂരുവിലേക്ക്​ പോയി. തിങ്കളാഴ്ചയാണ്​ കോട്ടയത്തെത്തിയത്​. ഉച്ചക്ക്​ കോട്ടയം കാര്‍ഷികവികസന ബാങ്കിലെത്തി സ്വര്‍ണമാലയും പണവും ഭാര്യക്ക്​ അയച്ചുകൊടുക്കണമെന്ന് ബാങ്ക് സെക്രട്ടറിയോട്​ ആവശ്യപ്പെട്ടു. തളിപ്പറമ്പ് കുറ്റിക്കോലിലെ മേരിക്കുട്ടിയുടെ ഭര്‍ത്താവ് മേലുക്കുന്നേല്‍ ജോസഫ്  മരി​െച്ചന്നും അയാളുടെ ഭാര്യക്ക്​ പണം അയക്കണമെന്നുമാണ്​ ആവശ്യപ്പെട്ടത്. ബാങ്കില്‍ ഇൗ സൗകര്യമില്ലെന്ന്​ പറ​ഞ്ഞെങ്കിലും മടങ്ങാൻ തയാറായില്ല. തുടർന്ന്​, സെക്രട്ടറി തളിപ്പറമ്പ് കാര്‍ഷികവികസന ബാങ്ക് സെക്രട്ടറിയുമായി സംസാരിച്ചതിനെത്തുടർന്നാണ്​ ചരമപരസ്യം നൽകി മുങ്ങിയ ആളാണെന്ന്​ തിരിച്ചറിഞ്ഞത്​. കൂടുതൽ വിവരം ചോദിച്ചയുടന്‍  സ്​ഥലംവിടുകയായിരുന്നു.

കോട്ടയം ഡിവൈ.എസ്.പി സക്കറിയ മാത്യു, വെസ്​റ്റ്​ സി.ഐ നിര്‍മല്‍ ബോസ്, എസ്.ഐ എം.ജെ. അരുണ്‍ എന്നിവരുടെ നേതൃത്വത്തില്‍ മൂന്ന്​ സംഘമായി നടത്തിയ തിരച്ചിലിലാണ്​ ഇയാൾ കുടുങ്ങിയത്​. റെയിൽവേ സ്​റ്റേഷൻ, കെ.എസ്​.ആർ.ടി.സി^സ്വകാര്യബസ്​ സ്​റ്റാൻഡ്​​, ലോഡ്​ജുകൾ എന്നിവയും സി.സി ടി.വി കേന്ദ്രീകരിച്ചുമായിരുന്നു പരിശോധന​.