Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightരാജ്യം ഭരിക്കുന്നത്​...

രാജ്യം ഭരിക്കുന്നത്​ ഹിംസയിൽ വിശ്വസിക്കുന്നയാൾ; മോദിക്കെതിരെ ആഞ്ഞടിച്ച്​ രാഹുൽ

text_fields
bookmark_border
രാജ്യം ഭരിക്കുന്നത്​ ഹിംസയിൽ വിശ്വസിക്കുന്നയാൾ; മോദിക്കെതിരെ ആഞ്ഞടിച്ച്​ രാഹുൽ
cancel

വയനാട്​: രാജ്യത്ത്​ സ്​​ത്രീകൾക്കെതിരെ ക്രൂരമായ അതിക്രമങ്ങൾ നടക്കുന്നതിനെ അപലപിച്ചും മോദി സർക്കാറിനെതിരെ ആഞ്ഞടിച്ചും കോൺഗ്രസ്​ എം.പി രാഹുൽ ഗാന്ധി. രാജ്യം ഭരിക്കുന്നത്​ ഹിംസയിൽ വിശ്വസിക്കുന്ന വ്യക്തിയായതിനാലാണ്​ സ്​ത്രീകൾക്കെതിരായ അക്രമങ്ങൾ വർധിക്കുന്നതെന്നും ജനങ്ങൾ നിയമം കൈയ്യിലെടുക്കുന്നതെന്നും​ രാഹുൽ തുറന്നടിച്ചു.

‘ഇന്ത്യ ​ ബലാത്സംഗങ്ങളുടെ തലസ്ഥാനമെന്നാണ്​ ഇന്ന്​ ലോകരാജ്യങ്ങൾക്കിടയിൽ അറിയപ്പെടുന്നത്​. എന്തുകൊണ്ടാണ്​ ഇന്ത്യക്ക്​ സ്വന്തം സഹോദരിമാരെയും പെൺമക്കളെയും സംരക്ഷിക്കാൻ കഴിയാത്തത്​ എന്ന്​​ വിദേശ രാജ്യങ്ങൾ ഒന്നടങ്കം ചോദിക്കുന്നു. ഉത്തർപ്രദേശിൽ പെൺകുട്ടിയെ ബലാത്സംഗം ചെയ്​ത കേസിൽ ബി.ജെ.പി എം.എൽ.എയാണ്​ പ്രതി. എന്നാൽ പ്രധാനമന്ത്രി നരേന്ദ്രമോദി ഇ​തെകുറിച്ച്​ ഒരക്ഷരം മിണ്ടുന്നില്ലെന്നും രാഹുൽ വിമർശിച്ചു.

നമ്മുടെ രാജ്യത്ത്​ നിലനിൽക്കുന്ന സുസ്ഥാപിത ഘടനക്ക്​ മാറ്റം വന്നതിനും ജനങ്ങളും സ്ഥാപനങ്ങളും നിയമം കൈയ്യിലെടുക്കുന്നതിനും വ്യക്തമായ കാരണമുണ്ട്​. അക്രമത്തിൽ വിശ്വസിക്കുകയും അവിവേകത്തോടെ അധികാരം കൈയാളുകളും ചെയ്യുന്ന വ്യക്തി ഇന്ത്യ ഭരിക്കുന്നുവെന്നതാണ്​ ഇതിനെല്ലാം കാരണം’- രാഹുൽ പറഞ്ഞു. ഉന്നാവിൽ ബലാത്സംഗത്തിനിരയായ പെൺകുട്ടിയെ പ്രതികൾ ചുട്ടുകൊന്ന സംഭവും ​ൈഹദരാബാദിൽ വെറ്ററിനറി ഡോക്​ടറെ കൂട്ടബലാത്സംഗത്തിനിരയാക്കി തീകൊളുത്തിയ പ്രതികളെ പൊലീസ്​ വെടിവെച്ചുകൊന്ന സംഭവവും ചൂണ്ടിക്കാട്ടിയാണ്​ രാഹുലി​​െൻറ വിമർശനം.

Show Full Article
TAGS:Hyderabad Doctor Rape case PM Modi rahul gandhi AAP MLA Amanatullah Khan detained- India News 
Next Story